الله لايحرمكم الاجر(ساعدوني بـ اسئلتي )

بأجاوبك على الاسئلة اللي اعرفها
السؤال الاول / ماهي الخطوات عشان اقدم على فيزا مع شرح مبسط ؟
باكتبها لك على خطوات بتجهيز الاوراق وبعدين التنفيذ

التجهيز
1- جهز ورقة الأي تونتي مع قبول الجامعه
2- صورة من الجواز ملونه
3- صورة لك 5×5 خلفيه بيضا بدون اي تعديلات عن طريق الكمبيوتر
4- الجواز + الجوازات القديمه
5- استمارة 156 + 157 + 158 (تلقى روابطها في قسم التاشيرات بالمنتدى)
6- شهاداتك (مترجمه طبعا) كلها واذا كنت مشتغل قبل كذا حط لهم الاثباتات

التنفيذ
1- عب استمارة 156 (لازم تعبيها من الموقع وتكون عندك طابعه عشان تطبعها تلقى لها شرح كامل بقسم التاشيرات)
2- عب استمارة 157 و 158
3- سدد السيفيس واسهل لك طبعا بالماستركارد عشان ما تتاخر بوصول الاوراق وكذا ولازم تكون عندك طابعه طبعا (تلقى شرح في قسم التاشيرات برضو)
4- سدد مبلغ السفارة عن طريق البنك الامريكي اون لاين (اذا كان عندك حساب) او روح لاي فرع وعب الاستمارة وبس
5- ادخل موقع السفارة وسجل لك يوزر وادفع رسومه واحجز لك موعد (فيه شرح برضو بقسم التاشيرات)
6- وانتظر الموعد وخذ كل اوراقك مع صور لها وبس

وصدقني لا تخاف من السفارة لا يهمونك كلام اللي هنا يقولون نرفزه واهانات ومدري ايش

قسم بالله شفني احلف لك ما فيه احلى من تعاملهم راااااااااااااقي بشكل ما تتصور وراحه ولا فيه اي شي اصلا يدعو الى انك تخاف اجراءات سهله ولا فيه اي شي يدعو الى انك تخاف

انا كنت قبل اقرى مواضيعهم وكنت متخوف لدرجه ما تتخيلها لكن يوم شفت الامر قدامي انصدمت صراحه قلت وراهم يقولون كذا و و و وحتى القنصل عسل بشكل ما تتصور


وبالتوفيق لك

مشكووووووووووووووووووور

طبعا ترى يوم اقول الاي تونتني معناها ورقة الاي تونتي وقبول المعهد

آمين يارب الله يوفقنا ويوفقك ويوفق الجميع يارب

طيب ماهي الطريقه عشان اعرف ان الوزاره خاطبت السفاره بخطاب بخصوص الضمان المالي ؟
ولله ما خبرت فيه طريقة لكن السؤال انت كيف تتواصل مع الوزارة؟
يعني عن طريق الايجك او عن شخص بالوزارة متكفل فيكم او كيف؟؟
اسالهم وهم يقولون لك اذا ايه او لا وما فيه حل غير هذا عزيزي

ماذا تعرف عن مدينتي او الولايه لجميع الاعضاء؟
على فكرة تلقى موضوع بملتقى الولايات الوسطى عن متشجن مثبت ولله ما قصر في شرحه واذا قريته باذن الله بتستفيد منه كثير

فيه طريقه اسدد رسوم النموذج اللي بالموقع غير الفيزا ، مثلا (ايداع) هي طبعا والسيفيس؟
ايوة طبعا ترسل لها شيك مسجل اظن او بااي طريقة كانت تلقاها مكتوبه عندك بالاوراق لكن المشكلة يالغلا تتاخر حوالي شهر فماله داعي اتاخر شهر عشان فلوس
بعدين اصلا انت مستخدم الفيزا مستخدمها... يعني عشان تدفع حق اليوزر والموعد لازم يكون عندك فيزا
حاول تدبرها من هنا ولا من هنا اكيد بتلقى احد من اللي تعرفهم عنده فيزا ادفعها وعطه اياهاا كاش تراها ولله تريح عليك اشياء كثيرة (بس مثل ما قلت ضروري تطبع كل شي تدفعه) واذا مرة مرة ازمت كلم الايجك يمكن تكون عندهم خدمة انهم يدفعون لك بالفيزا ويستلمونها كاش بس اعتقد بتصير عليك رسوم زيادة وبيزودون عليك كثير

اخوي وش الفرق بين سداد السيفيس وسداد مبلغ السفاره

مع العلم اني سددت فقط 498ريال بالبنك الامريكي عن طريق ايداع

الله يوفقك يارب

اخوي الله يوفقك
لازم تسدد رسوم السيفس عن طريق الانترنت
ولازم تطبعها واهم شي انك تتأكد انك مجهز كل الاوراق ولا تنسى منها شي علشان ما يعطلونك

اعتذر لك عن التأخير يالغلا

شوف يالغلا سداد البنك الامريكي فلوسه تروح للسفارة نفسها يعني تعتبر هذي رسوم للسفارة

اما السيفيس فهو رقم يصير مكتوب في الاي تونتي اللي معطينك اياه المعهد لازم تثبته عشان يكتب لك الرقم في الفيزا حقتك وهو شرط انك تقدمه بالمطار (الاي تونتي اقصد)