الرجاء من الاعضاء الدخول لو سمحتو ا

المقابله سهلة جدآ وراح تندم انك فكرت فيها واشغلت بالك فيها ........ ماتاخذ معاك اكثر من 5 دقايق والأسئله سهله جدآ .....وبالنسبه للأبلكيشن اقدر اساعدك فيه إذا انت ماسويت فيه اي شي ....جاري اضافتك ...تحياتي لك

يا غالي

بالتوفيق

انا الحمدلله طلعت لي الفيزا من 25 فبراير الماضي

يعني لها اكثر من شهر و نص ...

شف يا غالي .... روح باللباس السعودي ثوب و شماغ و عقال

اذا عندك سكسوكه او لحيه شلها على طول ..

خلك على شنبك ..

و رتب روحك و سنع روحك كنك بتروح عرس ^__+

و خلك واثق من نفسك واياني واياك بالكذب ..

وبالنسبه للابلكيشنات .... باذن الله بيساعدونكم ناس داخل بتعبيتها وتقدرون تسالونهم واللي معك اسالهم ..

باذن الله تساهيل ...

وبالنسبه للاوراق ... ود كل ورقه معك ... لو عندك جواز قديم وده ..

انا كان عندي قديم بس ما سالني عنه ولا جبته اصلا ..

و مثل ما قلت لك ود كل اوراقك و حطهم بشنطه ..

لا تخلي ولا ورقه بالبيت ..

بس طبعا هالاوراق كلها صورها اكثر من خمس نسخ هذي نصيحتي لك

وخل صور منسوخه من كل اوراقك ... مثلا ثنتين بالبيت و ثنتين معك

يعني صور كل اوراقك اكثر من مره ...

ولا تخاف من شي وتوكل على الله ..

تراهم داخل السفاره مره رائعين وتعاملهم جدا جدا رائع

واذكر اني طحت في اقشر واحد بس الحمدلله كلمته عدل وما خفت من شي و طلعت لي الفيزا بعد 11 يوم من المقابله ..

رغم ان كان ناقصني خطاب سفاره و سيفيز بس جبتهم مره ثانيه بعد الموعد يوم عطوني الورقا الصفرا وقالوا وش اللي ناقصني ..

كلموني و رحت لهم وعطيتهم الناقص و بشروني ان الموافقه طلعت على استخراج الفيزا ... وعطوني كرت صغير قالو بعد اسبوع استلم فيزتك وعادي اي احد غيرك عنده كرتك يقدر يستلمها بدالك ..

و استلمت فيزتي داخل الجواز و دبسوا بالجواز ظرف فيه نسخه من الاي تونتي حقي وما افتحه الا بمطار امريكا عند دخولي .. عمال الجمارك هم يفتحونه ..

بالتوفيق يا غالي ..

و ملاحظه صغيره : ( الابلكيشنات تحمل غثتها .. وباذن الله فيه ناس مخصصين يساعدونكم بالتعئبه يعني تسالونهم وش ذا وش ذا ويعلمونكم وانتو تكتبون ) ...

وانا ذاك اليوم رحت السفاره من الساعه 6 الصباح وما طلعت منها الا 2 ونص الظهر ...

تحمل تراها شي بسيط باذن الله ...

بالتوفيق يا غالي ..

واذا اللي يقابلك بالمقابله قام يسالك اسئله كثير ... لا تتذمر ولا تشتكي ... خلك طول الوقت مرتاح و مبتسم معه ..

واذا قال لك لازم تجيب اوراق وكذا وكذا ... قله اوكي ان شاء الله وانت مرتاح ... عشان يرتاح منك ..

بالتوفيق يااخوي وعقبال قرار الابتعاث

اخوي خذ معاك الاي توني والابلكين الثلاثه ولا تنسى التوقيع في الاوراق لانهم اذا شافوك ما وقت راح يرجعونك وثاخذ رقم من جديد و من ناحية جو السفاره فخل اعصابك بارد واو ما تجي عند الموظف حيه وخلك واثق من نفسك ومن اجاباتك ولا تشيل هم والله يكتب لك الي فيه الخير ويوفقك و يوفقنا احمين انشالله ... ..... ...... .......