الفيزا السياحية للمرافق

بل يـقـدر يروح الـمكـسـيك أو كـندا أو أي دولة , الـعـبرة بالخروج من أراضي الولايات المتّحـدة الأمريكية ومو شرط يرجع المملكة.

أنا راح أعيد ردي في موضوع ثاني هنا .. لأنه صراحة أنا عايشة هذه المعاناة دحين

و الله أكبر معاناة للطالبة المبتعثة هي فيزا و الدها المرافق ، راح يتعبوا الأب المرافق في حجات كثيرة جدا !!!! أنا صار لي أسبوع في أمريكا و عكسوا على أبوي في أشياء كثيرة ... و غير حكاية 6 أشهرو يطلع حتى حساب بنك ما خلوه يفتح ، و الله أعلم إيش القادم !

فيه طريقة قالوا أنه يطلع فيزا f2 ( دوام جزئي ) و يطلع له قبول لغة ( خليه يطلع قبول لغة ) و الضمان المالي راح يعطونك هو من الملحقية

و فيه طريقة ثانية و مهي أكيدة و حذروا منها هو إما يسافر المرافق كندا بعد ما يطلع فيزا كندا ( و هذه الطريقة الخطيرة و الغير ممدوحة ) أو يطلع فيزا المكسيك و يسلفر هناك و يرجع و قتها ما يحتاج يرجع السعودية .. بس كلها تعب

و فيه طريقة ثالثة أنه يطلب تمديد 6 أشهر ثانية من دائرة الهجرة ، بس حطي في بالك أنه يعتمد على سنه و سيرته في أمريكا و فلوسه ، كمان ما في أحد راح يساعد ( يعني مثل الملحقية ) يعني أنت وحظك ....

فأنت اختاري بين f2 أو b2 و لا تنسي أنه بالدراسة ( اعتقد ) لازم يكون في حضور و اختبارات و هذا الكلام .. بس أعتقد أنه مهو لازم يدرس على طول أو شي مثب كذه ، لأنه من ناحية الدراسة مثل ما قالت لنا الملحقية تدقق دائرة الهجرة على الطلاب و الدراسة !

إذا فيه استفسار ثاني أسألي بس هذا إلي أنا جاني في بالي أكتبه دحين

و لا أنسى إذا رحتي الملحقية تأكدي أنهم يكتبوا اسم أبوك في البطاقة إلي يعطوك هنا من الخلف ( خلف البطاقة ) لأنه هذا أول مطب أكلته و نسيت ( أصلا ما كنت أعرف ولا أحد قلنا ) و لا ما راح يكون له ضمان صحي .. أنا دحين ممن هذه الناحية أبوي مهو تحت ضمن الضمان الطبي ( حسب ما قالوا لنا ، لأنه كل واحد جالس يقول كلام ، و ناس تقول اسمه نزل في الكمبيوتر و ناس تقول لازم اسمه يكون في البطاقة ) و لأني ما لقيت سكن لساع فما عندي عنوان عشان أرد البطاقة للملحقية و يرسلوا وحدة ثانية !

لول لازم نطالب بحقوق المحارم الأباء

الأب مـا يـقـدر يـسـتـخـرج تأشـيـرة B-2. الزوج/الزوجة/الأبـناء فـقـط هم اليل يـقـدروا يـقـدّموا على تأشـيـرة مـرافـق

الأب يستطيع استخراج B2 ، أجل ايش يطلع ؟ خطأ مطبعي ؟

، لكن في الملحقية إذا قالوا إذا أراد الأب أن يدرس يستطيع أن يحول فيزته إلى F2 دون أي مشكلة ، لا يوجد معدل عمري للدراسة

ههههههههههههههههه . . مـعـليش قـصـدي الأب ما يـقـدر يـسـتخرج F-2>

والـمـلـحـقـيـة غـريـبـيـن صراحـة وهم المفترض يكونوا الأعـلـم والأعـرف بمثل هالأمــور

, قـانون الـهجرة والتأشيرات واضــح . . .

F-2 dependent visa is a non - immigrant visa which allows dependent spouses and children of F-1 student visa holders to enter into the U.S

ما اختلف أبدا معك ، لأنه هذا إلي مكتوب و على أساسه سويته ... بس عاد وش نقول على الملحقية بعدين قالوها كم مرة @-@