اخواتي المبتعثات طالبة مساعدتكم في حل مشكلة فيزا المرافق السياحية

اخ فيصل جزاك الله خير على المعلومات

ياليت توضح لي اكثر ايش اجراءات تمديد فيزا السياحة من امريكا وتكلفها اذا تكرمت

وكيف لو رحنا كندا سياحة ؟

جزاك الله خير

الوثائق المطلوبة لطلب تمديد التاشيرة من داخل امريكا:

- نموذج I-539 (طلب تمديد الزيارة).

- الرسوم ، كانت 180 دولار وزادت ماأدري كم الحين بس اتوقع في حدود 350 دولار.

- خطاب من الملحقية يشرح حالتكم ، يعني انك مبتعثة وانه مرافق لك وانكم تستلمون مكافأة الخ (يعني ماعندكم مشاكل مادية).

- طلب من صاحب العلاقة لتمديد التاشيرة موجه الى ادارة الهجرة والتجنيس يشرح سبب طلب التمديد الخ.

- صورة الجواز (كل الصفحات حتى الفاضية) وصورة ال I-94.

يرسل الطلب الى مكتب الهجرة المحدد، فيه اربع مكاتب في امريكا وكل مجموعة ولايات تتبع مكتب. وبس!

هذا نموذج ال I-539 :

http://www.uscis.gov/files/form/i-539.pdf

وهذا نموذج طلب تمديد تاشيرة مقدم من صاحب العلاقة:

Visitors Visa Extension - Sample Cover Letter

بالنسبة للتجديد من كندا ، تحجزي موعد اون لاين في السفارة او احد القنصليات الامريكية في كندا. هذا اصعب شي لانهم عليهم ضغط كبير جدا. وبعدين ياخذ تاشيرة زيارة لكندا ويسوي نفس الاوراق الي سواها في السعودية. عادة الحصول على تاشيرة من كندا اسهل من السعودية.

و الله يا أختي فدك هذا الكلام من الملحقية و أنا تفاجئت منه صراحة لما سمعته في الملحقية ! إذا رحت واشنطن تأكدي زيادة ..

لو التمديد بهذه السهولة حلو يا أخوي فيصل ، و شكرا على التوضويح و التطمين !

الاخت "بنت آدم":طلب التمديد مو شرط الحكومة توافق عليه، واجمالا، الشخص الحاصل على تاشيرة سياحية لازم يغادر البلد بعد 6 شهور (حتى لو التاشيرة 5 سنوات) ، بس لكل قاعدة استثناء. اذا المرافق قدم طلب والحكومة وافقت ، ممكن المرافق يجلس ، واذا ماوافقت على التمديد ، المرافق لازم يغادر البلد قبل انتهاء التاشيرة. انا بس حبيت اوضح نقطة امكانية طلب التمديد.

ماشاء الله عليك faisalNY

دايم ردودك شافيه

كويس اذا الفيزا السياحيه كذا

عشان السفارة دقرت لنا هالمرة ناخذ سياحيه

وانا سمعت انه مو شرط يخرج برا الولايات يعني يرجع للسعوديه

يعني فيه امكانيه يروح كندا مثلا ويرجع صح؟؟

الله يجزاك كل خير يا اخ فيصل

الاخت lolycat،

اذا اخوك يبغى يدرس ، احسن شي انه يجيب قبول ويحول على تاشيرة طالب ويرتاح. ممكن الواحد يجدد تاشيرته من كندا طبعا بغض النظر عن نوع التاشيرة . الاجراءات هي اولا حجز موعد وكان بحدود 20 دولار. بعدين ياخذ تاشيرة زيارة لكندا ويقول لهم انه رايح علشان يبغى يجدد التاشيرة الامريكية. يحتاج يدفع رسوم التاشيرة في بنك scotiabank وبعدين بيتصلوا عليه بعد يوم او يومين ويروح ياخذ جوازه مختوم ويرجع امريكا.

إذا كان كذه حلو يا أخوي ، لكن المشكلة أني بأوفق بين ما تقوله الملحقية و بين ما أسمعه من الأخوان ! لأنهم في الملحقية حذرونا من التوجه لكندا لأنه في طلاب انحجزوا في كندا و ما قدروا يرجعوا ( و كيف و لماذا الله أعلم ) لكن بعدها دخل علينا محاضر من نفس الملحقية و في نفس اليوم ( قبل المحاضر الذي حذرنا من مسألة كندا ) قال عادي نروح كندا و نجدد الفيزا بس أهم شي يكون معه I-20 ! و الله راسي صدع من هذا الموضوع ! و لا أعرف ايش أسوي ! لكن سمعت أن طريقة الذهاب إلى المكسيك أفضل !

من ناحية الاجراءات مافيه فرق في طلب تاشيرة في كندا أو المكسيك. المكسيك ممكن تكون اسهل في مسألة الحصول على حجز وفيه مكاتب ترتب مسألة السفر من الألف للياء يعني يتكفلون بحجز الفندق هناك الخ لان المكسيك حسب علمي صعبة شوي (مو مثل كندا) ، يعني مستوى الامان مثلا مو مثل امريكا او كندا (كندا اكثر امان من امريكا).

بالنسبة للطلاب الي ينحجزوا ، هذه ممكن تحصل في كندا او المكسيك، يعني اذا عطوك الورقة الحمرا مثلا ماتقدري ترجعي امريكا ولازم تنتظري حتى تخلص الاجراءات الادارية. افضل شي ان الواحد يروح كندا او المكسيك قبل لاتنتهي مدة ال I-94 بفترة كافية ، اسبوعين مثلا . في الحالة هذه ، اذا قالوا التاشيرة بتطول ، ممكن الواحد يرجع امريكا (طالما ان ال I-94 صلاحيتها ماانتهت) وبعدين يرتب اموره علشان يرجع السعودية ويطلب التاشيرة في الاجازة مثلا. اذا الواحد سافر كندا (او المكسيك) وال I-94 منتهي صلاحيته ، مايقدر الواحد يرجع امريكا الا بتأشيرة جديدة وبالتالي اذا انحجز في كندا ، لازم يرجع على السعودية من كندا يعني وجع راس.

طيب الان الفيزا خمس سنوات ولله الحمد

لكن المشكلة في I-94 لانه يحتاج يخرج من امريكا كل 6 شهور او حسب ماهو محدد ..

في ذي الحالة اقدر افهم ان اللي خارج من امريكا كسائح لكندا ويرجع عشان يتجدد له فترة الI -94 ماعنده مشكلة؟؟؟؟؟؟؟