اخواتي المبتعثات طالبة مساعدتكم في حل مشكلة فيزا المرافق السياحية

ايه ممكن يسافر كندا مثلا ويجلس كم يوم ويرجع أمريكا ببطاقة ‎I-94 جديدة. غالبا ضابط الجوازات بيسأله ليش راجع أمريكا الخ فمن الأفضل يكون مجهز أجوبة (يعني أنه مرافق و أنكم جايين منحة على حساب الحكومة السعودية الخ). وطبعا مهم انه يكون معه الأوراق الرسمية الخاصة بالابتعاث.

ضابط الجوازات في المطار تهمه حاجتين ، أولا يبغى يتأكد انه الواحد بيرجع بلده في النهاية ، وانه الواحد عنده ضمان مالي ، والحاجتين يمكن اثباتهم باوراق الابتعاث الرسمية.

اذا الواحد طلب تمديد ال ‎I-94 من داخل أمريكا وتم رفض الطلب ، لازم يغادر أمريكا خلال ٣٠ يوم ، يعني مثلا يرجع السعودية وبعدين يرجع أمريكا بنفس الفيزة. طبعا اذا ال ‎I-94 منتهية صلاحيته ، الشخص مايقدر يدخل كندا زيارة (مابيعطوه تاشيرة زيارة في الحالة هذه) وبالتالي لازم يرجع السعودية وبعدين يجي أمريكا.

انا ودي انه يطلع بفيزة طالب وعنده قبول من لغه من نفس معهدي وكل شئ

بس الله يستر من هالسفارة يارب تنحل المشكله ويطلعوا له فيزة طالب عموما

هذي اخر مرة حنقدم على الفيزا ويارب تضبط يارب

مشكور اخوي فيصل الله يجزاك خير وينك عنا على هل المعلومات من زمان وحنا نسال
انابجرب كل اللي قلته وان شاء الله تتيسر الامور واذا عندك اي نصائح ثانيه ان شاء الله تقدر تفيدنا
قولها الله يجزاك الجنه
كم المده التي تستغرغها اجراءت التحويل الفيزه من سياحيه الى طالب انا بحاول في كندا انا اطلب فيزه طالب

المعذرة عزيزتي ، ماشفت الموضوع الا قبل يومين.

اذا الواحد دخل أمريكا بفيزة سياحية وناوي يحول لفيزة طالب ، أفضل شي انه يجيب قبول في اسرع وقت ، طبعا قبول المعهد من داخل أمريكا المفروض ماياخذ اكثر من عدة اسابيع. بعد مايجيب الI-20 ، يسوي طلب التحويل يعني تعبئة النموذج I-539 الخاص الي حطيت الرابط تبعه فوق وبقية الاوراق ويرسلهم لدائرة الهجرة والتجنيس. الرد ممكن ياخذ من اسبوعين الى ثلاث اشهر عادة حسب الدور. اهم شي ، انه موافقة دائرة الهجرة تجي قبل لاتنتهي مدة ال I-94.

اذا الرد كان ايجابي ، الواحد مايحتاج يطلع من امريكا لأن صلاحية ال I-94 صار غير فعال وماله قيمة طالما الشخص صار طالب. بس اذا طلع من امريكا ، لازم يحجز موعد ويجيب تاشيرة جديدة (تاشيرة طالب) لأنه مايقدر يدخل امريكا بتأشيرة الزيارة بعد ما صار طالب.

ان شاء الله بحط رد بطريقة تمديد طلب الفيزة السياح او تغيير نوع الفيزة بمزيد من التفصيل اذا فضيت شوي اليوم او بكرة.

مشكور اخوي فيصل الله يعطيك العافيه ويجزاك الجنه ويسعدك في الدراين ويحقق لك كل ما تتمنى
والله انت ذهب لاتقدر بهل المعلومات حتى قوقل بحثت فيه عن هل الموضوع ما حصلت
طلعت انت افضل من قوقل بعد
ان شاء الله كل الإخوات يستفيدون من هل الموضوع

شوفي يالغاليه الوالد يقدر يحصل على فيزا F2 بس لازم يدرس كلاسات برضو

وفيه حلين للفيزا B

اما انو يمدد 6 شهور تاني او انه ينزل على السعوديه ويجددها لان هذا الكلام اللي قاله لنا القنصل لما حضرنا محاضرات في الايديوكيشن

فالافضل ان يكون شغل ابوك نظامي عشان ما يمنع من دخول الولايات مره ثانيه اسئسلي واستفسر اكثر من المصدر " السفاره الامريكيه "

حسب علمي الأب مايقدر يروح على تاشيرة F2 ، وهذا الكلام من موقع وزارة الخارجية الأمريكية.

الشي الثاني ، الشخص الحاصل على تاشيرة F2 مو ضروري يدرس (بس ممكن يدرس).

أخيرا ، تمديد فترة الزيارة (I-94) من داخل أمريكا ممكنة لمرة واحدة فقط طوال فترة صلاحية التاشيرة.

الله يسعدك يا اخ فيصل ويوفقك دنيا واخره يارب ويحقق لك كل ماتتمنى

ان شاء الله بنروح كندا ويارب تتيسر وما يكون فيها مشاكل.

وفي نقطه سمعتها بالنسبة لفيزا السائح انه ممكن يروح جزر الباهامز وانها ما تكلف كثير والله اعلم مازال بحثي مستمر الى ان يفرجها الله

مشكوره اختي زهور الريف واي شئ يصير معك خبرينا الله يجزاك خير

أفا ! وحدة مرة بس ! هذه مصيبة ! كيف يبغوا المرافق يرافق ابنته طوال البعثة و الحكومة الأمريكية ما تبغاه -_- يعني أبطل بعثة في النهاية !