ما بعد الوصول الى واشنطن

انا في ولاية انديانا مدينة ساوث بند مدينتي تبعد عن شيكاغو 100 كيلو
شسوي انا طالع مو على اني مبتعث

معي امر اركاب وظمان مالي ولكن ما قدرت اجيب قرار الابتعاث عشان كذا جالس انتظر

ولله المدينة اللي فيها بردها بزيادة عن الولايات الثانية تخيلي ليوم درجة الحرارة -3

............

لا يابنت الحلال بالله عليك لا تقولين الكلام هذا قسم بالله كلامك فقع مرارتي

كل شي ولا اليأس ترى ولله كلنا صار لنا عقبات كثيرة ولا نيأس وانتي عقبتك في السفارة وباذن الله بتنحل لكن اهم شي لا تياسين اسعي لها الى ما تضبط


وخلي عنك بالله كلام اليأس لانه ولله ما يخش المزاج ويرفع الضغط ويفقع المرارة وأسعي في بعثتك لانها فرصة ما تتعوض ومشكلة السفارة باذن الله بتنحل ولا تشيلين همها وانتي قدمتي مرتين قدمي غيرها مرة ولا مرتين ولا ثلاث الى ما تضبط معك

وتكفين لا تيأسين لان اذا يأستي خلاص كل شي بيوقف في وجهك ، وباذن الله قريبا راح تنتهي امورك وتجين لامريكا وتنورينا

ما راح تتورط ولا شي لان فيه موظفين خاصين محطوطين بالمطار عشان يسهلون علينا امور المطار ويعرفون عربي وهم راح يساعدونك ويسوون لك كل شي

شهادة التطعيم انا ترجمها وتبهذلت عشان اترجمها وبالاخير لا طلبوها مني السفارة ولا المطار ولا حتى المعهد. يمكن الجامعه تطلبها مدري لاني ما بعد بديت دراسة بالجامعه اذا ضايعه خلاص ما يحتاج بس تراك راح تلقاها عن الوالد او الوالدة الله يحفظهم لك

خل عندك كم ورقة اصل خل بعضها في شنطة الاب توب لان راح يطلبوها منك في المطار وخاصة الاي تونتي وخل باقي الاوراق كسبير في شنطة الشحن

بس لازم يكون معك اوراق اصل في الطيارة لان اول ما تنزل من الطيارة راح تكون فيه اجراءات وراح تحتاج الى اوراق اصل تثبت هالشي واهمها طبعا الجواز والاي تونتي

اهلاااااااااااااان

الله يعافيك ويسلمك

امين يارب وييسر امورك

وهاه بشر سريت لك على ولاية ولا الى الان

اه لا تذكرني بهالبرد ياخوك ليوم درجة الحرارة -3

تخيل طلعت برى بس يمكن لمدة خمس دقايق ولله يوم دخلت معاد قدرت اتكلم فمي وربي تخدر ابي اتكلم احس ان لساني انربط من البرد

الحمد لله موسع صدري والله يسلمك ونورت الموضوع يا سيدي

وبالتوفيق لك يارب والله ييسر امورك

طيب يا استاذ مشعل ان شاء الله ما راح ايأس

وبدعي لي ولكم

الله يوفقكم ياشباب

ماقصرتوا معلومات اكثر من رائعة

هذا الكلام اللي يوسع الصدر

ولا اوصيك تعطينا اخبارك اول باول,,


امين يارب ويوفقك ويوفق الجميع يارب

شكرا لمرورك,

موفــــقـــــين

اخوي مشعل واخوي عبود

انا عندي إستفسار سريع اولاً انا ابي اعرف الملحقية ايش اللي تطلبه بزبط من اوراق انا راح ادرس بكالوريوس واول شيئ اللغة بدرسها في سياتل

فودي اعرف الأوراق اللي تطلبها الملحقية بزبط لأني صورت صور مقاس 4*6 ملونه وخلفية بيضاء مزبوط كذا او ملونه لازم تكون غير الخلفية الابيض؟

والثانية/ اني طالع على واشنطن دالاس وبعد يومين بطلع سياتل ولا اعرف كيف نظام الشنط انا باخذ معي شنطه وحده كبيرة وشنطة الاب توب وشنطة صغيره معي بالطائرة كيف النظام بالشحن لطيران الداخلي؟

وبعدين انا سمعت اشياء لازم تصدق من الخارجية ايش هذي انا ترجمت شهادة الثانوية من مكتب معتمد وختم عليها وبس ؟

شهادة الثانوية الأصل لازم اخذها معي لأن انا معي شهادة مختوم عليها صورة طبق الاصل مكتوب كذا .

وابي توضيح بهالأمور تكفى وخصوصاً بأوراق الملحقية المطلوبة؟

تحيااااتي

أولا مشكور علي المجهود الجبار اللي قمتوا فيه وعلي هالمعلومات القيمه بس حاب اسال انا مبتعث لمتشقن احسن اسافر لواشنطن والا نيويورك وكيف كانت تجربتك مع البحث عن سكن في المكان اللي انت تدرس فيه

ولك مني تحياتي وشكري

اهلا اخوي بعد اذن اصحاب الموضوع

بس انت مجبــــــــــــــــر انك تروح واشنطن مافيها كلام هذي ابدا

لانه الملحقيه الثقافيه في واشنطن وليست في نيويورك

عشان كذا اذا انت مبتعث لازم انك تروح لهم عشان تكمل باقي اجراءاتك منهم


بالتوفيق