سألت الوزارة بعض الأسئلة >> مو لازم تدخل

April 5th, 2009, 10:29 AM

السلام عليكم ورحمة الله وبركاته ,,,,
طبعا الموضوع موجه لبعض الأعضاء الذين تساءلوا خلال فترة ما قبل السفر بأيام وأنا منهم عن بعض الأشياء ,,, قضيت أشغالي اليوم الصبح بدري قلت يا ولد خل أنقز للوزارة وأنشدهم (أسألهم) بعض الأسئلة واللي راح الوزارة قبل شهر ونصف وراح لهم اليوم بيشوف فرق كبير ,, اليوم فاضين مرة ما فيه أحد لدرجة أول ما دخلت قعدوا يتهاوشون علي الموظفين كل واحد يقول تعال عندي >>>>>> مصدق نفسه توم كروز الصحراء

المهم هذي الأسئلة اللي رحت عشانها >>> شكلها أسئلة سخيفة

- س/ سألتهم عن الضمان المالي وقلت أنتم ما عطيتوني الضمان ؟؟؟
- قال : الملحقية هي اللي تعطيك الضمان من عندهم من هناك يعني في واشنطن ,,

- س/ وأنا أسوي حملة تفتيش في الأوراق لاحظت أن قرار الابتعاث الموجود عندي صورة وليس الأساس فسألتهم وش السالفة لا يكون أنا مضيعه ؟؟؟
- قال : الملحقية هناك يعطونك الأصل واللي عندك نعم هو صورة منه ..

- س/ قلت : سمعت أن الوزارة بتعوضنا عن الفلوس اللي دفعناها (رسوم السيفيس والـI20 والفيزة) .... هل هذا صحيح ؟؟
- قال : نعم يعوضونك هناك في الملحقية ....

وبعد كذا جو وسلموا علي وشكروني إني جيت وقعدوا يبكون >>>> لا يكثر
أنا أدري إن الأسئلة سخيفة لكن وش نسوي أخوكم في الله يحب يتدخل في كل صغيرة وكبيرة ..

عموما أتمنى أن اللي تساءلوا مثلي إن الصورة وضحت لهم الآن ,,,,

• نشر عبر تويتر
• نشر عبر فيسبوك
• نشر عبر جوجل