مـمـكـن رأيـكـم فـهـالـجـامـعـات ؟؟

تبي الصراحة كل جامعة اقوى من الثانية ولا علم لي بالمعاهد والولايات وربنا يسدد خطاك

مشكور ميتشجان على مرووورك

شوف اخوي هذي اقوى الجامعات في تخصص الـ management

Undergraduate business specialties: Management - Best Colleges - Education - US News and World Report

وشوف هالرابط اختر اي تخصص بزنس وشوف اقوى الجامعات اللي يدرسون هالتخصص

Best Colleges - Education - US News and World Report

وشوف هالرابط لجميع انواع تخصصات الهندسة ، اختر التخصص الهندسي اللي تبيه وشوف اقوى الجامعات اللي تدرس هالتخصص

Best Colleges - Education - US News and World Report

اما بالنسبة للكمبيوتر ساينس فهذي اقوى الجامعات

Search - Computer Science - Graduate Schools - Education - US News and World Report

اتمنى اكون اللي افدتك...

Meshal-USA

الله يعطيك العافيه .. وجزاك الله خير ..

بس الله لا يهينك .. ابي رايك في الولايات .. من وجهة نظرك ..

يعني عطني ترتيب .. لو تكرمت

توني كنت كاتب رد من عشرين سطر واخرتها يقولي لا يمكن وضع الرد يجب ان تكمل 15 حقل :@:@:@:@:@

<---- ارتفع ضغطه

باكتبه مرة ثانية لحظات

University of Illinois--Urbana-Champaign
University of Michigan--Ann Arbor
University of Iowa..IOWA CITY
Indiana University--Bloomington
Iowa State University..AMES
University of Kentucky..LEXINGTON
Illinois State University..NORMAL


كنت اقول يالغلا اني اللي باكتبه بهالرد هو عبارة عن رأي فقط لان كل واحد ورأيه ويمكن رايي ما يعجبك لكن هذا رايي وانت عليك الاختيار ,

اغلب الولايات اللي انت حاطها جنب الولاية اللي انا فيها بحكم اني بولاية انديانا مدينة south bend

طبعا باقولك لو تبعد عن الولايات الشمالية قدر الامكان لان ولله برد ، انت بتقول عادي اتحمل بردهم وكذا لكن اقولك ومن تجربه نصيحة من الان مدامك تدور على جامعات ابعد عن الشمال لان ولله برد مهوب صاحي تخيل الان احنا بالربيع ودرجة الحرارة يوميا بين 7 و 1 وبعض الاحيان توصل -2

بينما الولايات الجنوبية ما تنزل درجة الحرارة عن 15

طبعا اغلب المدن اللي انت حاطها شمال المدينة اللي انا فيها فتخيل البرد اللي انت راح تكون فيه وغير كذا انت راح تحتاج سيارة لان مستحيل راح تقدر تمشي برجليك بهالبرد لان ولله ما راح تحس لا بوجهك ولا بيديك من قوة الهوا >> اسال مجرب << وراح تضطر لمدة معينة انك تجلس بالبيت ولا تطلع ابدا وخاصه لو المدينة اللي بتروح لها ما فيها مواصلات فيبغالك تشيك على هالموضوع اذا انت معزم تروح لاحد هالولايات.

بالنسبة للولايات,

افضلها بالنسبة للامريكان هي الينيوز بحكم ان شيكاغو فيها وعلى فكرة جامعه اوربان الينيوز من اقوى الجامعات اللي تدرس هندسة

وعندك جامعه بلومنقتن من اقوى الجامعات ترتيبها اذا ما ذاكرتي ما خانتني الثالث او الرابع على امريكا في البزنس

بالنسبة لأيوا ما انصحك فيها لانها ولاية ريفية واغلب اللي راح تشوفهم من الريفيين البيض >>> مثل اللي حاصل معي الان في انديانا <<<

كنتاكي ما عندي خلفيه ولله عنها باذن الله انا راح ازورها اول ما احول على البعثه وبهذاك الوقت باذن الله راح اعطيك انطباعي عنها ^_^

طبعا انا اختصرت بالرد كثير لكن ولله اعذرني ارتفع ضغطي لان الرد اللي حطيته قبل ما طلع وارتفع ضغطي :@:@:@:@

الله لا يهينك .. وصار لي اللي صار لك .. صدق يرفع الضغط ..
والله بيني وبينك اكره البرد

عموما اخوي الله يعطيك العافيه ومشكووور وربي يوفقك ويعينك

الله يعيننا بس ..



بندرس الوضع ونقرر

مشكوور مره ثانيه

الله يهدي هالسيستم .. بس كفيت ووفيت ..

وتعبناااك معااانا

اخوي مشعل الله لايهينك ممكن اتساعدني في ايجاد كل الجامعات الي فيها تخصص
Supply Chain Management/Logistics
وخاصه فلوريدا و واشنطن دي سي واسفين على الاطاله اخوي

والله يوفقك

اخوي بدون اسم نصيحه ابعد من Iowa State University..AMES واذا تبي اي استفسار عنها انا حاضر