عودة المحرم الى السعودية فيها مضرة لي ؟؟

انا مثلك لكن زوجي مو تاركني شايل هم من نتخرج ونرجع وين بنروح ومافي من يستقبلنا ببيته مؤقت

صحيح مشكله المحرم
اكييد لازم معاك محرم في البدايه لين ما تقدرين تعتمدين على نفسك
يعني مو معقوله نخليهم يتركون اشغالهم ويروحون معانا لاشغله ولا مشغله
الله يسهل ويعين الجميع يااااااااارب

بالنسبه لي اذا ماتوفر لي محرم ماراح اروح وبتروح علي البعثه

والله يسهل وييسر

طنشي الردود الهمجية من بعض المتخلفين

الملحقية ماراح تسئلك معاك محرم ولا لا .. وحتى لو رجع وعرفوا هالشي ما يسوون شي


انا ماشاءالله جاية لحالي والملحقية فتحت لي ملف والحمدلله اموري تمام .. وبعدين لما جا ابوي فتحت ملف محرم ورجع وهم عرفوا هالشي طبعا لانه انتهت مدة الفيزا السياحية وطلبوا الـ i-94 الجديد تبعه

فـ عرفوا انه رجع بس عاااااادي مرة ما يقولون شي


البعض يقول لك مبالغات عشان يخوفك بس .. لكن الوضع عادي

واسهل للبنت اللي بيرجع زوجها لان فيزته فيزا مرافق ماله مدة اقامة تنتهي ... يعني بالعربي مستحيل يعرفون انه رجع اذا ما قلتي لهم


وزي ما قلت حتى لو عرفوا مرررررررة عادي



الشرط تبع المحرم حاطته الوزارة فقط لتسكيت بعض الناس .. بس تطبيق مافي نهائياً

لكن ما يمنع هالشي انك تكونين حريصة ولا تعلمين احد ((استعينوا على قضاء حوائجكم بالكتمان))

جوري الباسمة أثارت نقطة مهمة (بما ان بقية الموضوع معروف لازم يدخل كم واحد مسوي فيها وكأنه يخاطب بنات منحطات اخلاقياً استغفرالله العظيم)

المهم نقطة الاخت ان لو الحرمة كانت عايشة في السعودية لحالها مع اطفالها او حتى بدونهم , ولنفترض مثلا مع امها العجوز الكبيرة في السن , يعني امرأتين بدون محرم , او مع اطفال صغار لا حول لهم ولا قوة , هل هنا واحد من اصحاب الرجولة و الشهامة الداخلين الموضوع راح يتكلم؟ راح يقول غلط و يعتبرها انسانة قليلة أدب و صايعه مع الشباب لا سمح الله؟

لا تقولولي في بلدنا أمان وهناك لا ومن هذا الكلام
هناك في مدن كثييييييييرة آمنة و اكثر من هنا , "واحنا مو بايعين انفسنا نروح المدن الخطيرة , اول شي الواحد يدور عليه الامان"
بالاضافه لكثر الاغتصابات عندنا و الخطف و السرقات يعني محد احسن من أحد
وهناك يااااااما بنات من نفس البلد عايشين لحالهم او مع بنات زيهم و الموضوع عااااادي عايشين حياتهم ولا احد تعرضلهم ولا شي يعني مافي خوف من دي الناحية
محد راح يتعرض لأي بنت إلا لو كانت ملابسها او كلامها او تحركاتها خلت الشخص يلتفت نظره لها , و الحمدلله شبابهم مو زيكم لو وحدة بس عيونها الي ظاهره منها تلاقي المعاكسات وراها بالكوم , هذا عندكم انتو يا حبايبي بس

انا اعتذر حقيقة لصاحبة الموضوع ... لم ارغب في ان يخرج نص الموضوع عما ارادته ... و كل ما اقوله ان الجدال فعلا عقيم و لا يجدي شي .... و كل انسان ملك نفسه و و يسوي اللي يعجبه ... و قمت بتعديل كل مشاركاتي اكراما و احتراما لها من دون ان تطلب مني....

من ناحية الموضوع ... الحلال بين و الحرام بين و ما بينهما شبهات ... و انا نقلت كل اللي شفته فقط للنصيحة و ليس لذم اي وحدة من المبتعثات ... و هو موضوع اؤكد انه حاصل و يحدث في وضح النهار و كل مبتعث ذهب للخارج راى قسطه و نصيبه من فئات كهذه ... و اعتقد ان معظم من بالمنتدى لا يزالون كما قلت غير مبتعثين و لم يأتهم امر الارفاق و اتمنى فعلا ان لايروا ما راي الكثير هناك اذا ذهبوا .. و اللي مو مصدق يسأل و براحته ..

و اسال الله من كل قلبي ان يغني كل مبتعثة حافظة لنفسها و لدينها و لا يتوفر معها مرافق بفضله ... ان يهديها لكل ما فيه خير لها ...

الله يوفقك يا صاحبة الموضوع و ييسر امورك و يغنيك بفضله عمن سواه ...

ياقلبي..انتي استخيري..و الخيرة فيما اختاره الله..
و لا تتخوفي ولا تترددي..استخيري و اتوكلي و ثقي في الله..
قولي ياربي فوضت جميع امري اليك..فأنت حسبي و نعم الوكيل..

مشكورة يا زين على المرورو وانت كذلك اخي كحيلان

لا ان شاء الله اختي لا فيه مضره ولا شي اعررف بنات كثاااار يقربون لي راحوا معهم ابوتهم اول شهر بعدين رجعوا ولا حد حس فيهم ...
وسعي صدرك واتكلي على الله ...