•..•° °•..• شات سيدات العالم •..•° °•..•
•..•° °•..• شات سيدات العالم •..•° °•..•
تنبيه: هذا الموضوع قديم. تم طرحه قبل 5410 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
LinkBack URL
About LinkBacks-
7 " - 7 "
نكمل ما بدأته سويت
برنامج كل يوم ضيف خخخ
احم احم ... جاتكم كات ^_^ مياو مياو
اهلا بمياو مياو
نبدأ الاسئلة ..
برنامجك المفضل ؟
امممم .. ما أحس عندي برنامج معين .. أي شي حلو ويكون مزاجي وقتها رايق له أتابعه
<<< مو من قوم التلفزيون كثير
خطيرة ياللي ما بتابع تي في
افضل ممثل أو ممثلة بالنسبة لك ( من أي جنسية ) ؟
تامر حسني
مرة تمثيله يعجبني .. ليوناردو ديكابريو <<< تمثيله يأسرني صراحة هههههه
ما بحب اتابع اي عمل مصري اقصد المسلسلات واكرررررررررررررررررررررة الافلام المصرية لكن ليوناردو ممثل رائع
امممم مين كمان .. شوفي هو على حسب الدور اللي يأديه الممثل .. يعني كل مسلسل تابعته تقريبا في ممثل أو ممثلة عجبتني
زي مثلا طوبا .. في سنوات الضياع وعاصي .. مرة تعجبني هذه الآدمية .. وحاليا في ممثلة تركية مرة عاجبتني اسمها في المسلسل بيهتر <<< مرة تعجبني نظراتها .. اسم المسلسل الحب الممنوع *_^
توبا شيء ثاني .. عالم ثاني .. لكن تمثيلها مو كويس صراحة اكثر شيء نجحها هو جمالها
مابعرف بيهتر شفت صورها لكن ما بعرفها
افضل مسلسل شاهدتيه ؟
سنوات الضياع
الجزء الاول خصوصا لما كانت رفيف حبيبة يحيى تمثيلها رائع صراحة وتعيشك الدور مره تعجبني هذي الممثلة وخصوصا لما ماتت حزنت كثير وبنتها الصغيرة مرة كيوت تتاكل
و
ريا وسكينة
مشهد تأثرتي به ودمعت عيناك اثناء مشاهدته ( مشهد من مسلسل أو من الواقع ) ؟
في لقطات كثيرة من مسلسل سنوات الضياع <<< كانت تبكي من قلب
افضل قناة لديك ؟
قنوات ام بي سي
ما القناة الاولى في جهازكم ؟
والله مدري لأني مو من قوم التي في زي ماقلت لك
منيح لكن مستغربة من الكل ما جاوبتوني على هذا السؤال
اسوأ عاداتك وهل تحاولي التخلص منها ؟
امممم .. أسوأ عاداتي .. إني أجامل كثييييييييييييير .. ونفسيا تعبت للأسف .. وقاعدة أحاول أتخلص منها .. وفي ناس زعلت بس بكيفها ماسارت تفرق معايا ^_^
بقولك شيء لكن مو تزعلي
اكررررررررة المجاملات اكرهها من جد
حتى في ابسط الاشياء يعني لو اشتريت شي جديد وقلت اخذ رأي اختي اقولها ايش رايك تقولي حلو إذا قالت هذي الكلمة اعصب مررررررررررررررررة اقولها بلا كذب قولي الصدق تقولي والله حلو
وتقول انتي ما ترضى إلا لما اقولك مو حلو خخخخ ومن جد لو قالت مو حلو ما ازعل وما اعصب
ما الدولة التي تتمنى زيارتها ؟
الدول اللي لها تاريخ وحضارة
أنا مرة أتأثر بهذه البلدان أو المدن .. أتذكر أول مرة رحت فيها مصر .. بكيت لمن شفت الأهرامات .. <<< من عشاق الحضارة الفرعونية
وكمان
الدول اللي مو أي أحد يروحها *_^
زي مثلا الجزر البعيدة زي الهاواي .. القطب الشمالي والجنوبي .. اممم .. نفسي طبعا ألف أوروبا كلها من أولها للآخرها .. نفسي أروح اليابان .. اممم .. حتى الصين بس ما أحس إني مرة متحمسة لها .. بس ودي أروح سفرة سريعة لها بس عشان اكتشف ثقافة وحضارة الصين بنفسي ^_^
امممم .. طبعا اليونان وفينيسيا وفينا .. القائمة تطول والله يازارا ههههههههههه محأخلص
الله يبلغني إن شاءالله
ما شاء الله يبغالنا يوم نتفق وناخذ لفه حول العالم ههههههههههههههه
اكثر شيء تكرهينه ؟
يووووووووووه ياكثر الأشياء اللي أكرهها .. إن كان جماد ولا إنسان ولا حيوان هههههههههههه أو حتى حشرات
اممممم .. كمان أكره أي أحد يتدخل في حياتي بصرف النظر عن شؤوني الخاصة
تمام حتى انا اكرة اللي يحشروا انفسهم في كل صغيرة وكبيرة في حياتي
ما هو طعامك وشرابك المفضل ؟
طعامي المفضل : الملوخيا <<< مو زي تشيكي ههههههههه
اصلا ما اعتقد فيه احد العالم ما يحب الملخية إلا تشيكو ههههه
مرة مرة مرة أحب الملوخيا وكمان أحب أعمل الخلطة حقتها زي كده :
رز + ملوخيا + ليمون + موز
موز !!!!!!!! لا ما اتفق معاك
كيف الطعم خخخخخخخ
يم يم ياسلااااام
طبعا أحب الأكل الإيطالي مرررررررررررة والمكرونات مرررررررررررة
الاكل الايطالي روعة أما المكرونة هاي شئ ثاني لحالها
المشروبات الباردة : العصيرات الطبيعية الطازجة
المشروبات الساخنة : الكوفي ميت مع النسكافيه
وكمان أعشق الكابتشينو
ما هو الطبق الذي إذا قدم لك لن تأكلي منه اطلاقاً ( بغض النظر عن الطعام المحرم علينا ) ؟
المأكولات البحرية ما أحبها .. بس قد مرة ذقت في مطعم إيدام كاري بالسمك ومت عليه
الجمبري مستحيل أحطه في فمي
ما اكثر شيء يغضبك ( تصرف او سلوك ) ؟
والله يا زوزو ياكثرها
أنا طبيعتي مزاجية .. للأسف .. في بعض الأحيان يعجبني البرود وبعض الأحيان أكره العصبية وخصوصا العصبية الزايدة .. امممم أكره النفاق والمجاملات مررررررررة .. أكره الكذب وللأسف سار عندنا زي سلام عليكم .. أكره التلاعب بمشاعر وأحاسيس الآخرين .. سرت أكره العتاب مع إني كنت سابقا ماشية على مبدأ "مايعاتبك إلا اللي يحبك" لكن اكتشفت إن العتاب السبب الأول للمشاكل .. عشان كده سرت لا أعاتب ولا أحب أحد يعاتبني .. أكره الاهتمام الزايد .. سواء أحد يهتم فيني أو إني أهتم في أحد .. أحس خلاص كل شي له حد .. مع إني أول كنت أشوف إن الاهتمام الزايد يعبر عن الحب والوفاء والإخلاص .. بس دحين انقلبت الموازين عندي
اممممم
وأكثر شي ينرفزني التطنيش .. واللي ينرفزني أكثر لمن أنا كمان خلاص أسير أطنش ويجي الشخص ويعاتبني وليش تطنشي .. يعني كأنه هو بريء ما سوا شي ..
للأسف سرت أكش من أي أحد يضايقني بسرعة .. يعني ماسرت أعطي فرصة عشان تتصلح العلاقة .. مع إني أول كنت غيييييييييييير بس زمان أول تحول *_^
وبس
خفت ارسل لك ايميل بعد هذا الكلام خخخخخ
غلطة وقعتي بها ولا تريدي لاحد أن يقع فيها .. قدمي نصيحتك للجميع
بأقول أقرب موقف سار لي
وربي كل ما أتذكره مو بس أكره نفسي
<<< مالت
كنت يوم الخميس عند بنت عمتي عشانها ولدت وجابت بنت ماشالله .. المهم وقدمولنا شوكولاته .. وكنت قبلها يوم الربوع في زواج بنت بنت عمتي الثانية .. المهم قمت مع الفلسفة حقتي ومن غير ما أنتبه على نفسي .. قلت والله طعمة الشوكولاته بس شوكولاتة أمس أطعم :@:@:@:@:@:@:@
<<< يا الله كل ما أتذكر الموقف مرة أكره نفسي
والله قلتها من غير ما أفكر .. غباااااااااااء ياناس
حسيت إني قليلة أدب
بس إن شاءالله مايكون أحد انتبه
مع إن والله ماني من النوع اللي يتكلم بدون مايوزن كلامه أو مايحاسب
بس مدري ساعتها فين كان عقلي :@
عادي كنتي على طبيعتك وما له داعي تجاملي خلاص بطليها هذي العادة لكن لا تعلقي على كل شيء يعني امسكي لسانك عشان ما يسير بينكم حساسيات بعدين
<< مجرد نصيحة
كلمة تودي قولها في الختام
الأسئلة مرة نايس
شكرا لمرورك يا مياو مياو واستمتعت باللقاء معك .. - 7 "اهلا وسهلا بتشيكو
من جد زمان على القهوة ..
هههههههه فلانه وعلانه هذا كلام الحريم ( مو كلهم ) اللي ما عندهم غير الهرج
في خلق الله وفيه رجال الحين اسوأ من الحريم ..
والكرسي ما حد يقرب منه خلينا مسالمين ما نبغى حروب وقتل وثأر خخخخخ - 7 "من خلال حواري مع نهي احسست بأنها إنسانه قوية, عاقلة , متفائلة , إجتماعية ...
اتمنى لك يا نهى حياة حلوة وجميلة وأن شاء الله تحقق لك كل أحلامك يارب
تفضلي هذي هدية بسيطة لك اتمنى تقبليها من أسرة البرنامج ...الهدية عبارة عن تذكرة سفر إلى المالديف ...
اتمنى لكِ رحلة سعيدة ...
يسلمووو حلومي الله يوفقك يارب بدراستك و تعالي بالاجازة نسير على اسبانيا
<< ترى صدقت وجالسه ترتب الشنطة هاا متى السفر ؟؟؟
هههههههههههههه الصور ما تكفي ابغى التذاكر تنرسل على البريد
يسعد قلبك يا عسل الله ييسر امورك يارب - 7 "نكمل ما بدأته سويت ..
برنامج كل يوم ضيف خخخ
اليوم يومي....انا الضيف خخخخخخخ
بسم الله نتفضى لك
نبدأ الاسئلة ..
يلا استعنا على الشقا بالله
برنامجك المفضل ؟
صراحة مافي برنامج معين ....يعني زمان مثلا كنت من متابعين من سيربح المليون وكلام نواعم والتفاح الاخضر ودحين لا ...على حسب الوقت وحسب المزاج وحسب الاهتمام ..اوقات فجاة اهتم بالبرامج السياسية واوقات فنية واوقات صدى الملاعب خخخخخخخ
ههههههههههههه
كأنك تتكلمي عني << الاخت سياسية محنكة يعني لازم اتابع الاخبار واشوف ايش صار في العالم واتابع الرياضة لكن مو الدوري السعودي وصدى الملاعب اللي يحليه مصطفى ولما تجي البنت وتقدم ما يطلع للبرنامج طعم
بس في رمضان لازم خواطر شاب
خواطر كلنا نتابعه
وصراحة اوقات كثيرة اميل للبرامج الوثائقية بصفة عامة وخاصة عن حضارات وتواريخ المدن ... وخاصة البرامج الوثائقية عن فلسطين والقدس
مو قلت لك كأنك توأمي الجديد خخخخ
افضل ممثل أو ممثلة بالنسبة لك ( من أي جنسية ) ؟
اممممممممم
افضل ممثلة سورية سلاف فواخرجي
ممثلة مصرية عبلة كاملة <<<< لا تتريقوولا تتضحكو ترا شايفتكم
افضل ممثلة عالمية ... كيت وينسلت ..احس تشبهني <<<< اقول بلا بكش خخخخخ
تشبهك
.. هذي الممثلة تعجبني
افضل ممثل سوري تيم الحسن وبسام كوسا وقيس الشيخ نجيب <<< مين دول خخخ
مصري ...مافي عادي كلهم زي بعض .. بس احب اشوف افلام احمد حلمي
عالمي جورج كلوني...هذا اللي يحضرني الان بس فيه كتير احب اتابع افلامهم
افضل مسلسل شاهدتيه ؟
كنت من عشاق المسلسلات السورية <<<< لاحظو كنت لانه الان من جد سارو خليجين وسارو يعتمدو على الترايجيديا والدراما الزايدة
من المصري مافي شي معين .. بس احب اشوف رافت الهجان
من افضل المسلسلات العربية هي في نظري المسلسلات السورية و جزء كبير من مسلسلات سلاف فواخرجي وجمال سليمان وتيم الحسن
زي مثلا عصي الدمع
في كمان باب الحارة .. الجزء الاول والتاني فقط
مسلسل الخوالي ( قديم شوية )
مسلسل التغريبة الفلسطينية ..........راااااااااااائع
ويمكن يكون افضل مسلسل عربي شفته ....... الاجتياح .... لا تعليق .. رائع فكل شي ..
مشهد تأثرتي به ودمعت عيناك اثناء مشاهدته ( مشهد من مسلسل أو من الواقع ) ؟
والله انا دمعتي طارفة وابكي من اي شي مؤثر على قول ستي ام دميعة ... دمعتي عند طرف عيني.. حتى لما احد يمدحني ابكي خخخخخ والله من جد
يعني يصعب ذكر المواقف اللي ابكي فيها بس رح اذكر اخر مشهد اثر فيا وخلاني ادمع
مقطع وضعه عضو هنا في المنتدى من اسبوع تقريبا ( المممرض ) عن مخترع سعودي حاول الانتحار في الشرقية لانه محد مقدره .. المشهد من برنامج في الام بي سي
افضل قناة لديك ؟
الام بي سي واخواتها ... ما احس الدش له طعم من غيرها
ومؤخرا افضل مشاهدة قنوات النيل الثقافية الدراما واللايف ...وقنوات الحياة
يا مصرية ما عمري حطيت على النيل خخخخخخخ
ما القناة الاولى في جهازكم ؟
القناة السعودية الاولى <<<< بس مانحط عليها غير فاوقات الصلاة وفرمضان بس خخخ
موجوده على الريسيفر لكن ما تنذكرها الا في رمضان ووقت الصلوات نفس الحالة
اسوأ عاداتك وهل تحاولي التخلص منها ؟
عندي عدة عادات سيئة للاسف .. الاعتراف بالحق فضيلة <<<< اقول لا تصدقو تراني طيوبة وحبابة وانحط عالجرح يبرى ... يا عيني على راشد خخخخخخخ
اول عادة ... اني دلعت الناس اللي حوليني سواء اهل او غيره .. دلعتهم لدرجة انه سارو يعتمدو عليا فكل شي واذا قصرت فشي مو من واجبي شوفو الهم اللي يجيني
اجي على نفسي كتير صراحة عشان اخدم او اساعد واحب هذا الشي .. بس اوقات سارو يطلبو مني اللي فوق طاقتي او عدة اشياء فوقت واحد .. ليش ؟؟ لاني انا عودتهم انه اي شي ما يقدرو يسووه او صعب عليهم انا اقول هاتو انا اسويه انا اسال انا اعمل انا افعل ....... نفسي اتخلص من دي العادة صراحة لانه بتاخد من اعصابي ومن وقتي ومن تفكيري ..... بس المشكلة اني احب كدا
هههههههههه
كنت زيك حتى اني ابادر بالمساعدة خصوصا اساعد البنات في الواجبات الين ما تعودوا وطاحت في راسي في النهاية
في بحث التخرج كله وحده تعتمد على الثانية وانا ما احب الا اعمل الشيء بنفسي وما اثق في شغل احد لكن قسمت العمل بينهم واللي ما تعمل عملها هيه المسؤوله وحسابها عند الدكتورة خخخخخخ
تاني عادة ...... احب القرمبعاااااااااااااااااااات .. اي ورقة اي قصقوصة .. اي حاجة احتفظ فيها ما احب ارمي شي .. اخاف من كلمة اووووووه كان عندي ياريتني ما رميته... عندي اغراض من العصر الحجري والجليدي والبرونزي... من الاشياء اللي شايلة همها تعزيل اغراضي قبل السفر ,.. بلااااااااااااااااااوي حالاقي
الى قريب لقيت ورقة اذاعة من ايام تالتة ثانوي .. وورقة كلمة الخريجات اللي القيتها .. هذا الكلام من زماااااااااااااان <<< بس مو مرة يعني انا دحين رايحة اكمل دكتوراة ان شا الله اتركلكم الحساب خخخخ
وزي زارا .. فعلا احب اجمع الاقلام مرة وضيفو عليها المناديل العادية والمعطرة خخخخخخ
هههههههههههههههههههههههههههههههههههههههههههههههههه هه
عن جد ايش رايك نجمع الاغراض اللي معانا ونفتتح متحف للآثار خخخخخخخ
المشكلة اني ابغى اتخلص منها لكن مو قادرة خخخخخخ
ما الدولة التي تتمنى زيارتها ؟
دول كثيييييييييييييير بغض النظر عن امريكا طبعا .. انا اموت في الحضارة والتراث وعبق التاريخ
المدن اللي زرتها وحسيت فيها شي من هالشي دمشق والقاهرة
واتمنى اروح روما .....
القدس ... احس هالمدينة كلها تاريخ وحضارة .. امم وخلايق مرت عليها وانبياء ورسل .. احس كل طوبة فيها لو تتكلم تحكي بلاوي عدت عليها .. حتى بيوتها وشوارعها احس هية نفسها ما اتغيرت منذ الازل .. طبعا كل دا حسيته من مشاهدة البرامج الوثائقية عنها
زمان كنت اتمنى ازور بغداد .... بس من بعد الحرب بطلت لانه انخربت وكل المعالم التراثية زالت
اسبانيا بشكل عام .... باريس ..... واعشق الريف الانجليزي <<< من الافلام .. نفسي بكوخ زي حق هايدي في ريف انجليزي
وطبعا نفسي اروح المالديف
يا سلام الريف الانجليزي .. انتي معاية على نفس المود..
احب بريطانيا وتراثها ولهجتهم .. حتى بعثتي كنت اتمناها في بريطانيا لكن ما كتب لي ربي الحمد لله ..
يعني فيها آثار وبيوت قديمة الطراز << كله من اغاثا كريستي
ومن كثر ما اقرا لها حبيت انجلترا زيادة
وامريكا ما فيها حضارة وتراث زي بريطانيا
اكثر شيء تكرهينه ؟
الظلم ....... وعدم اعطاء الراي الاخر فرصة للحوار والنقاش او الدفاع عن النفس....
آآآآآآآآآآآآآآآآآآآآآآآآآآآآآآآآآآه
ما هو طعامك وشرابك المفضل ؟
انا مو نغصة في الاكل .. الحمد لله
بس اي شي سي فود احبه << ييييييييي يعني تاكلي الماسلز Mussels وقنديل البحر وغيرها كثير والكافيار ترى الكافيار بيض سمكة معينة ويعتبر طعام الطبقة الراقية الحمد لله على النعمة بس
اي شي مكرونة طبيعي احبه
مشروب ..... بيبسي دايت <<< الله يتوب عليا منها
ما هو الطبق الذي إذا قدم لك لن تأكلي منه اطلاقاً ( بغض النظر عن الطعام المحرم علينا ) ؟
ما احب الحليب الرااااااااااااااااااايب ابدا ولا اطيقه ولا اقدر استحمله .. بس الاكل اللي فيه حليب عادي بالعكس احبه .. بس حليب كدا لوحده سائل نو وااااااااااااااااااااي
انا الحليب ومشتقاته زي القشطة والجبنة ما اطيقها
اكره الحليب لدرجة جنونية يعني لو تجي نقطة حليب على يدي اتجنن واقوم اغسلها بالصابون ولما احد يجلس جنبي ويشرب حليب ما عاد اكل خصوصا لو شميت ريحته
والحين اعاني بسبب ذلك .. الله يشفيني
ما اكثر شيء يغضبك ( تصرف او سلوك ) ؟
هوة نفس جوابي حق ما اكثر شي تكرهينه .... اطلعو فوق شوفو الاجابة بلا كسل خخخخخ
ما فيه اطلع جاوبي مو كفاية اقرا المعلقة اللي كاتبتها خخخخخخ
غلطة وقعتي بها ولا تريدي لاحد أن يقع فيها .. قدمي نصيحتك للجميع
من منا لا يخطئ .. واخطاءنا كثيرة وصعب نحصرها
بس رح اذكر اخر غلطة وقعت فيها ... خسرتني تحويشة 6 شهور
الثقة الزايدة والعمياء والطيبة والهبالة ووضع الثقة في غير محلها ........... اتجنبوها .. انا قبل فترة انسرقت فلوسي بسبب هذه الاشياء ... واعرف مين اخدها من دوامي بس مو قادرة اواجهها ... لاني خجولة للاسف .. وهذه من العادات السيئة ايضا فيا .. ما احب المصادمات والمواجهات حتى لو انا صاحبة حق ... فيتاكل حقي بسهولة
صراحة لقيت توأم لي في هذا العالم
حتى انا ما احب المصادمات زي ما قلتيها ..
الله يعيننا على انفسنا على كذا ما حنقدر نعيش خخخخخخ
كلمة تودي قولها في الختام
نشكر الاعلامية المتميزة زارا على اتاحة الفرصي لي للمساهمة في هذا البرنامج المتميز .. ونتمنى لها مزيدا من التقدم والازدهار
وناسف للاطالة على السادة المشاهدينواخيراً ما كنا بنخلص ..
لا كانت مقابلة رائعة والحمد لله لقيت احد نفس طباعي خخخخخ - 7 "واو اعشق اسبانيا واذا تبي نحولها لاسبانيا عادي بس اعطينا خبر ... ولا يهمك أول ما توصلي لامريكا بتكون التذاكر في بريد معهدك ...
بليز شيكي عليه لا تنسي خخخخ .... - 7 "احلى تحيه لأحلى صبايا
كيفكم؟ عساكم بخير؟
الله يوفقنا ونرجع لأهلنا ناجحين وسالمين
وانتي يا سفسف
كيفك؟
تقريرك خطير وريحني حيييييييييل الله يعطيك العافيه ويريح بالك
ويارب اقابل بنات زيك
بس ابغى اسألك
اش كتبتوا عنوان السكن في نموذج I-94
واذا فيزة ابوك سياحيه كم اعطوه اقامه؟
ومشكووووووووره ياقمر - صبايا معليش ابكتب الرد في موضوع الاخت سفيرة السعوديه7 "
وبالغلط جا عندكم
بس غلطه حلوه
سيرنا عليكم وكسبنا شوفتكم - اهلا وسهلا بكِ ... يعني رميه من غير رامي هههههه... وحنا كسبنا غلطتك الحلوة ... بتوفيق7 "
- 7 "ههههههههههه الله يسعدك ضحكتيني
اهلين وسهلين نور الشات بالغلط
خخخخخخ >>> امزح
وكمان حلووووووومي ما شاء الله
ان شاء الله اشارك في برنامجكي يا تشيكو بس دحين مشغوووووووولة حبتيين
بس ابغى هدية على مستوى عالمي