LinkBack URL
About LinkBacks المشاركة الأصلية كتبت بواسطة zara..
النور نورك ياقمر 
•..•° °•..• شات سيدات العالم •..•° °•..•
•..•° °•..• شات سيدات العالم •..•° °•..•
تنبيه: هذا الموضوع قديم. تم طرحه قبل 5460 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
- 7 "
- 7 "
كلك ذووووووووووق
كيف شفتي الايس كريم تبع تشيكو ؟؟ - 7 "
خلاص لاتطالع فيني ياغبي
ياعمري شوفو الأصفر كيف يطالع فيه بكل حب
نفسي أذبح الأزرق
- 7 "
شفت صورة فيها Ice cream بس ماقرأت الكلام
لاتقولي هي اللي مسويته @@
ماشالله @@
اليوم بطب بيتها ههههههه
- بالعكس انا مع الازرق ليه يطالع فيه كذا لاحظي ابتسامة الاصفر ابتسامة ماكرة ...7 "
وحرام عليك ليه تبغي تذبحي الازرق شكله يحزن ... - أكره الأزرق مرة ههههههههههههه7 "
- لازم نصلح بينكم ...7 "
- 7 "مرحبا بنات كيفكم
الحمد لله اليوم وصلت من الظهران الساعة 2 الظهر
يييييوووووووو مرة وحشتني جدة
واهلي طبعا اول شئ
والمنتدى وانتم
وكل شئ
- 7 "وانا اقـــــــــول ايشبها جـــــــــده منوره ..
من جد الحمد لله على سلامة الوصول ياقمر ,, >> شوفي الساعه 2 الظهر صحيت من صوت طياره عدت من فوق بيتنا شكلك انتي الله يسامحك صحيتيني ... بس كان معاها نور اكيد كان نوووووووووووووووورك ياسويتووو
يلا استناكي في شرم ابحر >> الاخت عندها جيت - 7 "
كنت قاعدة أتفرج عاصي وبكيت
.. شفت موقف عاصي وكيف وقفت مع حبيبها أمير وقت ماكان في أمس الحاجة لها ولاتركته ولاتخلت عنه بالرغم من كل شي سار بينهم .. آآآآه .. تذكرت قصة سارت معايا قبل فترة خليني أحكيكم هي
قبل سنة وكم شهر اممم يمكن تقريبا 3 أو 4 شهور .. كنت طالبة في الجامعة .. تخصصي Computer Science .. في آخر سمستر لي .. كان مطلوب مني إني أعمل مشروع تخرج وإني أكوِن قروب من 5 طالبات .. وفي قروب مكون من 4 طالبات وكان ناقصهم وحدة .. فطلبوني إني أكون معاهم والبنات حتى ماكنت أعرف أسماءهم
.. وكنت محتارة بين كذا قروب .. بس هذا القروب كان أفضل واحد فيهم لأن الطالبات كانوا شاطرات ماشالله عليهم وأذكياء الله يحميهم <<<< هذا الشيء مهم جدا في مشروع التخرج لأن فيه برمجة وتكتيك وتخطيط وجدولة ...الخ
.. بس كانت المشكلة إني أبغى أكون في نفس القروب أنا ووحدة من أعز صديقاتي (خوخة) .. <<< خوخة مو مشتركة في هذا المنتدى .. بس لمن أغيب عنها فترة مثلا أسبوع .. مايكون بيننا اتصال ولا ماسن .. تدخل المنتدى وتشوف مواضيعي وتشوف ردودي وتدخل هنا في قسم السيدات بس عشان تعرف أخباري وتتطمن علي .. الله يسعدها رب أخ لم تلده أمك
والله مرة حتوحشني كثيييييييييير لمن حأسافر أمريكا ..
المهم ..
لفينا ودرنا وكتبنا خطابات ورفعنا طلبات لرئيسة القسم ورحنا كلمنا الكبير والصغير في القسم وسوينا المستحيل عشان يسير القروب من 6 طالبات <<< لمن تحط براسها شي تسويه يعني تسويه *_^
والحمدلله سار اللي نبغاه
.. عشنا مع بعض ذكريات حلوة مررررة .. ضحكنا مع بعض وبكينا مع بعض وتضاربنا مع بعض ههههههههههههه .. يا الله .. مريت هذاك السمستر بضغط نفسي مو طبييييعي .. المواد كانت صعبة بشكل حسيت فيه باليأس .. الكتب تفجع وطبعا كلها بالانجليش .. وكل دكتورة مادة كانت تطلب مننا هومووركات بالهبل ومشاريع للمادة نفسها ياريت مشروع واحد :@ حسبي الله عليهم وكانت عميدة الجامعة شطر الطالبات بنفسها تعطينا مادة اسمها Documentation اسمها الدكتورة هناء النعيم .. <<< أتعب أقوللكم إنسانة راااائعة ودمها خفيف ومحاضراتها ضحك ومتواااضعة لأبعد الحدود ماتقولوا عميدة جامعة @@ ماشالله عليها .. أخذت شهاداتها ماشالله من أمريكا .. بس الله يهديها كانت تذبحنا بالمشاريع وكانت المادة حقتها نذاكرها من كتابين وأكثر من ملزمة ... إذا ماخاب ظني اممم أتذكر ملزمتين .. تخيلوا @@ <<< .. في واحد من المشاريع حقتها إننا نفصفص أحد المواقع الالكترونية للكليات التابعة للجامعة أنا اخترت كلية العلوم الطبية التطبيقية (وطبعا خوخة معايا في القروب ) وأخذت فيه الفل مارك وشكرنا وكيل الكلية والعميدة شكرتنا كمان .. أنا كنت مستعدة أتحمل كل هذه الضغوط .. لكن بالإضافة لهذا كله كانت عندي مشكلة شخصية دمرتني ودمرت كل أحاسيسي .. كرهتني في نفسي وفي حياتي وفي كل شي .. حسيت إني كنت عايشة كذبة وماني قادرة أستوعبها .. قسما بالله خلاااص كان نفسي أسحب ترم .. لأني ماقدرت اتحمل .. بس خوخة منعتني .. ووقفت معايا .. كانت تسوي حركات هبلة في وجهها وبجسمها هههههههههههههههههه بس عشان تضحكني لمن تشوف الدمعة في عيني هههههههههههه .. الله يسعدها دي البنت وين ماراحت والله مرة أحبها .. من جد أحسها أختي ..
المهم .. خليني أكمل لكم على مشروع التخرج .. طبعا .. مع الضغوطات اللي فيني .. كنت ما أتحمل أحد أبداااااااااا .. حتى نظري قل مرررة سرت ألبس النظارة كثير لأني 24 ساعة عالكمبيوتر وطبعا القولون عندي خلااااص وصل حده كنت ما أمشي إلا الحبوب والأدوية في شنطتي .. كنت أتضارب مع أي أحد في وجهي .. حتى بنات قروب التخرج تضاربت معاهم وكنت أعلي صوتي وأحمق بسرعة كأن الجامعة بيت أبويا هههههههههههههههههه .. ألين مرة رحنا عند مكتب الدكتورة اللي هي الsuperviser حقت مشروعنا وتضاربت هناك ولا كأن جنبي الدكتورة @@ .. وسرت أشرب موية بس عشان أهدأ .. آآآه ياربي على ديك الأيام الزفت .. والدكتورة تهدي علي ما استوعبت نفسي إلا بعد ماخرجت من المكتب والبنات حضنوني وبكيوا <<< اللي آخر شي توقعت إنهم يحسوا فيني .. شوفوا كيف الدنيا سبحان الله .. والناس اللي كنت أتمنى إنهم يوقفوا معايا في محنتي واللي كنت أبغاهم يدخلوا معايا ويشوفوا مشروع تخرجي ويحضروا المناقشة والpresentation .. هه .. لاحضروا ولا فكروا ولا اهتموا حتى .. الناس معادن .. والواحد ماتعرف معدنه إلا وقت الشدائد .. بس أنا كنت هبلة وانضحك علي بسرعة
But Not Any More
الحمدلله .. أخذت في مشروع تخرجي A .. مع إننا كنا نستاهل الـ A+ .. بس غلطنا غلطة هبلة في المناقشة أتوقع هي اللي خلتهم ينقصونا كم درجة .. بس الحمدلله .. صدق من قال لكل مجتهد نصيب
وحدة من بنات التخرج .. كنت أتضارب معاها داااااااائما ههههههههههههههه .. وبعد الجامعة انقطعت علاقتي بها تماماً .. حتى حذفت رقمها وايميلها وكل شي .. وسبحان الله تقابلت معاها هنا في المنتدى .. وعرفتني من أسلوبي .. وطلعت معايا في نفس الجامعة تخيلوا @@ هههههههههه ... والحمدلله اليوم كلمتني ووصلت أمس واشنطن وخلصت أمورها في الملحقية .. وإن شاءالله يوم الربوع حتروح ريفرسايد ادعولها إنها توصل بالسلامة
طولت عليكم صح ؟؟؟!!
مدري ايش اللي خلاني أكتب هذه القصة .. بس كنت حابة أفضفض شوي
ياقلبي فعلا سبحان الله
ترى صار لي شي يشبه موقفك مره برضو بس انا كنت سنه رابع نظام كليتنا بالسنين
كلية العلوم الطبيه التطبيقيه الي سويتي عنها البروجيكت حق التخرج حقك ههههههههههههههه<< دنيا سبحان الله
يا ريت يصير لي يوم اشوف بحثك
برضو الناس الي ما اتوقعتهم هم الي كانوا جنبي و اعز الناس جتني الطعنه منهم بس انا دايما احمد الله على الموقف هذا
لانه خلاني اصير انسانه اقوى من الانسانه الي كنت اعرفها و فعلا انا كنت طيبه و غلبانه اصدق اي شيء و ما اخون احد ابدا احس الناس كلها فيها طيبه بس اتعلمت و الحمد لله
و الي يضحك اكثر انه اليوم الناس الي قرصوني و جوا عليه و ظلموني صاروا يتقربوا مني ثاني << صرت اعجبهم سبحان الله
لكن الناس الي عيني كانت نغمضه عنهم و ما اشوفهم بعد الموقف ده اتعرفت عليهم و عرفتهم و ياربي لك الحمد كانوا اطيب من الطيب و الله
و اقول لنفسي احيانا ذا ما صار داك الموقف ما كنت انا ...الانسانه...الي اعرفها اليوم
.................................................. .........................
