•.♥.•° °•.♥.•ألبوم الذكريات•.♥.•° °•.♥.•

واو كاتووووووووووو صادقة كانت الحفلات ومجالس الامهات لها طعم خاص >> الزمن الجميل

ويسعدك يا عسل اميييين يارب وحياتنا جميعا تكون فرح وزكريات حلوة

خخخخخخخخخخخخخخخخخخخخخ اكيد يختي اقولهم اصلن ما عندي طفولة متاخرة لاني بحمد الله قضيتها لاخر يوم في الطفولة والمراهقة وكلو

جايتكم جايتكم في الهرووج وطبعن بيني وبينكم ما تطلع لبرة هيهيهيهيهيهيهيهيهيهيهيي << البريئة حتى الكوكب التاني عارفين بلاويا
Pp:

ولا يهمك ايمان سرك في بير ,, يلا بس طلعي المستخبي ههههههههههههاي

ههههههههههههههههههههههههههه طيب يا سفيرة
نبدا بسم الله وعلى بركة الله اهم شي اطمنت انو محدش راح يعرف وانو سري في بير خخخخخخخخخخخااي

طبعا الروضة كانت اول المراحل اللي اعلنت فيها التمرد على الجنس التاني و عاملين حزبين حزب بنات وحزب اولاد
كل ما اشوف ولد اضربو >>ومرة نسيت اكتب الواجب تبعي فخاصمتني المدرسة وقعدو الاولاد يضحكو عليا وفيهم واحد اسمو طارق ( الين دحين متزكرتو من الهوايل اللي عملتها فيلو )
دا الولد طول الوقت نايم وداكا اليوم من سوء حظي كان صاحي وقعد يضحك عليا فحطيتو في راسي لانو ما يلعب مع الاولاد كتير ومالو اصحاب يعني ازا انفرش ولا عملنا فيلو شي محد من الاولاد راح يدافع عنو لانو الاولاد الباقين يخوفو كبار وطوال ونحنا شي صغير اول انتقام كان ونحنا جالسين على الفطور ( كان فطورنا كيك زي دا حق لوزرين الصغير و لبن وطارق كان ينام حتى وقت الفطور قلت لصاحبتي كلثوم روحي كلمي الابلة واشغليها وانا اروح اكب اللبن عليه واجي قالتلي طيب هوا طبعا في سابع نومة وما يلاقي الا طش اللبن في عبو الولد قام من النوم مفجوع وطبعا محدش شافني والمدرسة سارت تقولو شايف انا كم مرة اقولك لا تنام على الفطور وانا ميتة ضحك >> عدا الموضوع على خير برضو حاطة الادمي دا في راسي جلسنا في حصة الرسم خبيت الوانو الولد قام يبكي ويقول والله جبتها معايا والمدرسة تقولو سرت مرة كسلان يا طارق يبغالي اكلم امك وانا << ابتسامة شماتة يالطيف ولما انصرفنا جيت اعطيتو الالوان حقتو مسكين اخدها وقالي شكرا وانا اشبو دا انا خبيتها وهوا قاعد يقولي شكرا مشي مشي الولد كان بيض
واخر شي قعدت افكر الين متى نقعد خايفين من الاولاد >> كانت عمتي دايما تخوفني من غرفة الفيران وانو عندها غرفة فيران ويعضو الواحد ويجيبولو المرض ويموت وانا من يوم مااسمع سيرة دي الغرفة اخاف واسير مؤدبة رحت للروضة وحكيتهم ودخلت عليها شوية كدب>> انو انا شفتها والفيران اصحابي ولو احد ما سوا اللي اقولو لو راح ادخلو فيها وبعدين يموت خخخخخ سارو الاولاد الطوال يخافو وكل ما اقول شي يسووه على طول وانواع الافترا مرة اقول اشترولي كاكاو وواحد منهم امو تسويلو ساندويتش لزيز قولتلو قول لامك انك تبغى واحد تاني سار يجيب لي واحد كل يوم وطبعا يا فرحة ما كملت هما شهرين وبعدين خلصت الروضة وجا وقت الروحة للمدرسة وهاتك يا بكا ما ابغى اسيب الروضة لاني بدات احبها >> كل العز اللي كنت فيلو اسيبو واروح مدرسة لاااااااااااااااااااااااااا ونفسيتي تعبت ومرضت وعملت الهوايل عشان يخلوني ارجع الروضة تاني

وانواع الافترا في البيت على اخوياا(اخويا كان كائن ضعيف زي طارق ياخدو عشاه وهوا واقف يتفرج وبالزات عيال الحارة المفترين)
وفي مرة اخويا رايح البقالة مسكو ولد الجيران دفو واخد فلوسو جا اخويا البيت يبكي ماما ما كانت موجودة قالي بسام اخد فلوسي قولتلو طيب تعال معايا ورحت لقيتو قاعد ياكل ايس كريم اخدت منو الايس كريم ورميتو على الارض الولد عصب وهوا طبعا اطول مني واكبر مني
قالي ليش قولتلو اللي ياكل شي مو من فلوسو بكرة يدخل النار الولد خاف وما سار يكلم اخويا
O.O باللهي مو حكيمة خخخ انا عارفة الللي في قلبكم قولي لنفسك كل عيال الروضة باخود فلوسهم خخخخخخ

دخلت الابتدائي >> انقلبت شخصيتي 180 درجة تلاتة سنين وانا كل صبحية اعمل فلم هندي عند باب المدرسة عشان لا انزل وبابا مسكين يكلم البواب ينادي الفراشات يجو يجروني من السيارة وانا زي دولاكا اللي يختطفوهم امسك في الباب وابكي واي شي في طريقي امسكو ومضاربة معاهم وساعات يسحبوني على الارض >> فللللللللللم اخس من الهندي اتخيلو تلاتة سنين وانا على دا الحال ما طفشت اقول لبابا كان اعطيتني كف واحد كان اتعدلت مسخرة كنت خخخخخخخخخخخخخخخخخ
خلصت سنة تالتة حسيت نفسي مصختها كل يوم فلم >> سرت ادخل المدرسة لوحدي ما يحتاج احد يجرني و سحبات على الارض خخخ
بدات ارجع ايمان حقت الروضة رجعت عمليات الافترا
اول عملية ليا في بنت فتانة تقربلها وحدة من المعلمات >> اعطوني ورقة عشان اجيب امي لمجلس الامهات وانا رجعت الفصل وشقيته ورميتها في الزبالة والبنت شافتني وراحت قالت لدي الابلة واليوم التاني دقو على ماما ولما عرفت جات وطبعا اشتكولها وماما خاصمتني وقالت دي اخر مرة اسويها وجا وقت الانتقام >> اكلت فرش مني ومن صاحباتي عرفت انو الله حق ^_____^ وبعدها حرمت تفتن
و بعدها بكم يوم اكتشفنا انو المصروف حقنا ما يكفي اتفقت الشلة انو ندور على وحدة ضعيفة ناخود مصروفها >> لقينا وحدة مالها صاحباتي وطول الوقت لوحدها وبصراحة كدا بنت ماما وبابا >> هجووم خلينا وحدة من البنات تخوفها وتشوف ايش تقول والبنت خافت واعطت لصاحبتي مصروفها كلو وسارت تدمع ونحنا ^^ يا فرحتنا وقعدنا اسبوعين ناخد مصروفها >> وفجاة لقينا حرمة داحلة الفصل وتصرخ قالت انتو تاخدو مصروف البنت الضعيفة يا مفترين انتو تعرفو انو ابو اروى عسكري >> وكلنا
طبعا كانت امها و بعدين العسكري دا زي ملك الموت عندنا وبطلنا ناخد المصروف

اما سنة سادس كانت شي تاني >> ما كنا نسيب ابلة في حالها ولا بنت جديدة الا تعرفنا وتخاف مننا
والمشكلة كنت شاطرة يعني الكل كان يقولي امشي مع شلة الشطار بس بصراحة الشطار مرة مملين وطول الوقت مزاكرة وماعندهم استفلال زي حالتنا
بس اقوى شي كنا معروفين فيلو الحروب التاريخية >>
ندرس تاريخ ونطبقو على نفسنا نحنا فصلنا اسمو سادس أ واشطن فصل واللي جنبا زي حالتنا بس قليل اللي فيهم شياطين اسم فصلهم ب المهم كل اسبوع رايحين لاهلنا نبغى مساطر جديدة ليش ضاعت اتكسرت بكش وفي الحقيقة نحنا نتضارب بيها عاملين نفسنا خالد بن الوليد واللي ابو سفيان وحركات ومن يوم ما تطلع الابلة من الفصل نطلع وراها ونلاقيهم برا ونطلع مساطرنا (علينا الفاظ ويحكم , قبحكم الله , اذهبو الى الجحيم , الجنة لنا) هيهيهيهيهيهيهيهيهيييي كانت عندنا ابلة تاريخ مفحطة وسرنا زيها
واستمرينا على دا الحال الين ابلة شارون في طوابير الصبح طلعتنا وهزئتنا وكل وحدة اكلت كم ضربة بالمسطرة الخشب في يدها بطلنا الحركة دي

اما ابلة الرياضيات كان الكل يخاف منها وانا اولهم كل ما اسمع اسمها ولا صوتها اللي يجي من بعيد والا اترعب واموت على نفسي المهم مرة اتضاربت مع اخويا في السيارة وخالي اعطاني ديكا الشرشحة المحترمة ونزلت وانا شياطين العالم قدامي ودخلت لقيت ابلة شارون واخدت اسمي على التاخير وكمان كزا شرشحة خلاص وصلت معايا ووصلت للفصل سمعت صوت ابلة زينب تصرخ وقطر الدائرة كم وكيف نطلع المحيط ووووو
وانا اقول في قلبي كملت دا اللي كنت ناقصتو متصبحة بوش مين انا اليوم المهم قوي قلبك يا ايماان ودقي الباب وما الاقيها الا في وشي قالتلي لا والله بدري يا ابلة ايمان انا في مدرسة ابوكي هنا وقت ما تحبو تجو المدرسة وعلى كيفكم كأنو ما في نظام في المدرسة >> وطبعا من تقوية القلب طلعت مني كم كلمة قولتلها بصوت عالي >>الطريق زحمة كيف تبغيني اجي اطير من فوق السيارات طبعا هيا اول مرة بنت تطول لسانها عليها قالت:ياسلام طيب انا ودولا البنات كيف جينا ؟؟ << هع وانا بكل قوة عين : واللهي اسالو نفسكم ايش يعرفني عنكم
صدمة تانية اول مرة اطول لساني على دي الابلة بصراحة اخاف منها >> قالتلي حطي عفشك وتعالي معايا عند المديرة ورحنا عند المديرة وهاتي رقم امك و جات ماما وفي البيت عرفت انو الله حق فرشتين محترمة بعدها سرت اروح المدرسة بدري

اما ابلة الجغرافيا مسكينة طول الوقت كانت مسالمة معانا بس اخر اختبار لينا في سادس كان جغرافيا والجغرافيا كانت هبلة واخس ما عليا ارسم الخرايط >> جاتنا في الاختبار خريطة المغرب مدري بريطانيا مدري ما اتزكر شي صعب طبعا رسمت شي تاني وقبل ما اسلم الورقة كتبتلها عند اسمها(حسبي الله ونعم الوكيل عليكي بازن الله تشوفيها في عيالك ورسمت جمجمة ) ههههههههههههه ايش اقصد بالجمجمة مدري هههههههههههههههههه بس هيا الابلة كبيرة ومرة احبها لكن بالخريطة اللي جابتها كرهتها


ومن نحاستي مدرستنا ماعملت حفلة تخرج للبنات اللي متخرجين من سنة سادس وطبعا ابلة شارون ليها يد في الموضوع والمديرة تقول بنات قليلات ادب وما عندكم سلوك حضاري فما في حفلة تخرج ونحنا>> اصبرو علينا :@ ما سكتنا شخمطنا الفصل اخر يوم في الاختبارات عشان خلاص رايحن المتوسطة هيهيهيهيهيييهيهيهي وكيف راح يجيبونا >> وكالعادة الخطة فشلت يوم النتايج محد استلم نتيجتو الا ب 50 ريال عشان الشخمطة اللي سارت يبغو يدهنو بوية جديدة وطبعا خالي مسح بي الارض عشان ال 50 اللي اخدتها منو هعهعهعهعهااي


دا الي اتزكرو من ايام الروضة والابتدائي
و عشان لحد يطفش هيهيهيهيهيهيهيهيهيهيهيهيهيييي

ليه رجعه ,, بس دحين تعبانه جيت من الجامعه ’’’’’

كنت انسانة في قمة البراءة
دي شوية مشاغبة

اميييييييييييييييين يا قلبي ويسعدك يارب مو دايمن ماما تقولي اللي عملتيه في الناس زمان كلو بيطلع دحين

اما لو كملت حقت الثانوي صدقيني مو بس شريرة الا الشر اتبرى مني من زمان
بس خلااص دحين تبت

خليني افضى واجي اقول الباقي كويس انها ضحكتك يختي اضحكي وانبسطي ايش ورانا

ههههههههههههههههههههههههههههههههههههااي
مو عاملة الموضوع عشان نطلع زكرياتنا منها المنيل بستين نيلة ومنها الكويس
يب لما قرأت قصص سفيرة حسيت في تشابه كبير بيننا نفس الافترا >> راح تنضرب قريب من سفيرة

امييييييييييييين يا عسل ويسعدك ويوفقك يارب
بس بجد موضوعك خلانا نرجع لايام الطفولة ونتزكر الاشياء اللي كنا نسويها
وبجد مرة موضوع قليل فيلو راااااااااااااائع