حوار للأمهات المبتعثات

انا في تورنتو مرحلة لغه لسه يوم 29 مارس راح ابدا
ان شالله
واللي بعدها ماستر والله يسهل وعندي بنت بس جننتنا قبل لا نداوم مدري شلون اذا داومنا

عارفه انا مش متزوجه..
بس انا بحكي ليك..
صعب تتركي ولدك..بالسعوديه..
وخاصة بمراحل عمره الأولــــــــى..
هو محتــــــــــاج للأم كتير..
وممكن يتعلم اشيا كتير حلوه وهو معــــــــك..
بعتقد الماسترز..تحضري 3 ايام بالاسبـــــــــــــوع..
يعني عندك وقت ان شاءالله..
لكل شي..
الله يوفقنــــــــــــــــــــــا اجمعين..

موضوع قيم يجلب فائدة اعمق وهو بث العزيمة فيما بيننا لا التثبيط ...

أنا واصله أمريكا مع بداية السنه وما رضى زوجي اني ادرس من البداية قالي استني ع الترم القادم عشان نرتب امورنا ..وبيني وبينكم مرة تضايقت من الفراااغ بشكل خيالي لكن الحمد لله لو نظرت من ناحيه اخرى افضل لي .كي نستقر نفسيا وع الاقل ننتهي من تأثيث المنزل ونرتب امورنا بالكاامل والحمد لله بقي ع دراستي فقط شهر وكل امورنا زي الفل ...

انا عندي طفلين ولد 4 سنوات وبنت 2:6 شهور الولد بيدخل تمهيدي في مدرسه حكوميه وسجلناااه الحمد لله والبنت بدخلها حضانة لكن يا بناااااااااااات الحضانات مرة غاااااالية هينا بجد وشكلي بحطها عند عاااائلة عربية الى ان تستقر امورنا الماااديه ...طبعا فيزتي F2 وبأبدا لغه ولا نزلت السعوديه بحولهاااااااااااااااااااااا F1إن شاء الله ...وبعدهااااا بدخل تخصص موارد بشريه ان الله احيااانا ...


اما بالنسبة لتنظيم الوقت فبصراااااااااااااااحة البيوت هينا صغيرة ما تحتاج جهد كبير ولا تعب ,الغسيل في الويكند مرة في الاسبوع أحاول اجهز وجبااات في الثلاجه ومع تنظيم الوقت بتتسهل كل الامور ... عيالي جهزت لهم غرفة ومليتهاا العااب عشان يلهون فيهااا وادرس ع راحتي وزوجي يسترجع دروسه في المكتبه وما يجيء الا هو مخلص امورة ويكون فاااضي ...

غالبا الويك إند اجتمع مع البنااات وارفه عن نفسي ...وتفااااااااااااااااؤلوا يا بنااات الحياااة جميله ومهيأة لناااا لكن قليل من تنظيم الوقت والصبر ...

وبصراحه احمدوا ربكم ع الضغط ...أنا مليت من الفراااااغ طول الفترة الماااضيه حتى النوم ماله طعم لاني طول الوقت نااااااااايمة ..

من عرفت نفسي بهالحيااة وانا ادرس الى شهر 12 الماااضي بالسعوديه وانا ادرس ..احس مو حلوة الحياااة بدون دراااسه ...انظروا من الجانب الايجااابي ...


أثقلت عليكم فسامحوني ...
تقبلوا تحياااتي ...أختكم : هاله

halah
الله يســـــــــــعدك يارب..
كلامــــــــــك ريحني..كتير..
كنت شايله هم نفسي ..وهم اخويا معايا..
ان شاءالله تكون الحياة كتير سهله..زي ماتقولي..
الله يعيننا اجمعين..

مرااااااحب عزيزتــي ...


انا لسه ما بديت باللغه .. ان شاء الله بــ24/5 راح ابدا ... والله يعين " مررره شايله هم بنوتـــتي عمرها 9 شهور وكان في بالي اني اشوف لها حضانه كويسه

ياليت لو تقولين لي ( زوجة modares ) عن تجربتك مع الحضانه

وهل العائله اللي توديــن ولدك عندهم عرب وكيف عرفتيهم؟وكيف معاملتهم؟



ولك تحيـــاتي ..

موضوع حلو ان شاءالله نستفيد
اا جايه يوم 15 جون قبل دراستي 17 يوم تقريبا والله مره شايله هم الحضانه اي مااحصل او يحطوه انتظار بس جالسه افكر في عايله كيف اسعارهم وكيف نظيفيين كم الفرق بيهم وبي الحضانه

نفس سؤال ام ريوه
كيف نعرف مكانهم
خصوصا الحضانات مره غالين
انا ان شاء الله على الصيف جايه
في شيكاغو ومتخوفه من الحجاب<النقاب
جوء الدراسه والبيت
يالليت الحبايب يجاوبونى

صراحه انا مره شايله هم الحضانه مررررره وكيف اوفق بين دراستي والبيت
والله ادعي من كل قلبي ان ربي ييسرلي اموري واقدر ارتب وقتي وارجع بشهاده حلوة ترفع الراس يااااااااااااارب

الله يعينكم يارب .. خلاص ياحلوات انا تخصصي رياض اطفال بالايام الي ماعندي شي هاتو اطفالكم عندي