محتاره بين الابتعاث و الزواج... ساعدوني....

انا من وجهه نظري تكلمي دراستك وان شاالله ربي يرزقك الزوج الصالح
وشهادتك هي سندك الحين
مو زوجك >>>زمان الزوج سند لمن كانو الناس متمسكين بالدين والاخلاق
اهم شي ماتخلين بخاطرك شي سوي الي تبينه
واذا تبغين اي شي مالك الا حاجه وحده ( الدعاء ) >>اسأل مجرب
وان شاالله ربي يوفقك

شكرا لـــك وان شاء الله بحاول احقق طموحي اللي كنت احلم فيه.... ياما كنت اكتب قبل اسمي حرف الدال ههههه... وان شاءالله ربي يساعدني احقق هالحلم...
صحيح لو نسمع كلام الناس كان ماتقدمنا كلامك يبرد القلب ويسعد الخاطر الله يسعد ايامك...

اختي كلامك صحيح الزواج استقرار ... لكن بعد العلم سلاح ... وانا اعشق العلم ..
خواتي تزوجوا ،، في نظري ماشفت ان الزواج اضاف لهم شي يذكر!!! غير شغله وحده بس اللي هي( زوجي مايرضى زوجي ماهو موافق..ليه الازواج توقف بطريقنا؟؟)
انا بين نارين ياابتعث واحقق حلمي اللي طالما حلمت فيه... يااتزوج واجلس اربي عيالي واكون مثل مليون وحده عاديه.. وانا مابغى اكون كذا نهاااااااائي.....

فعلاً الامر صعب ... يعطيك الف عافيه مشكوره حبيبتي

كلامك جداُ جميل ، بث فيني الامل مجدداً ، مشكوره وبارك الله فيـــك..

والنعم بالله ، يعطيك الف الف عافيه ... وقررت ان شاء الله اني اكمل دراستي .... واترك من يريد ان يقف عثره في طريقي ومستقبلي ^_^ مشكوره...


والله استخرت وحسيت اني اميل اكثر لااكمال دراستي وارتاح من هذه الناحيه اكثر... انا بس خايفه من كلام الناس بعدين. لكن الاخوان فادوني ان كلام الناس مايقدم ولايأخر...
الزواج بالنسبه لي مومهم ... ماكنت احلم بالزواج كثر حلمي في اكمال دراستي.. . بس كنت خايفه من هرج الناس..

يعطيك الف الف عافيه اختي... وجزاك الله خير..

آمين ياااارب ،،، اللهم آمين..... مشكوووره حبيبتي على مشاركتك وجزاك الله الف خير...بصراحه خلاص قررت اكمل دراستي


رزقنا مكتوب لنا من يوم حنا في بطون امهاتنا....جزاك الله الف خير على دعواتك الحلوه اللي تشرح النفس....


لا يااختي مو انتظر اتزوج.. هو انا حاليا متقدم لي شاب ... وكل الامور ماشيه .....لكن قلت له شرطي انه يسافر معي للخارج ادرس... وهو رفض مثل كثير قبله...
انا حبيت استشيركم... اتزوج واجلس معه والا اروح ادرس واحقق حلمي وطموحي.. وهو ينتظر آخر جواب لي......
والاخوات اغلبهم نصحوني اكمل دراستي... وشكله هذا اللي بيصير

يعطيك الف عافيه يالغلآ.. كلامك صحيح الرزق مكتوب والنصيب مقدر ..
. وان شاء الله كلام الناس رح اتركه خلف ظهري...



ربي يسعدك ،، تفكيرك نفس تفكيري بالضبط ،،، انا بس كنت خايفه من كلام الناس بعدين....
وخلاص من الآن مارح احطه بعين الاعتبار..

الله يوفقنا ياااااارب جزاك الله خير

حبيبتي أنا ماراح أقولك الزواج أفضل وطنشي الدراسة
و لا راح أقولك أدرسي وما عليكي يجي نصيبك بعدين
لكن أقولك ياقلبي
الاستخاره ثم الاستخارة ثم الاستخاااااااااااااااااااارة
والله أذا الزواج أفضل لمصلحتك صدقين ماراح تتيسر البعثة
و اذا البعثة أفضل راح تروحي وتدرسي وتجي مرفوع راسك و ان شاء الله بعدها تتزوجي
وربي حبيبتي يكتب الي فيه خير لك ولبنااااااااااااااااااااااااااااات حواء
وبالتوفيق

الله يوفقك يارب

لاتنسين الاسخاره وماخاب من استخار

والدراسه رح تحقق لك كل شي واذا ربي كاتب لك الزواج يمكن تلاقيه برى ويمكن تلاقيه لاجيتي
اهم شي دراستك الدراسه فرصه لاتعوض بكرى تندمي وهذا مايمنع تجمعين كل الاثنين والله يوفقك ويوفقني ويوفقك كل مسلم يارب

اذا جاك المواصفات اللي لو فوتيها في العريس ماراح تلقي زيه بعدين اقولك اتزوجي ابركلك

واذا مافي اطلعي وادرسي ولمن ترجعي اللي ربك كاتبه راح يصير
ونصيبك راح يصيبك متى بس؟؟؟ هذه وقتها عند رب العباد
ودعواتك ان ربي يحققلي اللي اتمناه

صدقيني ناس كثير يحلمون انهم يبتعثون مع زوجاتهم بالخارج
ولكن الخطاب اللي جوكي من فئة الذين لايرغبون بأن الزوجة تكمل دراستها
أسأل الله ان يرزقك بأبن الحلال وأن يتحقق حلمك
مع أن في الأخير مصيرك الزواج مهما وصلتي من مرحلة بالتعليم

تزوجي احسلك والابتعاث مو من مصالحك وانت بدون زوج؟؟؟؟؟ رايي الشخصي وقد اكون مخطي

اااااااااااااااااااااااه ياحلوة انا كنت مثل حالك بالضبط قدمت بعثه ..وانقبلت ... وحجزت على السفر ..وكنت محتاااااااااااااااااارة مره مره مره وملاين المرات ..كنت ادعي .. واستخير كل يوم ... اقراء سورة الضحى .. ويس... وكنت اطلب ربي كل يوم انو يديني سبب مقنع غير الدراسة والطموح اني اسافر ...او يديني سبب مقنع غير اهلي اني اقعد ...

ومرت الايام .. وقرب السفر ...باقي بس 5 ايام واسافر ...قفلت الشنط وقلت خلاص من توكل على الله فهو حسبه ... السفر كان يوم الجمعه ... والاثنين الي قبل السفر ربي اداني الجواب... ( سررررر ههههههه )

وطلبت تاجيل بعثه ..وقلت جات جات ماجات (بقلعة قريح )..وطبعا ماقبلو التاجيل مع انو كان عندي اسباب مقنعه بس مارضيو يقتنعو .. ووالله واللله واللله عندي قناااااااااااعه تااااااااااااامه صح مقهورة شوي بس مو على البعثه مقهورة على تعامل الوزارة والواسطة الي مانملكها ..
عشان كدا استخيري .. واطلبي ربي ..ممكن انتي محتاره بس ربي عارف ايش الشي الي راح يرضيك..فقولي (اللهم انت تعلم مافي نفسي فأقضي لي حاجتي ).. ورأي الشخصي ( اتزوجي لو الرجال رجال مايتعوض..ولو كنت مقتنعه طبعا ..والدراسة لاحقه عليها بس الرجال الطيب ماتلحقي عليه )
وفي الاخير ربي الي كاتبه بيصير وهو فقط من سيغنيك بتدبيره عمن سواااااااااه.

ووفقك الله الى مايحب ويرضى ..

من رائي دام هي وجهت نظر تكملي دراستك

ماعليك ربك مايخليك وتذكري شي واحد انو الان المجتمع عندنا مو مثل اول مقفل

الغالب يكون نفسه يدرس راح تلاقي ابن الحلال لاتخافي وخلي ايمانك بالله عزوجل قوي

واستغفري كثير بنيه الزواج الى يسعدك ويقبل انو يروح معاك تذكري الاستغفار هو مفتاح من مفاتيح قبول دعوه الانسان

وربي يحقق لك ولك بنات المسلمين عيال الحلال الى يخافون الله فيكم

ماشاء الله على ردودكم بصراحه ماني عارفه اش ازيد...

بس فعلا الاستخاره ثم الاستخاره ....

طيب وش ضاره الواحد لو يسافر مع زوجته بالعكس وضعه راح يتحسن وكمان يقدر ياخذ لغه ويكمل دراسته بس الله يهدي الرجال

احس لو كان هوا اللي يبغى يدرس كان سعى لنفسه بس عشان الحرمه هيا اللي تبغى...

الله المستعااان ....

الله ييسر لك ويرزقك اللي يمشي معك ويكون عون لك ويساندك عشان تحققين طموحك ....

يااارب ترزقنا جميعا ....

بالتوفيق ياعسل ...