محتاره بين الابتعاث و الزواج... ساعدوني....

الإستخاره ثم الإستخارة والله ييسر اللي فيه الخير

وراي الشخصي بعد ماجربت هم الغربة إن الزواج أهم الف مره من الدراسه خصوصا اذا المتقدم شخص كويس ومواصفاته فل اوبشن >>>سياره على غفله
لاأمزح بس اقصد إذا العريس فيه اللي كنتي تتمنيه بزوج المستقبل وكنتي مخيره بينه وبين الدراسه اختاري الزوج والله اهو مصدر السعاده الحقيقي .

تزوجي باللي يقبل ببعثتك وسافري معه ، وتأكدي انه يبيك لطموحك لا للحصول على ابتعاث مجاني ومصلحة
الغربة صعبة صعبة بدون زوج
الاخ مايحس فيك زي زوجك ولايقدر يهون عليك كثر انسان يكون قريب منك
واذا مالقيتي توكلي على الله وسافري والله بيرزقك بمن يقدرك ويدعمك ويكون سندك

نرجسية انا مستعد اتزوجك ونطلع سوى , تكملين دراستك وانا اكمل دراستي ,, انا موظف وعمري 25

أولا .. أستخيري و أدعي أن الله يكتب لكـ الخير
ثانيا .. إذا عزمتي على البعثة توكلي وأتركي كلام الناس على جنب

والله اول شي استخيري قبل كل شي

وانا والله افضل انك تكملين دراستك دامها ماستر كلها سنة ونص او سنتين

والسنوات تجري بسرعه

وربي كاتب لك نصيبك وانتي ببطنك امك قبل كل شي
..~

حبيبتي أنا أكبر منك حبتين والآن أدرس الحمدلله في أمريكا في مرحلة اللغة واتمنى أخلص بمشيئة الله بسرعة وابدأ دراسة الماستر ، إنخطبت قبل الإبتعاث مرات ومرات حتى من يوم كنت أدرس في الكلية بس ماكان فيه نصيب لأسباب متعددة والحمدلله عادي هذا الموضوع ابدا مايخطر على بالي أحس عندي طموح لإكمال تعليمي ولاهمني كلام الناس قلعتهم أصلا من راقب الناس مات هماً !
حتى أمي كانت شوية رافضة إني أروح بعثة إلا لماأتزوج بس أبويه ساندني في الموضوع وأقنعها وهي الحمدلله الآن مقتنعة وتدعيلي كل ماتصبح وتمسي الله لايحرمني منهم .
حبيبتي ترا الزواج مو شخطك بختك أي واحد يدق الباب توافقين عليه إستخيري وإذا فيه خير ربي بيجيبه لك وإذا فيه شر ربي بيصرفك عنه وأصلا اعرفي إن العينات اللي ترفض دراسة البنت في الخارج فرقاهم عيد بكرة يقولك أنا ضد الوظيفة وأنا وأنا وبتدخلين في دوامات مالها أول من آخر فلاتحزنين ولاتهمتمين وتوكلي على ربك وكوني على يقين إن نصيبك بيجيك حتى لو كنتِ على سطح القمر .
وخذي هذه الكلمات من شعر الإمام الشافعي :
توكلت في رزقي على الله خالقي ؛؛ وأيقنت أن الله لاشك رازقي
ومايك من رزق فليس يفوتني ؛؛ ولو كان في قاع البحار العوامقِ
سيأتي به الله العظيم بفضله ؛؛ ولو لم يكن مني اللسان بناطقِ
ففي أي شيء تذهب النفس حسرة ؛؛ وقد قسم الرحمن رزق الخلائقِ

بصراااااااااحه موضوع جدا محير وفعلا بين ناااااااااارين وقرينا ردوووووووود كثير عن

ايجابيات وسلبيات موضوعك وكلا ادلى بدلوه وقال الي يحس فيه لكن لو فكرنا هل الرجل المتقدم لك يستحق انه تختاريه

ووتتركي البعثه اذا نعم اقولك اياها مافيه اروع من الزواج وانجاب الاولاد لان الاطفال نعمه وغريزه عند الام بالذات واذا

الله اصلحهم يكونو سند وعون وفرحه لك سواء عشتي مع الرجل ام لا الوحده... امر مرير تصوري للحظات بعد سنين

اهلك وخواتك واخوانك كل لاهي بيته وازواجهم وعيالهم وانتي لحالك وحيده فكري بالوالدين الله يخليهم ويطول بعمرهم لكن بعد عمر طويل من يقوم في المراه في مجتمعنا غير الزوج او الولد او الاخ والاخ يبي خصوصيه هو وزوجته وبيلهى مع

عياله.... وغير هذا كله قلتي نقطه مهمه عمر المراة مثل الورده اذا ماقطف بالوقت مناسب ذبلت واذا فرضا رجعتي بعد 3 سنوات كم بيصير عمرك ....غالبا الي يتزوجون البنات في نهايه العشرين تتوقع الي بيجيها شخص اما متزوج او

مطلق..والبنات كثر البيوت ياكثر الي معهم شهاده دكتوراه لكن فاقدات للاولاد ونعمه الاستقرار كثير اعرفهم اعمارهم فوق

27 سنه يتمنون يتزوجون لو من شخص متزوج او مطلق وله اولاد سمعتها كثير بس عشان اجيب اطفال... واحس اني

ام ...على فكره اذا

على كلالالام ناس خوذي وخلي ولاجبت سيرته بكلامي لانه امر ماحب احكي عنه مجتمع وقال وقيل حتى الي بالقبر حكو

فيه لايهمك الناس بس فكري بالاولاد ((( المال والبنون زينه الحياه الدنيا ....))) الخ الايه

الله يكتب لك كل مافيه خير وصالح واسسخيري وادعي الله

احسن رد , ماشاء الله

اوافقك وبقوووة

لسلام عليكم جميعا....
ماادري من اين ابد ولا ادري هل هذا القسم يحق لي وضوع موضوعي فيه ...
انا سبق وانا حصلت على بعثة قبل سنتين ولكن تخليت عنها لكي اضمن الوظيفه والان موظف في التعليم معلم
ومازلت اطمح لاكمال الماجستير والدكتوراة ....لكن الان لا استطيع الا بموافقة العمل وعدد من الشروط التعجيزية
وليس لدي حل الا ان اكون مرافق وبالتالي استطيع انا اكمل دراستي....والذي اتمناه الاستقرار واكمال طموحي
بالدراسة ...فهل اجد مبتعثه ترغب بالزواج المعلن الابدي والسفر واكمال الدراسة....
الحمدالله رجل اصل وفصل وقبيلي ومتعلم وجميل الشكل والمظهر وانيق وطموح وطيب جدا....
اعتذر اذا كان القسم ليس نخصص لموضوعي....

هذا مو معناته اتنازل عن اي شي عشان طموحي الدين والخلق قبل كل شي والاستخارة ومعلومات اخرى لمن يهمه الامر

لا تبخلو علينا بالدعاء او النصيحه ....
مع كل الود والاحترام

للجادين moooo7amed ع الهوتميل

اولا استخيري الله وهو المسخر المسهل وماهو مكتوب لكي سترينه باذن الله
ولكن نظرة الناس والشباب تغيرت من حيث سفر النساء ودراستهن ويتفاخرون بالمتعلمة وانت ستكوني فرصة له ايضا للابتعاث والدراسة والله يكتب لك مافيه خير