محتاره بين الابتعاث و الزواج... ساعدوني....

نظرة الناس مو مهمه مهما كانت
المهم نظرة الشخص لنفسة .
وان كان ع الرجال كلهم سوا سوا واللي ما يحترم طموحك ويرضا بك زي مانتي مانتي بحاجتو " ياكل تبن " حسب الاقوال الشعبية

يعني انت اذا طموحه تحتاجي شخص يحترم طموحك ولا تفكري كثير نصيبك بيجيك وما بيردو شي بلا قطار بلا حنطور النظرة ذي قاااصرة وسطحية
العلم سلاح .. لا تفوتي الفرصه وتاخذي واحد الله اعلم ملتو اش هيا واخرتها تروح الفرصه عليك وتبطلي البحر لا زواج كويس ولا شهادة


وبس

شوفي اختي اهم شي الاستخاره اكثري منها والاستغفار عليك به
وبعدين حققي طموحك واحمدي ربك انك انسانه لها طموح لان مو كل واحد له طموح فهذي نعمه من رب العالمين
فلا تضيعي الفرصه عليك فرصة الدراسه سافري وادرسي بس حاولي انك تخلصي دراسه في اقل وقت ممكن
عشان برضو مايروح عمرك كلو بدراسه يصير ضربتي عصفورين بحجر
ترجعين انسانه مثقفه واعيه دارسه وفي نفس الوقت الكل يرغب القرب منك والارتباط بك
وتري الحين الرجال يبغون المثقفات الواعيات الفاهمات كل الرجال كذا بمجتمعنا
حتى الرجال اللي مو واصل درجة عاليه من التعليم لو تلاحظي انهم يفضلوا الانسانه المتعلمه
فالله يوفقك وعموما هذي وجهة نظري

بالتووووووفيق يابنتي

حالتي مثل حالتك بالضبط

لكن اخذت قراري ومتمسكه فيه ..
ابعدت فكرة الزواج وقدامي فقط مستقبلي العلمي ..
واذا الله راد لك نصيب بيجيك لحد بابك لاتخافين ..



الله يوفقك يارب والجميع ان شاء الله ..

استخيري أول شي

والله يوفقك ويكتب لك الخير يارب

الله ييسرلك الاثنين الابتعاث ثم الزواج....

شوفي الدراسه مافي زيها

الزواج ماتدري عنو مو بيدك فشلو ونجاحو

بس الدراسه انتي تقدري تنجحي فيها طبعا بتوفيق ربنا ثم بجهدك وتعبك

وعالأقل شي انتي حابته

الزواج حيكون شي جديد عليكي وشخص جديد


وإذا الزوج مو راضي اني اكمل دراستي واحقق أهدافي وحيكون عائق وعقبه ليا في تحقيق ذاتي وطموحاتي

ماراح افكر فيه واللي جابه يجيب اللي أحسن منه ..

انا مثلك كلها كم شهر واكمل 24 سنه بس لما احد من العجايز يجلس يخاصمني وسيبي الدراسه والزواج مدري ايش

كلمه وحده انا تزوجت دراستي .. غالباً هذا ردي ..

والله الزواج فدا الزمن سار يخوف .. والرجال الكويسين بينقرضو لا ترمي نفسك للمجهول .. روحي لشي إنتي عارفه إيش حيكون ..

والناس مصيرها تنسى وتنكتم وتسكت ..

وحده قريبتي جميله ومتعلمه وكل شي ويجوها خطاب قد شعر راسها الحين عمرها 28 دوبها اللي وافقت على خطيب وزواجها ان شاء الله الصيف الجاي

النصيب بيد ربنا ونصيبك حيجيكي الين عندك وحتلاقي نفسك وافقتي وكل شي سار بغمضة عين ..

اهم شي تستخيري وتسوي الشي اللي ترتاحي له

كأنك داريه عني
نفففففففففس المعاناة والضغووووط
اخر شي اكتشفت نقطه مررره مهمه ..
هذا اللي يعارض سفري برا تفكيره متحجر وموسوس .. في النهايه مايستاهلني لانه ضد طموحي
ويبيني جالسه عنده في البيت لا شغله ولا عمله الا هو
لكن لو جاني واحد يشجع دراستي ويدعمني ممكن اترك دراستي عشانه لو حصل ظرف ضد هذا السفر
لاني بكون واثقه منه ومن تفكيره ..
وانا انشاء الله راح اسافر واكمل ولا راح التفت لعقد هذا المجتمع التافه ..
لان لا المجتمع ولا العريس راح ينفعوني مثل شهادتي

أنا أشوف ان الدراسة أضمن بمليون مرة من زوج ما تعرفي ايش حيكون طيب ولا لا,,,
ونصيبك مقدر ومكتوب من فوق سبع سماوات ,,,
انا من زمان مسجلة بالمنتدى ... بس دائما تصفح لكن بصراحة ما اقدر اعدي من سؤالك بدون ما ارد ,,,
أختي لما تخرجت من الثانوي اتخطبت وهي طالبة في اول ترم "طب" خطيبها عارض دراستها وصارت مشاكل كثيرة وتركت الطب للأسف ,,, ولا كان مداها صارت دكتورة دحين ..
بعدها فسخت خطوبتها منه الحمد لله فكه صح بس ما رجعت كملت ... جلست بعدها 4 سنواااااااااااااااااااااااااات لا دراسة ولازواج ,,
4 سنوات ضاعت من عمرها بدون فايدة
اتخطبت بعدها وتزوجت الحمد لله من واحد احسن بكثييير وبدأت من أول وجديد بس بتخصص تاني وهو الانجليزي ,,, طبعا دوبها متخرجة السنة هادي ما شاء الله تبارك الله عليها كافحت وتعبت كثييير لأن عندها أطفال وبيت وزوج ,,,
أنا مثلا ,, بعد مرور أول سنة لي بالجامعه تزوجت ,,, وكانت تجربة زواج فاشلة أول شي سواه حرمني من تعليمي ,,, بعد الانفصال الحمد لله اكملت دراستي بعد توقف سنتين وتخرجت ولكن بصعوبة طبعا لأن عندي طفلة صغنوونه الله يحميها ياااارب ,,
لكن نصيحة لأي وحدة محتارة انها تختار الدراسة قبل الزوااااج لأنه أضمن وأفضل ورح يجي الزواج بعدين كل وحدة مصيرها تتزوج وتتحمل مسؤولية بيت ,, سواء بدري او تأخرت ,,, فليش نتعب نفسنا بالزواج من الحين ,,
إذا كنتي طمووحه ما رح ترتاحي لحد ما تحققي طموحك والزوج ما رح يشبع رغبتك في تحقيق طموحك ورح تحسي انك مقيدة ومكبله ويمكن تندمي ,,
تحياتي ...

اختي النرجسية
انا اقول الزواج <<<لا تقولين كلام الناس مايهم>>>>>أحنا عايشين مع هالناس
وابي ارد على اللي يقول انتي ماتدرين الزواج ناجح ولا فاشل....بالعكس الزوجة هي اللي تصنع نجاح الحياة الزوجية
انا اقول دام خطابك كثار اغتنمي الفرصة قبل لاتفوتك...واذا على الدراسة براااآآ بعد سنة من الزواج اقنعيه بأسلوبك ..
عن نفسي انا أحس الاستقرار أفضل من التعليم