شنو الاغراض اللي اقدر اخذها وضروريه وتكون مسموحه بليز يبنوتات امريكا

موضوع مررررررة حلو
انا ناوية اخذ معي دقيق اخاف ما احصل هناك ؟؟؟ يعني بيسبب مشاكل ؟؟
والاجبان مسموحة او لا؟؟
وكتب الدعوة ممنوعة ؟؟
اتوقع امريكا مثل غيرها من الدول الغربية

مشكورين اوي اوي على الموضوع ^_^

كل شيء متوفر في أمريكا لا تشيلي غير بهاراتك العربية ، لا تشيلي الليمون الأسود لأنه بصادروه ، وشيلي معاكي قهوة عربية وتمر ، غير كذا كل اللي ذكرتيه متوفر وأفضل من السعودية..
يمكن بس حاجات لطفلك علشان السفر وأول أيام لازم ..

مشكورات أخواتي وننتظر بقية الردود للأستفاده

الله يوووفقك اختيه

شكرا ياقلبي ع الموضوع انا قلت باخذ بهارات بس مو كلها عليها تاريخ صلاحيه وبعدين اش سالفه الليمون الناشف الاسود ليه يصادرونه مايزبط الكبسه غيره وغير كدا باخد بهارات صحيحه زي القرفه والخلنجان كيف ينفع ولا اريح نفسي وما اجيب قولو لي الله يستر عليكم ويوفقكم

نفس الاستفسار عندي

عادي حبيبتي قبل مانجي كنا نسمع تهاااااااااويل ومحرصين ع كل شي نشيل لا ..
المهم معانا تلات كراتين شاي ابو جبل- نعناع مجفف- جبن -سفررررر-بن وهيل نانخة-بخور-عودة انواع الادوية للصداع للحرقان للمغص فيكس بس طبعا بما نها ادوية يفضل استعمال شهر لانو لو جبتي اكتر المسألة حيكون فيها ان..((يفكرونها تجارة!!))
ولدي جبتله اربع علب حليب في الشنط المقفلة وتنين في الشنطتين اللي في يدي في الطيارة مجرد توزيع يعني..
اربع علب حفايظ بامبرز-وطبعا شراب تايلنول وخافض حرارة..خلاصة الكلام مافي تدقيق شيلي اللي تبغيه وتشوفيه ضروري بس اهم شي لاتثقلي ع نفسك في اشياء مالها داعي عشان الوزن..ولا ع الاقل الاشياء اللي ذكرتها سابقا كانت ضرورية خصوصا في الشهرين الاولى الواحد موعارف راسه من رجله,, وماتأقلم مع الوضع الجديد لكن بعد كذا خلاص تتعودي ع الوضع ..
موفقة وتوصلي بالسلامة ان شاء الله..

بالتوفيق لكم يارب