!! صلي عالنبي ياأمي دي ساعة مغربية !! << قصيدة بلهجة أهل مكة

تنبيه: هذا الموضوع قديم. تم طرحه قبل 5287 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

¨°o.O( NOHA )O.o°¨
مبتعث مبدع Amazing Member

الولايات المتحدة الأمريكية
¨°o.O( NOHA )O.o°¨ , أنثى. مبتعث مبدع Amazing Member. من السعودية , مبتعث فى الولايات المتحدة الأمريكية , تخصصى الله أعلم , بجامعة .........
.........

الله أعلم

أنثى
Portland, OR

السعودية

Jul 2009
المزيدl
July 3rd, 2010, 02:05 AM
July 3rd, 2010, 02:05 AM

حياة المكاوية

قبل المغربية مع خالة خيرية .... تزهم وتنادي إنتي فين يابدرية

بدرية في السطوح مععلوية .... يفرشو الطراريح ويخشخشوا الناموسية

يالله يابنت إنتي وهيا بسرعة شوية .... حاضر يا أمي دقايق ونخلص من القضية

واد يا أسعد فين أخوانك البقية .... في الزقاق بيلعبوا عسكر وحرامية

أزهم عليهم يطلعو لا تجيهم الجنية .... صلي عالنبي ياأمي دي ساعة مغربية

صدقة يا عباااااااااس أطلعو بلا أزية .... طيب طالعين خلاص مع ستي مهدية

مهدية لخيرية أولادك هدول فرفوشية .... زفوني في الدرج يقولولي ياستنا ياعسلية

عباس مجروح في رجلو بقزازة مرمية .... وصدقة ببجامة مقلمة وصخة زي الميكانيكية

خيرية .. إيش هادا حسبي الله عليكم شقاوية .... مهدية ...لا تضربيهم عشاني وإنتي رضية

حاضر ياأمي عشانك بس المرة دية .... يالله قدامي إنت وهو أتروشوامن الحنفية

وإنتي يا أمي أجلسي جمب المصلية .... عشان إذا أدن تصلي المغربية

وإنتو يابنات يالله تعالو نسوي المقلية .... ونزبط زلطة الحومر والفلفلية

بعد المغربية ، ياولد ياساتر طريق ياخيرية .... أتفضل يبو اسعد مافي غير عمتك مهدية

كيفك ياعمة نورتي البيت ياعودة وعنبرية .... تعيش ياجوز بنتي كلك ذوق ومفهومية

هيا سموا بالرحمن ونقنقو من المقلية .... ونونو نونو لقمة هنية تكفي مية

أسعد يوشوش أبوه يبغى هدية .... ماشاء الله نجح وأتخرج من الثانوية

أبشر ياولدي بس تجيفلوس الإكرامية .... ولايهمك يبويا مافي مشكلة حصبرشوية

ياواد عباس إيشبها كدا رجلك ملوية .... دخلت فيها قزازة يبويا من العصرية

تاني مرة فتح عينك لا أخرملكهيه .... ولا اشوفكم تلعبو حفايا ترى تاكلكم الجنيه

بدرية .. يبويا فين حتوديناهادي الصيفية .... والله يابنتي كالعادة الطايف حي البخارية

الله يسعدك يبويا نبغىأبها البهية .... يابنتي أبها بعيدة مرررررة وسفرية

خلاص اللي تشوفو يا أغلى أب فيالدنيا ديه .... بنت ياعلوية ناوليني الكمر حقي والسديرية

أنا خارج دحين ياخيرية رايح الشامية .... أودي صك الوقف حق بيت السليمانية

خلي الأولاد يسبقوني للحرم تحتالمكبرية .... عشان نصلي العشا ونكسب الفرض سوية

بعد العشا وفي السطوح عندالمشربية .... خيرية تفت العيش في الحليب وبدرية مصلقحة متحنية

هاتي ياعلوية الجبنة البلدي والحلاوة الطحينية .... وكمان كم بيضة نسوي شكشوكة في الصينية

لمه حلوة وظريفة وعيله عفوية .... أتعشو وعليهم بالخير يدوروا عالناموسية

عشان يصحو بدري مع أدان الفجرية .... لاسهر لاكسل يومهم كله نشاط وحيوية

فينك يا أيام زمان تشوفي حالنا والفوضجية .... مانعرف راسنا من رجلنا وحياتنا سارت ملوخية

اتمنى تكون اعجبتكم

تحياتي

¨°o.O( NOHA )O.o°¨
شكراً .. يا اللي تخصصك ماستر تجارة الكترونيه ...
Eng.Abdullah
July 3rd, 2010, 03:37 AM
7 "
ههههههههههههههههههه حلوة يا نهى

شكراً يالي تخصصك ماستر تجارة الكترونية..... لطشتها من لي فوق هذه البنت حرامية ... ^_^
sweet-amoon
July 3rd, 2010, 06:20 AM
7 "
 المشاركة الأصلية كتبت بواسطة Eng.Abdullah

شكراً .. يا اللي تخصصك ماستر تجارة الكترونيه ...

ههههههههههههههههه عفوا يعني أثبتت أنك مو مره بالانجليزي
¨°o.O( NOHA )O.o°¨
July 3rd, 2010, 02:32 PM
7 "
 المشاركة الأصلية كتبت بواسطة sweet-amoon

ههههههههههههههههههه حلوة يا نهى

شكراً يالي تخصصك ماستر تجارة الكترونية..... لطشتها من لي فوق هذه البنت حرامية ... ^_^

انتي الأحلى !!

ههههههههههههه معليه سرقة حلال عشانك بس
¨°o.O( NOHA )O.o°¨
July 3rd, 2010, 02:36 PM
7 "
شكراً .. يا اللي تخصصك ماستر تجارة الكترونيه ...
و إن شاء الله ترجعي من الولايات المتحدة الامريكية..
ومعاك الشهادة ويستقبلوك اهلك واصحابك في السعودية ...
ويزغرطون لك بالفرحة ويصرخون "NOHA" ميه على ميه ..
و انتي يا sweet-amoon خلي الحركات الخنفشاريه ..
ولبس الدسوس واللطمه وشغل السرقات وحركات الحرميه ..
Eng.Abdullah
July 3rd, 2010, 02:46 PM
7 "
وش دخل اللغة الإنجلزية ..ية ..ية ؟؟
وكيف حللتي يا ذكية ..ية ..ية ؟؟
Eng.Abdullah
July 3rd, 2010, 02:55 PM
7 "
 المشاركة الأصلية كتبت بواسطة Eng.Abdullah

شكراً .. يا اللي تخصصك ماستر تجارة الكترونيه ...
و إن شاء الله ترجعي من الولايات المتحدة الامريكية..
ومعاك الشهادة ويستقبلوك اهلك واصحابك في السعودية ...
ويزغرطون لك بالفرحة ويصرخون "NOHA" ميه على ميه ..
و انتي يا sweet-amoon خلي الحركات الخنفشاريه ..
ولبس الدسوس واللطمه وشغل السرقات وحركات الحرميه ..

هههههههههه عايش الجو

ان شاء الله يارب الله يوفقنا وايااك
¨°o.O( NOHA )O.o°¨
July 3rd, 2010, 04:18 PM
7 "
 المشاركة الأصلية كتبت بواسطة Eng.Abdullah

وش دخل اللغة الإنجلزية ..ية ..ية ؟؟
وكيف حللتي يا ذكية ..ية ..ية ؟؟

عدلت التخصص وصار بدون ماستر

قصدي بياناتي المدينة / الولاية / الجامعة << ما جبت خبرها وركزت على التخصص اللي مكتوب بالعربي ليه ؟؟
¨°o.O( NOHA )O.o°¨
July 3rd, 2010, 04:21 PM
7 "
 المشاركة الأصلية كتبت بواسطة ¨°o.O( NOHA )O.o°¨

عدلت التخصص وصار بدون ماستر

قصدي بياناتي المدينة / الولاية / الجامعة << ما جبت خبرها وركزت على التخصص اللي مكتوب بالعربي ليه ؟؟

مبروك
يعني لازم أركز على المدينة و الولاية و الجامعة عشان أكون بنظرك كويس في اللغة الإنجليزية ؟؟؟
أبوووو تفكيرك يا شيخة أقول يرحم أومك من بكرة تحجزين على أقرب طيارة إلى السعودية حراااااام فيك الأبتعاث خخخخخخ
Eng.Abdullah
July 3rd, 2010, 05:04 PM
7 "