خجلي ذااابحني

و عليكم السلام و رحمة الله

صباح الخير



بقول لك شي أختي نوف

أنا لسة ما ابتعثت ، بس مريت بنفس هالتجربة تقريبا و هي مواجهة عدد من الطلاب ..

في المستوى السابع لي ، كان عندي مادة مناهج و طرق التدريس

خلال هذي المادة كان مطلوب مني تقديم درس للطالبات إلي معاي بالكلاس ،

الدرس نقدمه نهاية الترم ، كنت طول الترم ماشية تمام ، و علاقتي مع الطالبات تمام

و مافي بينا خجل ، بالرغم من ذلك كنت خجلانة و قلقة من فكرة تقديم درس على صاحباتي

و قدام الدكتورة و راح تقيمني على كل شي !!

طبعا جبت العيد وقتها ، و تهزأت تهزيئة محترمة ، و طلعت مغبونة من القاعة

و دقيتها طول اليوم صياح و كئابة ههه .

و شلون بعدين في التدريب راح أكون مدرسة و أدرس طالبات ، و أنا استحي

و هيأتي صغيرة ، و صوتي ما يساعد ، و كثير أسئلة ..


بس وقت التدريب ، بعد أكثر من درس و أكثر من فصل درسته

تغلبت على كل مخاوفي ، و كانت مشرفتي تمدح أسلوبي و طريقتي في التعامل مع الطالبات

تشجعت أكثر ، و شرحت مرتين درس كامل لفصل كامل و كنت اسيطر على الفصل كله >> شريرة هههه





أختي إلي ابي اوصله

أن الحين هذي مجرد مخاوف ، و ما تقدري تحكمي بأنك راح تفشلي

قبل التجربة الفعلية ، و التعود على الوضع إلي أنتي فيه ^^

كوني واثقة من النجاح ، و الرغبة القوية في النجاح و الدراسة في الدورات

هي إلي راح تخليكِ غصب عنك تتشجعي

نفس الحال ...

انا بعض الاحيان الكلام اتلعثم فيه والخبط الدنيا ... وانا مشكلتي كمان لمن اكون مجتمعه مع مجموعه كبيره تشوفيني ساكته

ولا اشاركهم ... صراحه مررره هذي الخصله مو عاجبتني بنفسي ودي اتحرر واتكلم بس لا تلاقيني اغلب الوقت ساكته

اوكيه ما اختلفنا انو الكلام الكثير مو حلو وافضل الوحده تكون كلامها قليل بس انا كلامي اقل من القليل ...

وخايفه من البعثة من ذي الناحيه اش بسوي وانا كذا ودي اتخلص من ذي السلبيه

حتى خايفه من انو اتوظف وتعرفون في الوظيفه لازم تكوني لسانك طلق وتشاركيهم والا مايحبوك ولا يتحمسون للشغل معك

استغفر الله ...

كلنا خجولات لكن لازم الجراه عشان نجيب الشهاده
وانا بقدم على معهد نسائي بيكون اخف بكثير من الاختلاط
وانتي باي ولاية ومدينة

أنا كمان نفس الشي كنت أكره البرزنتيشنز مرررررره أيام البكالوريوس بس بحكم اني لغه انجليزيه فمتعوده عليه بس والله اني طووول الخمس سنوات اللي قضيتها في الجامعه كل ترم اقل شي اسوي ٢ او ٣ برزنتيشنز بس للحين رهبته ماراحت من قلبي احس بخوف وربكه من مواجهه البنات فمابالك اذا فيه عيال بعد يووووووه الله يعين بس اللي يعني ساعدني شوي فتره التطبيق كانت حلوه وحسيت قوت شخصيتي مرررره.

الله يسعد قلبكم يااحلوووين ماقصرتوا أبدا انا عارفه الخجل ماراح يتغير بسهووله بس لااا وقت الجمعات الأجتماعيه ماعندي مشكله بس تجييييييييني في اوقات الحاااااااااجه اللي مفروض اكون جرييئه فيهاا(( مثل ماقلت لكم الدراسة بالغربه اكيد راح يصير فيه مناقاشات هنا انا مافكرت باللغه اني مااعرف ومادري وشلون لانهم عارفين انا لييه داخلة معهد اللغه الا اني أبي اتعلم اللغه وانا ماتقنها مرره اكيد هم عارفين النقطه هذي.. واتعلم اشياء كثيرر بس اعرف نفسي وقت المناقاشات والبرزنتيشن بعفس الدنيا عفيس احس يابنات خجلي بيلازمني بدراستي بتكون مشكله بالنسبه لي وشلون رااح اتعلم كذا؟؟...

..taste of rain ياعمري حزنت عليك بس ماااشاء الله عليييك ابدعتي الله يوفقك وين ماتروحين وتسلميين على كلامك الطييب ...

that me انا كنت مثللك كلامي قللييييل وخجووله حييييل بس سبحان الله تزوجت واااحد ماشاء الله عااائلته كبيرررررررررره والله ياجاتني صدمه اصلا بكيت يوم شفتهم وشلون راح اسوي بس مع الوقت خف خجلي شووووي بس والله ماااودي يكون الشيء هذا فيني وانا بدرس لانها فررصه لي اتعلم اللغه وفرصة الابتعاث ماتجي كل مرره ربك يسهلها يارب..

هههههههههههههههه ،، نوف ضحكتيني بسالفة إن زوجك عائلته كبيره ،، وبكيتي بعد ،، فلم رعب مب عائلة

بعدين البرزينتيشن ماله خص بالجرأة ،، مهما كنت جريئة بعد يخوف >>> أسوي لها فلم رعب

أنا جريئة ومع ذلك البرزنتيشن يكون فيه نوع من القلق ،، مهما كنت خبيرة ،، شي طبيعي

مره دكتورنا في الجامعة الله يذكره بالخير ،، قالت له وحده إنها تخاف من البرزنتيشن ،، قالها شعور طبيعي ،، أنا كل يوم أجيكم للمحاضرة وأول دقيقتين أحس بنوع من القلق وبعدين اندمج في المحاضرة

أنا عن نفسي مأرقتني فكرة الاختلاط ،، خصوصا في أي نشاط يتطلب قروب

والمشكلة إذا ما فيه خليجيات أو عربيات ،، الطالبات من الجنسيات الأخرى ،، أدري فيهم ،، ما يبوني ،، يبون الطلاببس بكون وراهم وبحرجهم ههههههه لين يسون قروب بنات

موفقة أختي

خخخخخخخخ لاتلوميني nobel lady وتسلميين على فيلم الرعب اللي سويتيه لي عن البرزنتيشن خخخخخ....

الخجل<<<<مررررره ماينفع
صديقتي في كندا تورنتو خجوله لكنها تغلبت على خجلها وهي الحين في المستوى الرابع.... الله يوفقها