استفسار هل ينفع صديقتي تكون خادمتي في امريكا ؟؟؟

حياك الله
شوفي عزيزتي الشقق بتكون صغيرة مو مثل احجام منازلنا في السعودية .. والتنظيف ما تحتاجي دايما لأن مو مثلنا ذابحتنا الغبرة.
هنا يكفيك تنظفي من ويك اند للثاني. ومو هذاك التنظيف من قلب يادوب تمسيح بسيط.
والطبخ برضو ماراح تطبخي نفس طبخ السعودية , هنا اغلب وجباتك ووجبات زوجك بتكون برا البيت, ويادوب انتي بتحضري شي خفيف
والحلو انه السوبرماركتات فيها اشياء كثيــــرة سريعة التحضير , مثلا رز ببهاراته وكل شي بس تغلينه وطعمه مثل الكبسة
او مكرونة برضو جاهزة بالصوص وكل حاجة بس تحطيها في موية مغليه 10 دقايق بالكثير وهي جاهزة
غير الشوربات والمعلبات
وفي الويك انك ممكن تطلعوا تاكلوا برا
وان كان عندك وقت فراغ ممكن تسوي اشياء بسيطة مثلا مكرونة صدقية بس تدخلينها الثلاجة تكفيكم 3 ايام.
يعني تمشي بسهووولة لا تخافي.

اما الطفل احسن شي تدخلينه الحضانه عشان يختلط بالاطفال بدل حبسته في البيت , واذا رجعتي بعد دوامك تاخذينه ممكن على الـ 5 او 6 العصر بيكون دايخ من اللعب طول اليوم, بالكثير عالساعة 8 الا هو بسريره
وكوني حازمة مع الاطفال في وقت نومهم, شوفي الامريكيات كيف ما يعرفون الشغالات ومرتاحات بقوة..والسبب كله في التنظيــــــم .. لو نظمتي نوم الطفل ووجباته من البداية ماراح تتعبين..بس احنا العرب نهمل وندلع كثيييير الى مايصير الطفل عنيد وصعب السيطرة .

مع احترامي لأختك سنة كاملة في ليفل ون والله لو انه ايش .. اختك شكلها اهملت بعد الزواج كثير كذا
بس انا اشوف اللي حولي ماشاءالله اللي معاها 3 واللي خمسة
وربي زميلتي اللي معاها 3 درجاتها احسن من درجاتي والله ماشاءالله وهي طالبة ماجستير وتخصصها طبي وصعب.

اما الشغالة مهما قلتي لها الان لما تجي وتشوف بعيونها احتمال كبير تتغير افكار كثيرة في بالها ..وما تضمنين يدخلها الطمع او يلعب عليها احد .. ترا مافي نظام يسمح لك تمنعينها لا من الطلعات ولا انها تكلم وتصاحب وتطلع لوحدها .. واذا صار اي شي لاسمح الله ممكن تشتكي وتقول انها خادمتك حتى لو هي على فيزا سياحية بالعكس هنا بتكون مشكلة اكبر لأنك جايبتها بطريقة مخالفة لقوانين الهجرة. يعني لا تقولي مافي شي يربطني فيها بالعكس ترا الامريكان مو اغبياء ويعرفون انه كللل السعوديين اللي يجون مع خدمهم يدخلونهم على فيزا سياحة وهذي مشكلة بحد ذاتها , غير انهم ماخذين فكرة عنا اننا نستعبد الخدم ولا نعطيهم حقوقهم (حتى لو كانت الشغالة راضية).

هذا رايي والله يسهل لك

والله الفكرة مرره حلوه وعشان خيالي خصب تخيلت الوضع حيكون مرتب وانتي حتنبسطي لان فيه احد يونسك
لكن بالنسبة للقانون مااعرف ااكيد في طريقة لدخولها وتكون نظامية ميه

في نقظة مهمة اذا دينها مو قوي فممكن تسبب فساد وانتي ممكن تضرري كتير

شوفي بكلمك كانك اختي واحنا إخوان في الله اقول اها بس وش اللي شعابه وهباله


بقولك شي ما راح تصدقينه من جد راح تنهبلين


فيه عندنا حرمه جايه بدون زوجها عندها واحده عمره ثلا سنوات والثاني خمس سنوات

وعندها بنت عمرها سبع سنوات. وولد عمره 17 هو المحرم ومستاجره بيت وتسوق وتودي عيالها وتجيبهم وتطبخلهم ومتفوقه لدرجة خياليه ما شا الله عليها الله يوفقها هالحرمه هذي تسوق وهي متنقبه الله يخليلها عيالها يارب. اااااه بس لولا الحيا كان حبيت راسها

نسيت أقولك خلصت اللغه في خمس شهور وايضا الماستر خلصته في سيميسترين

لوووسي >> أفكارك حلوه وراح اعتمد عليها إنشاء الله .... وفعلاً شكلي ببطل الشغالة .... اهم شئ فيه كبسه معلبه والحضانة تمسك العيال لين الساعة 5أو 6 حلو مره انا كنت احسب الساعة 3 بالكثير يطلعون ....أشكرك عشان وضحتي لي صورة المعيشه .

Lavie>> خيالي خصب مثلك عشان كذا جتني فكرة الشغالة ومن ناحية دينها تمام بس ماهي مطوعه لك عليها كم ملاحظة "تحب الفلة والرقص"


Mohammed>> الحرمه اللي تتكلم عنها وأنا اختك عيالها كبار ما يتعبونها يعنى اصغر واحد فيهم مستحيل يبكي عشان أمه تنام معاه ومن ناحية الدراسة في أستراليا مدتها اقل من امريكا ومن ناحية تسوق السيارة و شيالية مسؤولية البيت وكان إحترامك لها كبير من خلال كلامك ....أتمنى اقدر اكون مثلها إن شاء الله .. والله إحنا السعوديات قدعات وقت الشده... واشكر على الرد ولك مني هذا
السؤال الخارج عن الموضوع >>>>>>هل تؤيد قيادة المرأة للسيارة في المملكة ؟ ولماذا ؟ وهل راح تحترمها ؟

لووووووووووووووول دخلتي موضوع في موضوع خخخ


صراحه اعجبتني الفكرة في حالة مافيها ضرر مرره

اختي والله فيها مشاكل ومخاطره

يعني شوفي مشكله حميدان التركي ،،، كيف دخلو عليه عن طريق الخدامه ،،، وتري الامريكان متشددين من ناحيه الخدم

يعني بعدي عن المشاكل احسن لك

انتي ممكن تكوني ضامنتها ،،، بس تضمنين انه ما تلقى جاليه حبشيه ويغرونها بالجنسيه وانها تشتكي عليك علشان تاخذ منك تعويض !!

علشان كذا انا رايي انك تتركينها

وعيالك دخليهم حضانه واصلا ماراح يرجعون الا سته وانتي ممكن تخلصين قبلهم اغلب المعاهد تخلص ٣ عندك ثلاث ساعات خلصي واجباتك ،،،ولما يجون بس يدوب عشيهم ولبسيهم ونوميهم علي الساعه ٨ وانتي بعدها افضي لنفسك وكملي واجباتك او سوي اي شي لنفسك وترا والله الوضع سهالات بس احنا مروعبين من سالفه نعيش من غير شغالات ،،،،بالعكس هذي فرصه نجرب ستايل غير في حياتنا ونعتمد علي انفسنا اكثر

انا تخيلتك زي اختي وانتي فعلا اختي في الله وقلت رايي بصراحه

يا سلام ياسلام...انتي مره عاد جايبتها مفصله للآمريكان ههههه. ما تتوبون من سالفه حميدان؟ بكره يقولون جايبتها خادمه ولا بعد ما تعطيها ولا ريال ولا فيه عقد ومتلاعبه على النظام. عاد روحي اشرحي لهم انها وحده من العائله وانها زي اختي وفله...الخ.


يحليلكم بس ياالبنات يحبكم للخدامات مبسوطين اوي من الفكره وكل وحده تطبل للثانيه

لا تقولين اضمنها في جيبي

اللي يجي امريكا تنقلب موازينه فما بالك بعامله حبشيه ؟؟

اختي ما انصحك ولا ايد فكرتك ابدا .. حاولي تلاقين بديل افضل

موفقه