استفسار هل ينفع صديقتي تكون خادمتي في امريكا ؟؟؟

آآآه ذكرتيني بشغالتنا الحبشية من جد مخلصه وعزيزة وغالية

يوم سافرت بكيت عليها مررره ماكان ودي انها تروح جلست عندنا سنتين كانت تساعدني بحل واجب الانجليزي ههههههه

ماكان ودها تسافر بس راحت بلدها واخذت عيالها ( ولدين ) وهاجرت على كندا مع زوجها وعيالها الله ييسر لهم

والله فكرتك حلوة وتجي ليش لا .. ما دام انها بتطلع لها فيزا وتدخل امريكا بشكل رسمي عادي مافيها مشاكل

استخيري الله يوفقك يارب

والله يوفقك حبيبتي .... على مرورك وردك اللي يبرد القلب ....وعلى قولتك حاسة إن كل شئ بطريقة رسمية بس ما ادري ليش خايفة ومتردده ...تظنين في مخالفه اوشئ ما ادري عنه اوتلاعب على القانون ؟؟ ترى ماني قد المحاكم والسجون
بس زي ماقلت لكم الراي رايكم وبناءً عليه اقرر > > >
وفي إنتظار ردود باقي الحبايب الله لا يحرمنى منكم

اتوقع انها فكره حلوه دام الموضوع رسمي يعني فين المشكله
الله ييسر لنا جميعا حبيبتي اتوكلي على الله وخذيها بس افضل لك تسألي احد عنده خبره في هالمجال

Haifa5999
يعنى انت معنا بتشوفين الفكره حلوه >>> رفعتي من معنويات الله يرفع من قدرك عند كل خلقه
كلها كم رأي إن شاء الله واعتمد الموضوع
الله يسعدك طمنتيني

ويسعدك حبيبتي ومشكوره ع الدعوه اللي تفتح النفس وان شا الله ربي ييسر لك امورك حبيبتي وما يكون فيه اي اشكال وبالتوفيق
والله يعينا على معاناتنا مع الدراسه والاولاد ويعظم الاجر بس

طيب على اي فيزا راح تجي ؟ فيزا سياحة لازم تطلع من البلد اذا انتهت الاقامة بين فترة وفترة.

اذا احد عرف انها خادمة بتوقعي في مشاكل نوع الفيزا (لازم تكون فيزا عمل). ومشاكل الراتب لأن في امريكا محدد حد ادنى لرواتب العمال . وساعات عمل معينة . وبتكوني مخالفة للقوانين

ممكن تكوني وااااثقة فيها جدا بس اذا شافت بعينها الحرية والانفتاح والفلوس ممكن تطمع والبني ادم طبعه طماع مايملى عينه الا الترااب وما ينضمن.

انصحك تكنسلي الفكرة . وترا برا ما تحتاجي شغالة

راح تدخلين في دوامه لازم عقد عمل وممكن تتغير غليك في امريكا ورايي غيري هالفكره

لوووسي حبيبتى إذا انا ما احتاج شغاله افيدينى بخبرتك كيف انظم وقتي ؟؟ أخاف اكنسل الفكره واندم هناك ؟
تصدقين يوم اجي من الدوام ومكلفة بكم شغلة اسويها ! مايخلوني عيالي الله يحفظهم لاصقين فيني لصقة وخاصة ابو ثلاث سنوات يقول ابغى اكتب معك ابغى اشوف الكتاب معك وابو سنة ونص يرمي اي شئ بيدي ويتسدح بحضني وانا ترى قلبي حساس اطيعهم علماً ان الشغلة احياناَ تحتاج ساعة بس ؟ لكن ماقدر معهم أسويها؟؟
لازم اغير نفسي وماعاد أعطيهم وجه بس كيف ؟
واكثر شئ مخوفني اختي لها سنه في البعثة ولازالت في لفل ون عشان بنتها مأذيتها في الدراسة هذا واختي من النوع الدافور في الدراسه حريقة ماعندها لف ودوران ومع كذا تشتكي من بنتها ماخلتها تذاكر وشكلها بترجع بنتها عند اهلي ؟
وتعرفين انا بعثتي موظف حكومي يعنى لو ما مشيتي تمام في الدراسة تلزمين بدفع ماصرف عليك في البعثة !
وهذا من شروط إبتعث الموظفين ؟ ماعندنا لعب هههههههههه
ولو جتني الشغالة راح تكون على فيزا سياحي وتجدد كل سته شهور وكندا جنبنا نطلع بها مشوار نجددها ونرجع ؟ بس بكم التجديد؟؟
وبعدين فيزا العمل صعبة وتدخل في مشاكل عشان كذا اختر فيزتها سياحي>>وهذي لو حسيت اي مشكلة معاها مايربطني فيها شئ ماني كفيلتها وهي تعرف القانون هناك مايلزمني معاها بأي شئ تبغى تمشي مع السلامة...؟
وبعدين هي تعرف الرواتب هناك واتفقت معها على الفين بالشهر ريال وهي موافقه وكان من ضمن الإتفاقية فيزتها عليها والتجديد علي انا
وبعدين هي حبشية يخافون على نفسهم مررررره فين بتروح تشتغل ؟ يعنى بتخاف من المغامرات وماراح تورط نفسها ؟؟؟
وبعدين انا وهي زي الأخوات إن شاء الله تكون عند الثقة اللي اعطيتها .
والنسبة للطمع سديت شهيتها كيف؟ من شروط الحصول على الجنسية الأمريكية الإقامة سنتين ونص
وعلى هذا الأساس قلت لها بعد ما أخلص دراستي روحي اطلبي جنسية وخليك عندهم ؟؟ ومن ناحية الحرية شقتنا راح تكون قدام شقة اخوي وزوجته
وانا وهي واولادي في شقة لحالنا وانا بعطيها الحرية في لبسها وفي كل شئ إلا الخروج لازم نكون مع بعض ؟؟

والف شكر لكي لوووسي وعلى إثراء الموضوع برأيكم ولاتنسون تفيديوني (كيف انظم وقتي وما احتاج شغاله من تجربة زميلاتك ...الصراحة أعطيتني امل اعتمد على نفسي )
وايش رأيكم يابنات
صار عندنا صوتين معارضه وصوتين مؤيده ...في إنتظار ردودكم

شكراً لك يـ fahad وإيش قصدك بدوامة يعنى ممكن تحقق معي الشرطة ليش هذي الآدمية معاك ؟ بقول صديقتي
وبعدين انا خوفتها قلت لها لو احد يدري انك تشتغلين عندي بيسجنونك مؤبد وخافت