مساعدة هل بسبب الابتعاث سأفـقـد أختي للأبد حقا ً؟

يااااااه !!!!
يعني الصياعه في امريكا بس !!
والله صارت في كلللل شي جوال نت مسنجر فيس بوك سوق تلفون
زي تغميضة العين بسرعه تقدر الوحده تلاقي الصياعه والضياع واللعب
وان شا الله اذا اختك ماهي حقت الخرابيط ولاتعممون عل البنات

الله يستر علينا فوق الارض وتحت الارض ويوم العرض

اخي الكريم
احيي فيك حرصك و محبتك لاختك

لكن شوف بالنسبه للردود اللي ذكرتها تراها اراء شخصية من الناس لا اكثر ولا اقل """ ابدا ترى ما هي مقياس ""
واشوف انو اختك لازم تروح البعثة اذا جاها قبول عشان تدرس وتبنيلها مستقبل
""" احنا مشكلتنا في السعودية انو البنت مالها الا الزواج و اذا ما تزوجت تموت وهي حية """
وكمان اذا راحت تدرس بتعتمد عاى نفسها 100 % من جميع النواحي

وان كان على المحرم مو مشكلة الله يهدية اخوك الكبير ترى لمن يطلع ترى اكيدد بيحس بالمسؤلية
وانت شد حيلك واول ما تاخذ الثانوي تروح وتدرس معاها
بالتوفيق

سبحان الله قصتك نفس قصة بنت خالي
احنا مانعرف اختك انت اعرف فيها اذا كانت عاقله ومتزنه وتعرف الصح او الغلط
وطبعا مايخلو هناك من اختلاط وصداقه لكن كل انسانه واحترامها لنفسها الناس بيعاملونها باحترامها
طيب ليش يروح معها واحد مو قد مسئولية اختك ليش انت ماتروح معها
او امك او ابوك
احسن لكم
وصدقني اذا راحت هي هناك بتكون حريصه على نفسها اكثر لانه حست بمسئوليه كبيره
انا بنت خالي رفض اخوها الكبير تروح ولكن ابوها راح معها وشاف الوضع
وانت لاتخاف بس من الشباب حتى الصديقات
لكن صدقني اذا هي تبي الغلط بتسويه واذا ماتبي الغلط ماراح تسويه ولاراح احد يجبرها تسويه
ولازم تدرس الموضوع

كم هو غريب عنوان موضوعك !!

لماذا تنظر الى الجانب السلبي يا اخي .. كل انسان يتعامل بما نشأ عليه سواء كان المجتمع من حوله ملائكيا او شيطانيا ..

هناك توجد القوانين واحترام لعقائد الناس ربما بشكل اكبر مما يوجد في بلادنا .. ولكن رقابة الانسان لنفسه هو حصنه الوحيد ..

والامثلة التي ذكرتها لاتعبر الا عن رأي اصحابها .. وليس مقياسا للجميع .

وهناك كثير من المبتعثين اللذين قدموا صورة مشرفة عن بلادهم .

الله يحفظ اختك واخوك و يكفيهم ويحميهم من شر الاشرار .

بالتوفيق و في امان الله

هلا اخوي...ماشاءالله اهنئك على حرصك على اختك. اول شي اخوي الحافظ الله...والي كاتبه بعض الردود المقتبسه هي نفسها ماعندها كنترول على نفسها سواء هنا او برآ. الشعب الامريكي على فكره غير صحيح انه تتشي بالعكس يقدرو مسآله البرسونال سبيس وانه كل شخص ما يتعدى حدوده...صحيح انه شبابهم والاجانب بشكل عام يصير مزعج جدا وملح (على عكس الصورة الوردية الي يعتقدها بعض بناتنا للاسف) الا انه ما يتمادى الى بعد ما تتهاون البنت وترسل اشارات غير مباشرة بآنها متقبله الفكرة. انا اعتقد ان البنت القياديه الي عقليتها مو ساذجه بتعرف بأذن الله تستفيد من وقتها في الغربة بأفضل شكل ممكن...والحال ينطبق على بعض الشباب. اختك رايحة في طلب علم وانت شد حيلك علشان تروح اذا خلصت الثانوي. ما تدري اصلا يمكن اختك تكون سبب في ان اخوك المرافق يتغير للأفضل ان شاء الله.

ماعليك من هالاراء

عقليات متخلفه ونظرتها سطحيه

وغير غياب الوزاع الديني

في رد قال لك

هالايام الي تبي تحب وتعجب باحد ماتحتاج تسافر برا

والي ماسوته بالبلد ماراح تسويه برا

وهي رغبتها ابتعاث يعني رغبتها دراسه صدقني مايشغل بالها هالامور


والكلام كله ماعليك منه

يمكن نظره مايصير شي بس اعجاب افهمها بس تصير اعجاب حتى بواحد بالتلفزيون او واحد بالشارع

اشكركم على مروركم

وبالنسبه للردود اللي اقتبستها من الاخوات هي ليست اراء متخلفه او ماشابه
هي رؤيتهم لبعض مايحصل .. فأرجو ما تتهموهم بسوء الرأي


اشكركم مره اخرى على ردودكم لكن يا اخواتي انا عارف ان الوازع الديني اهم شيء
وان كل واحده على حسب تربيتها .. لكن الوضع مختلف حين تدرس في مكان مختلط ولسنوات عديدة كفيلة بتغيير مجرى حياتها التربويه بالكامل !!

فأتمنى إجابة على سؤالي من خلال تجربة .. او معرفه حقيقيه

اعذروني على بجاحتي .. لا أحتاج المواعظ والتبريرات
كل ما احتاجه هو الإجابة على سؤالي "هل حقا ًيحصل ما أسمع عنه واقرأه في حال الفتيات المبتعثات؟"