اول الاسابيع بالغربه المشاعر و الاحاسيس و البكاء والوحدة

يعطيك العافيه ابا عوف كلام رائع جدا..

مرحبـــــا
كيفكــم بنات؟
امممم انا قريب أكمل سنه من جيت امريكا
أول ماقدمت ع البعثه كنت بطيرر من الفرررحه انو بكمل دراسه بس هالشي تغير قبل السفر بكم ساعه
وحنا رايحين المطار وانا مع الماما والبابا كانوا يتكلموا في السياره وانا ساكته ودموعي تنزل
وفي الطياره قالبه أخلاقي بس لمن وصلنا رجعت الإبتسامه اعتبرتها كانها سفره اول يومين
لكن لمن رحت الولايه اللي بدرس فيها عرفت انو السالفه جد ووووابتدت حلقات الدمووع كنت اكلم أهلي وابكي..مع انو المفروض ماسوي هالشي لانو كانو مره متضايقين علشاني
من تبدا المعهد يبتدي التفكير ..بقدر اتعلم انجليزي والا لا ؟بقدر اجيب قبول جامعه والا لا ؟
هالشي يأثر كثيررر والسبب الملحقيه أحسها تضغط علينا وتقفلها بوجوهنا وهي تقفل الجامعات الللي قبولها سهل
حاولت انقل من المعهد ورفضوا مع انو هم اللي حطوني في هالمعهد التجاري
لكن أرجع وأقوول خيرررره
قربت أكملـ سنهـ بدون قبول فبدأ يرجع احساس القلق
الأيام هنا تمشي بسررررعه ماحس انو صار ليي سنه..علشان كذا الواحد لازم يستغل الوقت.
ماشتقتـ لولا شي غير لأهليـ
تعودت ع الحياهـ هنا تروحي وتطلعين وتجين محد يطالع فيك ولا أحد يكلمك..حرريه وحياه سهله
بس انتظررر احصل قبوول وارجع لاهليـ اجازه لانو ماخذت اجازه أبد
بنات اللي بدوا جامعه .. كيف تغير عليكم الوضع يعني من المعهد الى الجامعه ؟؟ صعبه كثير ؟
أحس لو أحصل قبول وارجع السعوديه وتالي ارجع الجامعه بيرجع إحساسي بالغربه من أول وجديد
بالتووفيق للي بيجون امريكا ووالى اللي ينتظرون قبولات جامعه وللجمييييع

انا بصراحة انسانة ايجابية جدا
احب المغامرات والسفر واحب اكتشف كل شيء جديد
واتعرف على الحضارات والثقافات الثانية
لكذا احلم ببعثة
لانه تقرب الانسان من ذاته اكثر .. وتخلي الشخص يكون معتمد على نفسه في كل شيء
:
وانا متحمسة اقدم في المرحلة الثامنة وان شاء الله انقبل
بس احس معنوياتي هبطت شوي وخفت لما قريت بعض الردود

الأشتيـآق صعب

لكن كوني قد التحدي ـآ

وقوي قلبك

السلام عليكم ورحمة الله وبركاته
اختي سما الصراحه موضوعك ممتاز جدا لانه يمس اي مغترب سواء للدراسه او للعمل اوغيره لكن اود ان اقولك ان الغربه بها فوائد لا يعلم بها الا الله اذا استثمرت بشكل صحيح وهي كثيره جدا وسأنقل لكي اهمها :
1 – استجابة الدعوة: لقول رسول الله صلى الله عليه وسلم : « ثَلَاثُ دَعَوَاتٍ مُسْتَجَابَاتٌ لا شَكَّ فِيهِنَّ دَعْوَةُ الْمَظْلُومِ وَدَعْوَةُ الْمُسَافِرِ وَدَعْوَةُ الْوَالِدِ عَلَى وَلَدِهِ » 2- تجعل أهلك وأصحابك ينسون زلاتك ويذكروك مع تنهيدة شوق 3- تجعل قلبك ارق لأهلك الذين ربما كنت قاسٍ معهم 4- رفع الإنسان نفسه من الذل، إذا كان بين قوم لئام 5- انفراج الهم والغم لانه من المعروف ان ملازمة المكان الواحد او الاكل الواحد يصيب بالملل فتنتابه الرغبه فالتجديد 6- وهي الاهم بالنسبة لي هي الخلوه مع الله عز وجل والتقرب له .
اخيرا اختم بدعاء للشيخ صالح المغامسي لمن يحس بالغربه والوحشه وهو (( اللهم لا تجعلني بدار مضيعه )).

سأضرب في طول البلاد وعرضها انال مرادي او اموت غريبا
فإن تلفت نفسي فلله درها وإن سلمت كان الرجوع قريبا

وفق الله الجميع لما يحب ويرضاه

أنا بعد تقريبا خمس شهور بعثتي .. احسني وسط مرة فرحانة ومرة خايفة .. لكن ردودكم بعد ما قرأتها حسيتني خفت!
الله يسهل علينا وعليكم

انا بدوله عربيه وتقريبا اول ثلاث اياام كانو امي وابوي معي بس اول ماتركوني اهلي بالسكن وراحو حسيت جاء وقت الجد ولازم اعتمد ع نفسي لان انا تقريبا من النوع الأتكالي يعني صراحه ماحسيت بذاك الغربه بس انصدمت من المكان شويه والجامعه اللي انا فيها توقعت شي وجيت شفت شي اسوأ بس صراحة مرات تجيك اياام مره كآآبه مالك خلق ومالك الا الصياح الله يعدي السنين بسرعه واشوف نفسي متخرجه..

انا اول مره طبعا طفشت شهرين لاصاحبه ومليت جلوس البيت بعدين تعرفت على وحدة وصرنا ندرس وزاد الملل والطفش وحسيت نفسي خلااااص موطايقه شي ينفجر اي كلمه اي تصرف ابكي اقل من الطفل هههه وبعد سنه ولله الحمد تعودت السنه الثانيه صرت اتاقلم واقنع نفسي بالغربة ومن الامور لين عدت ولله الحمد الله يوفقنا جميعا

الله يسهل عليكم ويوفقكم بالدراسه يااااااارب

دعواتكم لي بالابتعاث