لحريفات الطبخ... ( ياحظ زوجها)

هالمره بكتب لك اكله عن المكرونه بما ان الباستا اكلتي المفضله مهما كانت الطريقه المطبوخه و احب اجرب ^_^
كذا طريقه عندي للمكرونه بس بذكر لك طريقه المعكرونه بالدجاج ...
طبعا كالعاده راح ابدا بالمقادير ::
كيس المعكرونه + ابريق ماي + ملعقتين صغار ملح خشن او ناعم
دجاجة كاملة مقطعه الى قطع متوسطة الحجم
بصله متوسطه الحجم او بصلتين العدد ع حسب الرغبه + ثوم ع حسب الرغبه
2-3 طماطم + 1 و نصف ماجي ( اذا كنت تحب الملح لازم تحاول تعادل بين المعكرونه اثناء السلق عند اضافه الملح و الصلصه اللي بنسويها ) ^_^ + بهارات + رشه من الفلفل الاسود + رشة من الليمون الاسود المطحون ( لا تكثر منه)
معجون طماطم + زيت نباتي + فلفل اخضر (فليفله) + ماي ساخن
الطريقهـ:::
1) يقطع الدجاج الى قطع متوسطة الحجم و تُزال قطع الشحم الزائده ثم يُغسل الدجاج جيداً ثم يوضع في طنجره ع النار و تُحمس القطع مع قليل من الزيت و تغطى الطنجره مع التقليب حتى ينقلب لون الدجاج الى اللون الابيض.... طبعا النار عاليه بس اذا حسيت انه الدجاج بيحترق خفض ع النار شوي..^_^

2) يضاف البصل بعد تعطيعه الى الدجاج و يتم تقليبه حتى ينقلب لونه الى اللون الذهبي الاشقر ثم يضاف الطماطم بعد تقطيعه الى البصل و يتم تحريكه و تقليبه و يتم اضافه حبات الماجي و من ثم البهارات و رشة من الفلفل الاسود و ايضا رشه من الليمون الاسود ...و يقلب الخليط ...ثم تُقطع الفليفله قطع صغيره او كبيرة ع حسب الرغبه ...و يتم اضافه ماء ساخن ربع الطنجره تقريبا ...

3) في هذه الاثناء تُغطى الطنجره عشان يبدا الدجاج يستوي ...نخليه و نروح اخذين ماي في طنجره ثانيه عشان نسلق المعكرونه ...
طبعا نصب ماي ع حسب كمية المعكرونه و نحط فيه الملح و ملعقه اكل زيت و نتركه لين يغلي ثم نضيف المعكرونه للماي ..لين يستوي و يصير ناضج مو حاول انه ما يستوي كثير عشان ما يتعجن ...^_^

4) بعد ما يستوي يتصفيه من الماي و يتضيفه للصلصه بعد ما ينشف الماي و يصير فيه سوب خفيف مع الصلصه يعني ما تكون ناشفه كثير ...و تضيف المعكرونه لها و تبدا بالتقلييييييييييييييييب لين تشوف لونها اللون الذهبي المحمر و تشم ذيك الريحه اللي ودك تاكلها وهي بالطنجره حتى هههههههههههههه ...و طبعا اذا بغيت تضيف اي اضافات من عندك تقدر ..مثل الجبن تقدر تضيف قطع جبن المربعات تقطعها و تقلب فيه المعكرونه او حتى جبن البيتزا وبتصير الذ و الذ ^_^

بعد كذا خلها تطبخ خمس دقايق ..ع حسب احتمالكـ و بالهنا و الشفااااااااااااااااء ...بالعافيهـ ^_^ اتمنى اعجبتك الاكلهـ