لحريفات الطبخ... ( ياحظ زوجها)

يعني الناس قاعدة تجمع كتب وتراجم وقواميس عشان العلم وانت تدور بطنك؟

يلا ولاتزعل حاتبرعلك بوصفة بس على شرط كل ماتسويها تدعيلي بالخير (طبعا)
اتخيلك ههههههههههه تقول لاصحابك هذة الاكلة اسمها ديني دنيتي هههههههه
هوا على فكرة احد طلعك من السجن؟ (حتتشوة سمعتك ويشردو ستات البيوت وماعاد احد يعبرك) هههههههههههه


المهم طبعا حقوق الاكلة دي محفوظة لية وما اسامح احد يعملها اوينشرها الا ويدعيلي ههههه مصدقة نفسي
المهم


شكلكم تقولو ايش الوصفة خليصينا
طبعا الحلو فيها انها تاخذ من وقتك بس ربع ساعة (اذا انت شاطر بالتقطيع)
المقادير
2صدر دجاج مقطعة مكعبات
ابصل مفروم
ثوم اذا تحبة بس قليل يعني على الكمية دي 2 فص ثوم
2فلفل رومي مقطع
ملح وفلفل اسود
امكعب ماجي
2حبة قرنفل (تعرفة)؟
الطريقة3 رشات زيت (عشان لاتسمن وتروح تدعي عليا)
وبعدين تحط البصل لمن تشوف لونة سار كدة صار على pink وردي تحط الثوم اذا استعملتة
وتحط الدجاج وقلبة الا ان تحس ان الموية الي تخرج من الدجاج بدات تقل وبعدين تحط الفلفل الرومي وباقي المقادير وتقلبهم وتحط فنجان صغير ماء مغلي وتتركم على نار هادية مدة ربع ساعة وبعدين كل صوابعك
وربي تعبت بس اكتر من كدة توضيح مافي؟
يلا حبيت اكسب فيك اجر ولاتنساني من صالح دعاءك

اول زواجي قعد ثلاث شهور مسويه فيها البنت الدلوعه اللي ماتعرف تطبخ ولاعمرها دخلت مطبخ

واكلي كله من برا

بس بعدين خلاص طقيت
قلت مافيها يابنت فسرت عن ذرعاني ودخلت المطبخ


المتفاءلة يسعدني انك تشاركيني في الردود على المعازيم وتاخذي وتعطي معاهم
وتخلي البساط احمدي


لوووووووووووول انت اطلع منها بس

مسالة انو البصل صار لونه بينك هاذي ابيكي تفهميني اياها

انا اعرف انو ابيض بعدين على اصفر بعدين على بني وبعدين يوصل لمرحله انو ينحرق ويصير اسود بس بينك هاذي مامرت علي ؟؟؟؟؟؟؟؟؟

على فكره جد جريبه جيده ترا

وكمان فيه خلطه رايقه
تجيبي مكرونه فوتشيني او عاديه وتسليقيها

وبعد ماتنسلق حطيها بزبديه وحطي ملعقة مايو وملعقه جبنه سايله وقشطه

واخلطيها

سهله وعليها طعم
مممممممممم
زي الفوتشيني الفريدو

واذا تبغي تحطي دجاج يطلع رايق بعد

اكتبها عمروووو

ديني دنيتي
اهلين وسهلين
الموضوع مدام انه متعلق في البعثة والتفوق الدراسي ... اجل مايقل اهمية عن غيره

اذا على السجن .... الصراحة لين دحين مسجون ومني لاقي احد يكفلني ويطلعني

ومشكورة على الاكلة اللزوزة دي

الله يسعدك ويسعد زوجك فيكي

بس ايش دا !!!! الاكلة مرة دسمة ... كلها مايو وجبنة سايلة وقشطة ؟؟؟

وبعدين انا جسمي رياضي.... الاشياء دي ممكن مرة تسمني

انا حاكتبها اوكي بس اخليها في الطبخات المؤجلة

يابنت لايكون تاكلي زوجك بصل محروق ههههههه امزح معاكي
الاكلة دي عزيزتي لازم تكون على نار هادية يعني اول ماتحطي البصل على الزيت والنار هادية بيتحول لونة من لون البصل الشفاف بعدين يصير وردي وعلى طول بعدها يصير اصفر لوتركتية
فغالبا الدجاج وان كان منظف من الشحم اوحتى صدور اذا حطيتية على البصل قبل ماتنشف موية البصل يصير البصل يمتص زفرة الدجاج اما اذا صفر البصل يعني يكون خلاص نشفت مويتة وتروح منه خاصية سحب الزفرة من الدجاج وهادي تكون للارزاز لانو اوريدي راح تقعد الدجاجة فترة طويلة على النار عكس الاكلة السريعة دي
وحاجة تانية
(الله يعينو عمرو تلاقية قال والله الدراسة اهون من الطبخ ايش تحسب الشغلة هينة , الطبخ ياولدي نفس ا الصراحة يا الواحد ياكل اكلة على اصولها يابلاش)
في بعض الاكلات وغالبا الي بتتكون من المكرونة يفضل تحطي

البهارات على البصل وهوة في مرحلة البينك هاذي عشان يمتص الهارات قبل ينشف ويوزعها على بلقي المكونات الي تتحط بعدها

وعلى فكرة الاكلة دي لو مافي في كندا عيش حب ههههه حطها في سندوتش مع عصير برتقال ولا اروع تصدقو جعت يميميم هههههههههه

من جد جوووووووووووووووووووع على الصباح هاذي الاكلات يم يم

عمروووووو ترا مو ثقيله
اذا كنت تحب الفوتشيني الالفريدو هي نفس الطعم بالضبط

وشكرا عزيزتي دنيتي الحين اكتشفت متى مرحلة البنك بعد البياض وقبل الصفار
لووووووووووووول

العفو عزيزتي بس يعني ايش لووووووووووووووول دي!