صور حبايب قلبي

يا لببببووووو ع التعامه...

ندى الليل ياقلبي الهامستر مرة مايتعبوا بالعكس
اشتري أنثى"أحلى شي" أو ذكر وخديه صغير عشان يكبر عندك
ماأنصحك تشتري زوج عشان حتتعبي في تربيتهم
طبعا لازم تشتري قفص خاص بالهامستر ويكون مجهز بالبيت حق الهامستر "الهامستر يحب الخصوصية مرة " وعبوة "رضاعة" حقت الموية
وكمان لاتنسي المرجيحة حقتو "دولاب دائري الشكل "عشان يلعب وينبسط ويعمل رياضة
ونشارة خشب عشان تحطيها جوة القفص "زي البطانية عشان يتدفى"
والأكل تبعو هو عبارة عن حبوب دوار الشمس موجودة عند اللي يبيع المكسرات أو من نفس محل الحيوانات
بس أنتي لازم تنوعيلو في الاكل يعني مثلا أكليه خضار " جزر، خس، خيار"
ويموت في الجبنة الصفرة وكمان يحبو الفشار والبسكوت
بس انتبهي لاتحطيلي كل الأشياء هادي مرة وحدة عشان لايسمن ويموت
ولازم تنظفيلو القفص حقو مرة في الأسبوع وتحمميه يعني تروشيه برضو مرة في الأسبوع عشان ينظف وتنشفيه بمنشفة خاصة بيه
وفي حاجة مرة مهمة الهامستر مايحبو الحر ومايحبو أحد يأذيهم وهم نايمين ممكن يعضوا وخصوصا الصغار مرة خوافين انتبهي كمان لا يطيح من يدك وانتي ماسكتوا أطرافهم مرة ضعيفة ممكن يطيح منك على الأرض ويجيلوا "شلل مؤقت" بعيد الشر عننا
هادا كل شي واذا عندك استفسارات أنا حاضرة أختي بس انتي آمري

^
^
أنا اتحمست أشتري واحد


طيب سؤال بيبي دول لو سمحتي :
في طريقة معينة للترويش ؟؟
ولا أحطو تحت البزبوز وأدعكو بكلوركس الين يعترف ؟؟ << ناوي يجنن الهامستر

وسؤال ثاني :
عدد الوجبات في اليوم وكمية الطعام ..

وسؤال ثالث :
الطريقة الصحية لتنظيف بيته ..

معليش سألت كثير


موضوعك جداً رائع

يختي عليهم ياناس حلويييييييييين
خصوصاً ميمي اسم الله عليها

الهمستر من افضل الحيوانات الليفة واذكاها
مو يجي مين يقول باربي لي سحلفة!!

مشكوووووووره افدتيني لازم اخذ خبره قبل ما اشتري لي واتورط ويموت على يدي..
طيب بكم اشتريته ومن وين؟؟
انا مفكره لما اروح الامارات اشتري من هناك بس مدري الاقي عندهم ولالا على الاقل اتسلى فيه..
انا من شاهدت همتاروه وانا مستخفه ابي مثله..
مشكوووره اختي حيييييييييييييل,,

سؤااااااااااال اخر..
الهامستر شنو اصله بالضبط يرجع اصله لشنو؟؟
انا سمعت انه فار او ارنب بري..

أخ سايلنت سكوربين شكرا لمرورك النااااااايس وثانكس على الكومنت وخد راحتك في الأسئلة
بالنسبة لأسألتك :
أولا : تروشهم بواسطة شامبو الشعر "أختار نوع خفيف" زي هيربل اسينسيز
وتجيب طشت وتحط فيه شويه مويه وبعدين تحط الهامستر وبالهداوة تتدعكه بالشامبو والموية الين ماينظف يعني 10 ثواني بس وبعدين على طول تنشفو بمنشفه خاصة برضو بالهداوة أقول كده عشان عارفة الشباب عفشين مررة
تانيا: الأكل تحط وجبة في النهار ووجبة في الليل
تقريبا 8 حبوب دوار شمس وشريحة خيار أو جزر بس صغيرة جدا للوجبة الوحدة
عشان اصحك تتطفح الهامستر بالأكل ولازم تخليه يتمرجح عشان لايسمن ويحافظ على رشاقتو
تالتا : بيتو تنظفه عادي بس اصحك تنظف القفص والهامستر جوه ولا بعدين يغرق ويموت
شوية تايد وتدعك باسفنجة الين ماينظف وتشطفو بموية وتنشفو بعدين تحط النشارة في الأرضية حقت القفص وتغسل ملحقات القفص بنفس الطريقة
انشالله أكون أفدتك

أخت مسافرة ثاااااااااانكس على المروروتسلمي على الكومنت هادا من ذوقك
ومسافرة على فين ؟؟

ندى الليل ياقلبي لاتروحي الامارات ولا حاجة روحي أقرب محل حيوانات عندكم وقوليه أبغى هامستر واذا مافهم قولي همتارو وانشالله رح تلاقيه
أما بخصوص فصيلة الهمستر هي مابين الفأر والأرنب
أعتقد انو حيوان مهجن والله أعلم بس ترى لا تخافي مناعتهم ضعيفة يعني ماينقلو أمراض لاسمح الله

أنا حدي لو ربيت حيوانات اربي سمكه وكمان ماأروح أشتريها مخصوص جاتني هديه في حفلة تخرجي....... وسافرت في الصيف ونسيتها ... لما افتكرت اتصلت على الشغاله ابغى أقولها تنتبهلها
فاجأتني بالخبر الصاعق















ماتت سمكتي

والله زعلت عليها حسيت بتأنيب الضمير مررررررررررررره

...الحيوانات الأخرى أحب اشوفها من بعيد بسسسسس