مسافره لدولة اجنبيه ومحتاره في الملابس ولفات الحجاب تعالي نسوي اكبر تجمع نستفيد منه

بنااات زعلتوني منكم
مااشوف مشاركاتكم ولاشي

مايصير ماتساعدوني

بنزل ليكم صور الملابس اللي اشتريتها اليوم مع الاسعار و وين المكان

بس بشررط لو مالقيت الموضوع مليان ردود ومشاركات منكم مابضيف شي من مشترياتي

مسافرة حلوين ملابس السباحه بس تتوقعي بنقدر نسبح في البحر في جوهم
احسه بااارد هههههههه


المحتاره
مشكوووره على المرور

فتاة عربية لابسة جنز ضييييييق وحجاب
سألوها لييييش تسوي كذا؟؟؟؟؟
قالت ارضي الله وخلقه ههههههههههههه



السلام عليكم ورحمة الله وبركاته
sweet الله يرحم والدينك دنيا وأخره ويوفقك في دنياك وأخرتك ويرجعك من الغربة سالمه وغانمه

خلي الحجاب في حاله
خليه في حاله
بناطلين جنز وحجاب مايوه اسلامي
وتبون تتسبحون بالبرد بعد
س1/ هل هذا هوالحجاب الذي امر به المولى عز وجل ونبيه الكريم؟؟؟
إظهار مفاتن الجسم وتغطية الشعر؟؟

ادري اسلوبي قوي وسامحوني
بس مثل المواضيع هذي ماتنفع فيها المجامله

والله يوفقكم

بنزل ليكم صور الملابس اللي اشتريتها في جولتين

اول جوله لي كانت في مجمع الراشد
بس كنت رايحه ساعتين بالكثير وراجعه

ومااشتريت ملابس مره



اول شي دخلت محل برومود وكان مسوي تخفيض على معظم البضاعه الموجوده وقسم للملابس الجديده

كان فيه تنورات قصيره و طويله و بلايز
بس معظم المعروض عندي يشبهه ومااشتريت الا قطعه وحده

وكان سعرها 59 ريال

وهذي صورتها


بعدها طلعت اتمشى و دخلت مانجو

وكالعاده اول مكان اروح له مكان التخفيضات
وشفت عندهم كم قطعه شتويه صحح

صووووف وثقيله على 80 و 60 ريال
وماتتفوت

اخذت في البداية قطعتين بس رجعت وحده لان موديلها ماطلع حلو علي لان يبغى ليها جسم مليان شوي
ومايحتاج اكتب معاناتي مع الوزن

واخذت الثانيه وللحين متوهقه فيها كيف بركب ليها قطع زياده
وسعرها 60 ريال
واللي تعجبها فيه مثلها لون زيتي عجبني اللون بس عندي اكثر من 3 قطع لونهم اخضر وحابه اغير

وهذي الصوره



وطلعت لزارا

وكان فيه بلايز معروضه شتويه على 30 ريال
قلت باخذهم حتى للبيت موديلهم عادي
واخذت 2 برتقالي و تركوازي

وال2 لي و الى اختي اللي ان شاء الله بتروح وياي وبنجهز سوا لان مقاستنا نفس بعض <<<<<<<احلى شي

بس ماصورتهم

وفي نفس المحل شفت بلوزه مره عجبتني وبتنفععني ان شاء الله
سعرها 39
ولونها بني


وهذي صورتها من قريب

اول شي مشكور على حرصك
و نصايحك

شي ثاني اتمنى انك تكون قرات الموضوع كااامل قبل ماترد

وقلت بعد هالصور لأخذ الافكار فقط
مو علشان نقلدها تقليد اعمى
ونروح نفصل ملابس ضيقه وتكشف الجسم

وغيره
الحجاب و الستر مو مخصص للي تلبس العباءه وبس

يعني اللي تبغى تستتر تعرف كيف
مو شرط تكون لابسه عباءه

اهم شي تكون الملابس ساتره للجسم و ماتبين مفاتنه

وعندي سؤاال
هل كل بنت في السعودية تلبس العباءه وتكون مستتره
ابصم لك بال10 ان من بين كل 10 بنات يكون 5 منهم لابسينها ضيقه و ملفته بشكل مو معقول اببببد


اتمنى كلامي مايزعل احد

واعتقد كل واحد يعرف الشي الحلال والحرام و كل واحد عنده مرجع ديني يقتدي به وبكلامه

وحسب كلام المرجع اللي اقتدي فيه
حرام اني البس شي ملفت سواء في دولة اجنبيه والا دولة عربيه

يعني في السعودية حرام البس مثل هاللبس لانه بيكون ملفت للجميع

وفي الدول الغربية حرام البس العباءة اذا كانت ملفته والكل بينتبه لمروري هناك ولهالسبب ماحققت الهدف من الستر لاني بكون ملفته

وهذي مو اول مره اطلع برى السعودية واشوف

رحت دول برى و شفت كيف ان اللي تلبس العباءه تكون ملفته بشكل ماحد يتصوره لان بتكون وحده من بين كل 30 بنت

ليش الولد اذا طلع برى السعودية مايلبس الثوب ؟؟ وهو حر في لبسه ماعنده حجاب ولا شي ؟
لان كل مكان اله اللبس اللي يناسبه بحدوود الدين


واسفه على كلامي بس هذي قناعة شخصييية

وبعد الموضوع مو للنقاش
ولو حابين نتناقش مو مشكلة نفتح موضوع ثاني

وكل بنت تدخل الموضوع تاخذ اللي يعجبها منه وتترك اللي مايعجبها

السلام عليكم ورحمة الله وبركاته ..
شكرا على الموضوع المهم اختنا الغاليه ..

اذا تبون نصيحه من وحده مغتربه ..خذوها مني ...


الحجاب في اي دوله في العالم مو غريب ..
انا قبل مااجي كنت مثلكم ..حيرانه وش افصل وش البس ..
لون الطرحه ولون البالطوا ....!
ولما سافرت ما ريحني غير العباية واللثمه ..
واقولك الاسباب :
أنتي تبين ترتاحين وانتي تدرسين ..
العبايه الملونه والواسعه ..مريحه لاخر درجه
وفي المشي راح تساعدك كثير..
2-بالنسبه للحجابات اختاروا الخفيف منها وخاصة اذا كنتي راح تتلثمين ..
والبسي من تحتها البندات اللي تكون ماسكة بالرأس ..جربي البندانه قبل ماتشترينها
لأني شريت كثير للاسف وطلعت ماتنفع ابد و اغلبها مايثبت مع الحجاب .
3-حاولي تنسقين الالوان مع بعض ..ودايم الحاجه البسيطه تخليك تطلعين بصوره مرتبه اكثر ..
4- حاولي انك ماتشترين اشياء كثيره لأنك رايحه تدرسين فاغلب الاوقات راح تمشين لمسافات طويه.
5- الاشياء الاساسيه من السعوديه مثل العبايه (حتى لو مانويتي تلبسين عبايه جيبي وحده احتياط )صدقوني راح تحتاجونها ..والاشياء الغير اساسيه مثل الطرح لاتكثرين منها لأن هنا في الوان حلوه طبعا هم يستخدمونها كشال وحنا نستخدمها كحجاب ..
5- بالنسبه للاحذيه ابعدوا عن الكعب نهـــــــــــائيا ..كثير جابوها ولا مره استفادوا منها ..
جزم رياضه وفلات راح تفيدك كثيير .


طبعا انا ركزت على نقطة العبايه لأنها مهمة وتعكس هوية المسلمة فنصيحتي ابد لا تتخلون عنها ..
خليك واثقه من نفسك ..ومثل مايقولون واثق الخطو يمشي ملكا ..تقدرين تفصلين الموديلات اللي تعجبك وبنفس الوقت تحافظ على هويتك ..
(وترى مهما لبستوا ماحد درى عنكم )غير الله ..

أنا لما شفت المسلمات الاجنبيات زال شعوري بأننا اكثر الدول المحافظه على هويتها الاسلاميه ..

اتمنى اني افدتكم ببعض ما لدي ..وبالتوفيق في مشوار التسوق (الممتع )..

مشكووووووووووووووووووورة اختي الوان على النصايح والاسلوب الحلووو
وبالنسبه للبندانات من قبل مااجربها ماكنت مقتنعه فيها بس جربتها في البحرين فادتني واااااااااايد

وريحتني من سالفة ان الحجاب يطيح والا مايثبت
واحلى شي انها تثبت الشعر وماتخليه يطلع