للمبتعثات فقط "محل عبايات خاص للمبتعثات روعه"

هلا اختي suaad

بالنسبه لموقع سوق طيبه هو بين شارع الملك فهد وبين شارع العليا العام قبل نهايته وجنبه سوق العويس وهو سوق مفتوح مو زي المولات مسكره لا مفتوح وهو مشهور بالرياض ومن زمان موجود ولو رحتي بتاكسي او الي معك سأل اي احد عند الاشاره بالرياض دلكم

ارجو اني قدرت افيدك ماقدرت ارسلك خاص لان مشاركاتي ماوصلت للحد المطلوب اختي واتمنى تعذريني اذا تاخرت او قصرت معك

الله يسهل لك امورك

السلام عليكم ورحمة الله وبركاته
مساء الخير اخواتي
اخواتي ليش تتزينون وتتخذون العباية زينة؟؟؟
العباية في الاصل للستر والحشمة لكن مدري وش فيكم!!
ابي مبرر واحد بس ويكون مقنع؟؟
وصدقوني ما قلت هلكلام الا وانا خايف عليكم وضيقة في صدري
احفظ الله يحفظك

مشكورين اخواتي tegen_واشراقة امل :على دعواتكم لي اله يسعدكم يارب

واختي selena كلامك اسعدني واني قدرت اساعدك اختي العزيزه

بالنسبه لاخواتي من جده :اه يادماغي _new: والله مااعرف محل زيه بجده بس الي لااعرفه انه ازم تجون الرياض بعد فتره عشان استلام ورقة قار الابتعاث او لازم تراجعون الوزاره اي غرض فمروا عليه اذا جيتوا او اذا لكم احد هنا او احد بيسافر لكم بهصيف للرياض وصوه والناس لبعض لان اذا احتجتيهم يوم هم بيجي يوم ويحتاجونك اختي ومابتقصرين معهم والله يوفق الجميع

الله يهديك اختي mam_sm

من جاب طاري الزينه الحين؟؟؟ومن قال مانبي الحشمه لو مانبيها ماقعدنا ندورمحل عبايات وندل بعض ولو تروحين المحل بتعرفين انها عبايات محتشمه شوفي السعوديات بالسعوديه الله يهديهم خلو العبايه السوداء مخصره ومطرزه وانواع الاكمام لكن لو رحتي هالمحل مافيه شي من هذا الله يهديك بس
الغرض اننا نبي نحمي انفسنا وازواجنا من اي نظرات ملفته من الغرب ومانبي احد يضرنا والدين حلل هذا الشي وبعدين انا يااختي لما اشوف اي وحده لابسه اسود بره والله انها تلفتني فكيف الغرب والعبايات الي دليت عليها بدال البنات ماتروح تدور اقمشه وتفصل في مشغل ومشاوير وتعب ومصاريف هذا اوفر لها وفيه كل متطلباتها

اختي العزيزه لاتحكمين على اي امور بس من مجرد افكار اتخذتيها او شفتيها الي يشوف كلامك يقول اخذنا احمر واصفر وفسفوري؟؟؟وهي كها عودي ورمادي وزيتي وبني وغيره من الالوان الغامقه واصلا مين قال ان العبايه لازم اسود لان اصل العبايه كانت في الاصل ابيض وبعدين صارت اسود مع الايام بحكم العادات وماهو حرام اذا كانت ملونه غامق وماهي مفصله على الجسم وحجاب ساتر ومافي دليل لا من قران او سنه انه العبايه اسود؟؟؟وانا ماجبت طاري الزينه ولا تخصير ولا غيره على اي اساس بنيتي كلامك

لو تشوفين بعض البنات هنا بدون عبايات واتكلم عن المسلمات او خليجيات وبعض السعوديات تقولين ياليتهم بس يتحجبون او يلبسون واسع بناطيل وقصير استغر الله والدين يسر مو عسر الله يهديك

والواحد مايهب ويدخل عرض بموضوع وهو مو عارف جوانبه لازم يتروا ويشوف وش ابعاده وايجابياته وسلبياته بعدين يحكم اختي لو كل واحد سوا زيك وتكلم على اي شي ماحد ساعد الثاني بيقول ليه اساعد واتعب نفسي واعطي جزء من وقتي لناس مااعرفهم وغيري بيجيب جانب سيئ بموضوعي والواحد يبي الخير ويساعد اخوانه ودعوات منهم بس

على العموم شكرا على كلامك ويمكن قلتيه من باب حرص على اخواتك والله يهدي الجميع

الله يعطيكم العافية على الدلالة.. وإن شاء الله بروح الرياض بعد كم أسبوع بمر عليه..

اختى mam-sa
إذا سافرتي إيش راح تلبسي؟؟ نصيحة إذا بتأخذي بس العباية والنقاب أو الغطا.. خذي زي اللي أميرة الألوان تقوله لأن راح تشوفي كل الناس جالسة تطالعك وتخاف منك.. وحتطفشي من نظرات الناس لك.. الدين يسر وليس عسر.. الله يصلحك ويوفقك ويستر علينا جميع..

تحياتي يا أخواتي

اميرة الالوان
مشكوره يا قلبي
بس سؤال من اي دخلته دخلتي طيبة واسعة مره
ومن اي جههة من جهة الملك فهد او العليا او العويس؟؟

والله يوفقك دنيا واخره

حبيبتي rantal اسفه على تأخري بالرد بالنسبه لدخلة السوق بالضبط مااعرف لان نسيت لاني بره السعوديه الحين ولو كنت هناك كان جبت لك طريقه بس اتذكر انه توصلين له من بره السوق يعني بعد 3 محلات عبي من على الشارع بس هو داخل مو بره الشارع على العموم انتي اذا رحتي سألتي اي محل هناك او سألتي محلات العبي يدلونك على طول لان كثير بنات قلت لهم زي ماقلت لك ووصلوا له واشتروا بعد لحقي عليه لان لحد علمي كثير بنات عرفوا عنه عشان تلقين مقاساتك واللون الي تبيه والشكل بعد ومع كذا بس لاتخافين حتى لو مالقيتي المقاس واللون والشكل ونوعية القماش يعني مخلصين عنده انتي بس اختاري اي لون وقماش وشكل من الي عنده ويفصل لك بسرررررررررررعه بأذن الله

والله يوفقك اختي وشكرا على دعواتك الله يحفضك يارب

الله يوفقك يا رب
واتمنى تدعي تطلع لي بعثة لكندا

مشكوره يا قلبي اميرة
والله يعين بلبس بوت رياضة واروح احوس لحد ما الاقي ان شاء الله
الف شكر

يسلموووو خيتو
ع الموضوع المفيد