للبنوتات المبتعثات الحجاب كيف تتعاملي معاه

(حبيبتي غربة في ...احنا ان شالله بنتحجب لكن مدري عن النقاب اشوفها صعبة وقت الدراسة لابسة نقاب خصوصا ان فيه بعض العلماء احل كشف الوجة
والعباية نفس عباياتنا بس تكون ملونة ..عرفتي
هذا اللي اقصدة )

اختي الغالية صاحبة الموضوع...
موضوع الحجاب ليس مجالا للنقاش فهو فرض و امر علينا تطبيقه...
و بالنسبة لما ذكرتيه من ان النقاب صعب ( صدقيني و عن تجربة )
ان الاهم قناعتك الداخلية و ماهو معنى الحجاب لك
وانك اذا احسست ان حجابك مصدر فخر و عزة و انك تكسبين الاجر به فلن تشعري بصعوبته بالعكس ستشعرين انه حامي وواقي لك من المشاكل و المضايقات وكما ذكر البعض ان الاجانب يتعاملون برقي و احترام مع المحجبات ( والله صدقوا في كلامهم ) .
وتذكري حديث الرسول صلى الله عليه و سلم( من أراد رضا الناس بسخط الله سخط الله عليه و أسخط الناس عليه و من اراد رضا الله بسخط الناس رضي الله عليه و أرضى الناس عليه)
وفقك الله و سهل عليك امور الدنيا و الاخرة

طريق أمهات المؤمنين وطريق الصحابيات الجليلات – رضي الله عنهن – وهن اللاتي لما نزلت آية الحجاب شققن مروطهن فاختمرن بها (والمرط: مثل المسفع) فلما خرجن من بيوتهن خرجن كأنهن الغربان...ايش نستنتج من كأنهن الغربان ايش تستنتجون لون الغطا ..لون الغراب بني ولا كحلي ولا فوشي وازرق وبنكي ولا لونه اسود ..والله يوفقكم ويثبتكم دنيا واخره واسف على الازعاج اخواتي

الله يثبتنااااااااااااااااااااااااااااا وبس.........

اشكر للجميع مشاركة ارائهم في هذا الموضوع الحساس
بصراحة بعد الاشهر القليله التي قضيتها في كندا عرفت ان الحجاب هنا امر عااااااادي وماراح يشكل اي احراج او سوء فهم لاي فتاة
يعني اللي متخوفة من هالموضوع تتوكل على الله وتلبس حجابها وماعليها من احد
لكن بالنسبة للشي اللي فعلا ممكن يخلي الشخص يصاب بصدمة فهو الاخوات السعوديات اللي ماكانهم حتى سمعوا عن شي اسمة حجاب
والله شي للاسف يحز في النفس السعوديات في الكلاسات ميك اب كاااااااامل وعطووور وملاابس ضيقه وطرحة راميتها على اطراف شعرها
نفسي افهم وش قصدهم بها الطرحة؟؟ عموما كل نفس بما كسبت رهينة ... الله يثبتنا ويهدي اخواتنا

احسن شي انج تلبسين جنزات مع قمصان طويلة او جاكيتات طويلة الى الركبة لانه صراحة انا مجررررررربة العباية ابدا ابدا ابدا مش عملية ..
يعني مع المشي الكثيييييييير و الامطار العباة تتعبج بدال ما تريحج و تقعدين تغسلينها كل شوي

السلام عليكم
حبيت اشارك وانا على عجل ..انا طالبه مبتعثه ومنقبه ..وبالعكس ادرس وساتره نفسي..حتى معاي بنات مومتغطيات اساسا.. ودائما الاساتذه يحرجوهم بسؤال واحد..وهو ليه انتم مسلمات وايضا سعوديات وكاشفات.ويقارنوهم في المتغطيات..وهم فعلا على حق ليه انتي كاشفه لاتقولي صعب انا ادرس وما اقدر اغطي وجهي يابتي الي يبي الستر يلقاه واللي مايبي لقاها فرصه له بانه تأثر عليه
في دراسته..بلاها من دراسه أللي تأثر على دينك..وربك وااااااحد في اي ارض يراك ..والرجال كمان هم رجال سواء سعودي ولا أجنبي....أنا ماأدري ايش الجرئه اللي تخلي وحده متغطيه بمجرد تغير المكان تنقلب وحده ثانيه ولا كأنه جربت لبس العبايه ..اللهم اهدهم ولا تبلانا ببلواااهم والله بلوى الله يستر علينا ويثبتنا..اما بالنسبه للاحترام من الاجانب للمتسترات فهم جدااااا يقدرون ويحترمون من قدر دينه وحافظ على مبادئه ولم يغير عاداته وتقاليده مهما تغير عليه المكااااااان..كلامي من تجربتي لم انقله ولم اراه

والسلام عليكم واذا خلعت العبائه خلع الحيااااااء معها

أهلا وسهلا بالجميع

الحجاب الحجاب الحجاب

سمعت كتير عم مشاكل البنات ولمن طلعو على البعثات ايش سوووووووووووووووو الله يستر علينا

وسمعنا كتير عن الفتاوي في الحجاب بس المفروض ان كل وحدة تطلع بحجابها اهم شي تستر جسمها وتغطي راسها

أنا ماراح أفتيلكم خخخخخخخخخ

عن نفسي انشالله (عباءة ملونة وغطاء للشعر) اختاري الالوان اللي تعجبك بس اهم شي الحشمة

بالنسبة اللي تبغى تشتري من مكة في مكان في شارع الستين (الحلوة) وفي جدة شارع المكرونة ومجمع الشرق كل اللي يعجبك ..

الألوان خذي ( ابيض _ سكري _ أخضر _ رمادي _ موف - زهري _ بني فاتح ) واللي مايعجبك غيري اللون بس دا الاساس

بس ملابس طويلة ماانصح لا سمح الله سار شي انشق البنطلون مسكت البلوزة في شي راح تنكشغي على طول ويبان جسمك

والختام سلام سامحوني على الإطاله..

سلامي لجميع الاخوات

بالنسبة لي انا لسه في جدة ، بس انشاء الله تخلص اوراقي قريب ودراستي في امريكا.

انا بالعادة في السفر (للسياحة) غطاء للشعر فقط (اشاربات ملونه) +
في الصيف بلايز طويلة باكمام طويلة طبعا
وفي الشتا جاكيتات
وفي كل الاحوال بناطيل من تحت

الوجه بلا شك موضع فتنة فأننا معشر النساء لو اقبلت علينا فتاة كاشفة الوجه ومغطية شعرها فأننا ننجذب اليها فكيف بالرجال سوف أغطي وجهي اينما ذهبت فأن الله معي

امم موضوعك فتح باب للنقاش الجاد انتي سمعتي كتتير آراء ايجابية أسمعي السلبي
انا ضد الحجاب وبقوة اذا كنت حاسة اني مجبورة البسه من باب الرياء اوووه انتي سعودية او مسلمة كيف ماتتحجبي
يعني اللي تفكر انها تتحجب بطريقة مبهمة ( عبايات ملونة + طرح ملونة + ملابس واسعة من فوق و ضيقة من تحت +نقاب ملون) مال امها داعي لا هي ولاديانتها
بلاش نفاق اجتماعي ورياء
اللي تبغى تتحجب تتحجب صح ياتغطي كامل ياتكشف وجهها بدون ميك أب وملابس واسعة وغطي عدل مايبان فيها ولا شعرة
يا ماتغطي من اساسه ع فكرة اعرف كتيير بنات مو متحجبات بس مؤدبين ويخافوا ربنا عشان مؤمنين بالحديث ( التقوى ها هنا) مو معناته بشجع انه لاتتحجبي
بس في بنات حسو انهم اجبروا عالحجاب مالبسوه بإرادتهم عشان كدا مايلاقوا فرصة للانفتاح يروحوا ينفتحوا احنا المفروض ننصحهم مو نتكلم عنهم
يعني متحجبة وديانتك ناقصة ( نميمة + غيبة + كذب + اكل الطعام الغير الحلال ) دانة ومضغ لبانة
ربنا موجود في كل مكان والدين دين يسر
وعلى فكرة ترى الانسان مخير في حياته كلها مو مجبور يعني لو حتجي تتفلسفي وتقولي اني مثلا انولدت مسلمة معناته انجبرت اكون مسلمة جايز اكون مسلمة بالاسم ولو الانسان مو مخير في حياته ماكان ربنا خلق النار ولا كان آدم عليه السلام عصى ربنا واخرجه من الجنة
الزبدة ياابيض يااسود ياتتجبي حجاب شرعي وباللون الاسود يالاتتحجبي نهائي مو تستهبلي وتقولي كاب وجاكيت تحللي للون الرمادي

دا رأيي واللي حتجلس تهرج عليا او تحكم عليا او حتى تشك بمعتقداتي الإيمانية حلال عليها ذنوبي كلها