إذا مسافره لبريطانيا ....ياريت تدخلي

مرحبا حبيت ارد على سؤالك انا جبت معاي 6 شنط وتحسفت اني جبتها لان كل ما اروح مكان لازم اشتري وغير عن كذا عندهم الاوت لت ماركات مخفضه طول السنه وغير بريمارك فنصيحه مني خذي بالكثير حق اسبوعين الى شهر بس
والله يسهلك امورك

زي ماقالو

نفس الخامه لكن التشكيله تختلف كثييييييييييير

اشياء هناك أنوع وحتى ترى مااشوف اسعارها ذاك الزود غاليه

طبعا اتكلم عن الماركات اللي عندنا وعندهم زي ماركس اند سبنسر وزارا وغيرها

بس البوتيكات الفرديه هذي اللي بصراحه اسعارها نااااااااااااار على قلة سنع

بس تحصلين فيها لقط ماتقدرين الا انك تاخذينها حتى لو كانت غاليه <<< ماتتوب

بالنسبه لبريمارك .... كثير يشبهونه بالهرم خخخخخخخ

والله اني احبه واستانس عليه بعد ولاني بمستحيه اني اقول اني احبه
عكس ناس كثيييييييير تتكبر عليه وانتي تلاقينهم ملابسهم كلها من بريمارك

فيه اشياء حلوه ورخييييييصه بالنسبه لسوق للبريطانيا .. والله حتى بالنسبه لسوقنا
والله اني شريت منه بجايم تهبل واندر ويرز وشغلات تهبل وللحين مااختربت بكثر الغسل واللبس
وهنا والله اشتري ماركات بذاااااااك السعر وتخرب بسرعه واقطهم...
يعني مقدر اروح لندن بدون ماامر عليهم اكثر من مره

واللي يعجبني فيه بعد مقاساتهم ... يعني الدباديب شوي << احم احم .... يحصلون فيه





وربنا يوفأك يااااااااااااااااااااااااااا أمر

ما يبالها سؤال التسوق في بريطانيا احسن طبعاا .. اعرف انه معظم الماركات اللي هناك موجودة في البلاد الخليجية بس الجودة في الصنع مختلفة جدا "" هذا من تجربة شخصية "" و اصلن البضائع و الملابس اللي عندنا مخصصة حق الجو الحار بما اننا نحن اصلن عايشين في الربع الخالي .. وبريطانيا باردة جدا و مطر 3 ايام من اصل 4 ايام في السنة .. يعني ثلاث ارباع السنة مطر فملابسهم افضل لجوهم ,, فلاتكثرون من الملابس اللي تاخذونها من هني .. خذو ملابس ثقيلة تكفي لشهر الى ان تستقري و تعرفي اماكن الاسواق و المحلات...... شكرا

افدتيني كثير شكرا لكي

يا اختي ترا في السفر ما له داعي تلبسين ماركات اهم شي ان ملابسك تكون مرتبه لان السرقات كثيره برا