زواج الاختين من اخوين

طيب ليه مانقول تعتمد على شخصيه الاخوان ...يعني اذا الواحد مفهم زوجته انه مالنا ومال اخويا واختك ...صديقني عمرها ماراح تكون في مشاكل

انا عكسك ..متزوجه اخو مرت اخوي ...يعني اخ واخت اخذوا اخ واخت ..متبادلين ..وتزوجنا مع بعض
زوجي من اول يوم قالي مالنا فيهم .الي يسوه لنفسهم والي نسويه لنفسنا ...
وتصديقين احيانا تسير مشاكل بسيطه بين اهلي ومرت اخويا ..انا ماادخل فيها لانه احس موقفي حساس و عشان هالمشاكل لا تجي لبيتي ...
اما علاقتي باهل زوجي فالحمدلله ماعمرها سارت بين وبينهم اي مشاكل وان شاء الله ماتسير
لانه انا حاطه حدود بيني وبينهم فلا اتداخل بحياتهم ولا يدخلون بحياتي ...
قد تكون حالتي مختلفه ..بس حبيت اوضحلك انه اذا اتفقتي مع زوجك مستقبلاً انه علاقة اختك باهله ووزجها مالها اي تاثير بعلاقتك معاه ..ان شاء الله ما تسير اي مشاكل

وانا اتوقع في الاول والاخير القرار بيعتمد على الرجل نفسه .
اذا كويس وشخصيته توافق شخصيتك ومناسب لكي ..وافقي عليه

لانه زي ما قالت امواج ..
انتي راح تتزوجي ان شاء الله وتسافري
يعني راح تكوني بعيده عن اختك وبتالي ان شاء الله مافي اي مشاكل

تكلمت كثيررررررررررر.. لاني حابه اني افيدك لو بشي بسيط

دمتي بووووود

يارب يسعدك ويطمنك ..بستخير الله ...ودعواتكم ربي يكتب لي الخيييييير

صحيح بسافر لفتره طويله بس مصيري ارجع ان شاء الله ...

الأهل مره مايتدخلون بحياة اختي بالعكس اذا زوجها مقصر بشي يتصلون فيه ويهزئونه هههههههه..يعني اهم شي عندهم انك تهتمي بزوجك وهو يهتم فيكي وبس

طيب عزيزتي لو حصلت مشكله مثلا لأختي .....هل اسكت ومااتدخل؟؟ بس انا مااقدر ابداً
مااحب الغلط ..وتعرفي ممكن يقولوا اكيد بتدافع عن اختها ..

هلا فيك عزيزتي:
أحس أنو مايهم أنتو اخوات متزوجين من أخوان او لا.. النقطة الأهم انو انتي ببتزوجي وتسافري..
المهم أنو تتأكدي من الرجال أنه مسؤوول وقد المسؤووولية.. لان الزواج والسفر على طول.. هي اللي فيها اجابيات وسلبيات ولازم تفكري فيها كثير..
اجابياتها تعيشوا مع بعض ولا لكم غير بعض ولا فيه تدخل.. السلبيات أنو الوضع جديد عليكم من زواج وكمان دراسة وكمان بيئة مختلفة..
رأي تركزي على الرجال واخلاقه ومدى اعجابك بشخصيته واهتماماته ومدى توافقكم كزوجين.

وموضوع الأختين والاخوين.. محلولة:
كل واحد ينشغل بنفسه وعيااله.. ويطورهم ويتطور معاهم.. المشاكل والكلام موجوود دائما وابدا.. بس هنا تكمن قدرة الشخص بالسيطرة على حياته ووضعه..
وكمان أسراار البيووت مالازم تطلع أبدا أبدا حتى لو كانت تافهة.. أغلب مشاكل التدخلات تجي من كلام طلع من الحرمة أو من الزوج.. يعني سكتم بكتم.. أحسن شئ..

بالنسبة للخصومات:عامل الناس كما تحب أن يعاملووك وخليكي طبيعية ولا تعطي المواضيع أكبر من حجمها.

وفيه شئ مهم.. مافي أحد صافيتله الدنيا 100/100
والا كان صرنا بالجنة.. بس هي أخذ وعطى.. وجزر ومد..

يعني أنا أحسك منشغلة بموضوع أخ وأخت أكثر من موضوع شخصيته هو ومدى قبولك له..في النهاية أنتي وهو راح تقفلو الباب.. واللي بره مو مهم بالقدر نفسه..

ودعوااتي بالتوفيق والسعاادة في الدنيا والاخرة

عزيزتي والله كلامك عين العقل وانا متفقه معك ...انا ماتطرقت لشخصيه الرجل لأني متأكده وسألت عنه واستخرت والحمد لله مرتاحه .
وموضوع الدراسه والسفر والزواج بوقت واحد كمان شاغلني بس الحمد لله وجدت ان الرجل هذا انسان بسيط مايعقد الأمور ابدا وان شاء الله تتيسر بفضل الله

انا بس النقطه الي حبيتكم تشاركوني فيها هي موضوع الأخوات لأن يمكن فيه اشياء غافله عنها وتنبهوني ..يعني هالنقطه ماكانت واضحه بالنسبه لي فهمتيني ؟؟

وكل همي اني مااكون سبب في تعاسه اختي لأني احبها اكثر من نفسي .

ادعي لي يالغاليه بالخير وربي يجزاكي الجنه

موفقة إن شاء الله ولا تشيلي هم...
هذا وقت حلو أنك تستمتعي فيه وتعيشيه.. هوا دائما هذا الوقت مايتكرر.. مرررة وحدة بس..
يعني امبسطي وعيشي جو الخطوبة والله يوفقك..