طلاب وطالبات اليابان (المرحله الخامسه)

مرحبا

وانا معاكم ان شاالله كمان ع اليابان

ماستر هندسه (( الله يعين ))

وبجد مو عارفة ولا شي في اللغه اليابانية بس خليها على الله

ابغى اعرف ايش ورطكم باليابان؟؟؟
انا ادرس هنا بمعهد جاسو ومتورطه توريطه باللغه اليابانيه،،، ماابغى احطمكم بس والله عندكم فرصه تحولو حولو،،،احنا راحت علينا،،،الياباني صعب مررررره واللي يقول غير كدا كداب،،،انا بحياتي الدراسيه ماكونت متنحه زي ماانا متنحه دحين،،، نصيحه من اخت انفذو بجلدكم،،،على فكره قابلت بنات لهم تلاته سنوات ويذاكرو طوال الوقت لما سالتهم تقيمو نفسكم كم من عشره بالياباني قالوا نعطي نفسنا ٤ وقتها خلاص حسيت مافي امل...الله يعين بس ماابغاكم تتحطمو بس لو كونت بمكانكم كنت حتمنى لو احد نصحني

على فكره يقولو سندقايا افضل من جاسو،،، انا ادرس بجاسو جاسو سيء جدااااااااا اضعف الايمان لو كونتو جاين جايين كلمو الملحقيه وقولوا لهم نبغى سندقايا لاتروحو جاسو لانو سيءءءءءء مرررررررره

المُعتصم، انا رايح مع اللي يعطيني بعثة اول انشالله، بس الله اعلم عن التوهيقه اللي بتجيني.
Emotion، الواقع انه معظم الناس راح يحطمونك، لأنهم مايعرفون شي من الأساس، ويبنون اتهاماتهم بناء على اشكال اليابانيين وكلام الآخرين، الشعب الياباني من اطيب الشعوب، واي واحد في اليابان الحين يقدر يأكد كلامي، و كلام المُعتصم صحيح 100% وانا اؤكد عليه.

انا كلامي واضح انا ماقولت دا الكلام موالقصد تحطيم القصد انو تحاولو تغيرو البلد بالذات للماستر ولا تقول لغه يابانيه لو تبغى ياباني مضبوط يبغالك فتره حتى تتعلم دي الفتره مادري كم،،،،يعني ناس له ٣ سنوات ومايعرفو يتكلمو كويس مصيبه دي،،،،
بقولك شي انتا تقول اللي رايح يلعب احنا بنات ترا والبنات دوافير انا واللي معايا طوال الوقت نذاكر وانا اجيب درجات كويسه بالمعهد لكن حدي اطلع الشارع مااعرف اهرج وحتى لو هرجنا خلي اللي قدامك يطول بالحكي حتقولو (نهينقو واكري ماسن) بقولك شي كمان ايوا الجامعات تقبل ولما يروحو الجامعه يتورطو انا اللي اعرفهم في الجامعه ودكتورتهم قالتلهم الياباني حقكم سيء مع انهم بيدرسو بالجامعه يعني خلينا نتفق انو دي مو مقياس،، الجامعات اليابانيه تبغى اجانب وعندها تساهل في القبول لكن كل اللي اعرفهم اتورطو لما راحو الجامعه وانا اشوف الاولاد هنا اغلبهم يرسبو ويعانو في الجامعه
وانا بقول دا الكلام عشان نصيحه وبالذات للبنات حاولو تغيرو الدوله لاتتورطو زينا
وعلى فكره اكتر الجامعات بالنسبه للماستر بحث علمي ايوا فيه كورسات بس قليل مره
بس بالنسبه للشعب،،،الشعب مره كويس ومؤدب لابعد حد انا ماشوفت اطيب من الشعب اليابانين،،، صح هما مو فريندلي بس ستل هما طيبين
عموما دي مجرد نصيحه وانتو احرار بالنهايه

retal، انا ما كنت اقصدك بكلامي، بس فصدي العالم هنا اللي ضد الدراسة في اليابان وضد الشعب الياباني، وهم ما عندهم ما عند جدتي.