طلاب وطالبات اليابان (المرحله الخامسه)

اهـآآآ . .!!

الله يجزاك خير والله ماقصرت .. عطيتني كل شي ابي اعرفه . .

مشكور وماتقصر والله يوفقك وين ماكنت ..

ياجماعه الخير في احد رايح ماستر لعلوم صحيه ؟؟

لما ادخل على الجامعات الموصى لليابان له القسم ماالقى ولاشي!! معقوله مافي له القسم في اليابان اعتراف من الوزاره
بليز اذا تعرفون لاتبخلون علينا

أنا كمان رايحة ماستر علوم صحية وحايسة زيك دخلت في موقع اكتر من جامعة ودخت ادور على تخصصاتها بس قريت انه الجامعات ماتعطي تفاصيل عن تخصصاتها واللي يبغا يعرف لازم يتراسل مع الجامعة
الله يعين ويوفق
وشكلي اذا رحت اليابان وانا هناك رح اتراسل مع الجامعات وباذن الله رح احصل جامعة وقبولها كمان قبل ما تنتهي دراسة المعهد <<<<< وحدة مااارة واثقة متحمسة

صباحكم عسل ومساكم قشطة.....خخخخخخخ(وحده بتفطر)
كيف مبتعثي اليابان و يش جديدكم طبعا امكن البعض منكم عارف مشكلتي وا الحمد لله انحلت و بدأنا العد التنازلي للذهاب الى نيهون والله يوفق الجميع
اخر خبر حصلت عليه من الملحقية ان الاوراق تقريبا للكل حتم على نهاية مارس وحيطلبو منا الذهاب للرياض لاتمام الاوراق
فما هي ترتيباتكم واستعداداتكم
وعندي سؤال مهم بالنسبة لنا...احم
كم المبلغ التقريبي الي يكون بحوزة الطالب وقت السفر؟؟؟وبأية عمله؟؟؟؟وكيف حملها معنا (يعني كاش ولا بطاقة)
والي عندو خبر ايش هو البنك اللي نتعامل معاه عشان تحويلات المال واذا احتجنا شي من اهالينا؟؟؟؟
انتظر افادتكم و تفاعلكم...ودمتم

حبيبتي انونة

اتأكدي وتابعي مع الملحقية بخصوص المحرم لانوا البنات اللي كانوا معايا في المرحلة اللي راحت اتأخروا عشان اوراق المحرم خاصة اللي طلعوا مع اخوانهم

بخصوص المبلغ الليتاخديه طبعا كل مازاد كل مكان افضل عشان ترتاحي واذا اتاخرت اوراقك ورقم الحساب عشان توصل الملحقية (زي ماصار معايا) بس عموما 2000 دولار ان شاء الله تكفيك بالراحة من ناحيتي اخدت معايا تقريباً 8500 ريال حولتهم لين من السعودية طلعوا حوالي 192500 ين كفتنا بالراحة شهر وشوية على بال مانزلت المكافاءة (انا وزوجي وولدي والحمد لله كفتنا)

واذا حولتي من السعودية انتبهي لا يعطوكي ورقة قيمتها 500 ين اقل ورقة قيمتها 1000 ين الـ 500 دي ورقة قديمة ماعد يستخدموها (ياشوفي الوجيه كيف تطالع فينا لمن اعطيناهم الورقة ويسالونا من فين جيبتوها هادي انشالت من قبل ما نتولد) الـ500 كوين بس دحين ورقتنا رافعينها على جنب كل مانشوفها نضحك

انا عن نفسي اخدتها ين ياباني من السعودية لانوا هتضري تحولي الدولارات لمن توصلي من المطار ممكن تاخدي معاكي شوية دولارت اذا حبيتي تشتري شي من المطار اللي هتنزلي فيه ترنزيت

والبنك لا تشيلي هم لمن توصلي بالسلامة راح ياخدوك اللي هيكونوا مسؤولين عنك البنك و يفتحولك حساب بس اطلبي منهم الـ Sweft code و الـ IBAN عشان اذا بيبعتولك اهلك شي وان شاء الله المكافاءة راح تكفيك بالراحة وماتحتاجي تبعتلك فلوس

اذا عندك بطاقات زي الفيزا خديها معاكي برضوا في اماكن كتير تقبلها وتقدري تمشي نفسك فيها اذا انزنقت والباقي خديه معاكي كاش بس انتبهي عليه كويس ولمن توصلي ارفعيهم في البيت لا تحطيهم في البنك لمن تفتحي الحساب عشان البطاقة ممكن تتاخر على بال ما توصلك انا بطاقتي اخدت تقريبا 3 اسابيع على بال ماوصلتني

تسلمي اختي ولاء
بس ممكن اسالك سؤال سؤالين اذا ما اتقل عليك
انت في اية مدينة ؟؟؟
ومعليش بالنسبة للاجهزة الكهربائية زي المكواة و السشوار وغيرها.... نجيبها من هنا لانو تعبت ماعندنا اجهزة تقبل من 100 ل220 فولت ولا الافضل من هناك؟؟؟
وبالنسبة للاكل زي المعلبات والبهارات (نخذها مطحونه و لا الافضل بحباتها) نشحنها افضل و لا عادي لو اخذناها في شنطة ضمن الشنط المشحونه؟ وكم الوزن المسموح لي و لزوجي؟؟
وتقلت عليك يا حلوة والله لا يحرمنا من امثالك

تسلمي والله ولاء

حتى انا كنت ملخبطة من دي الناحية

بجد ماقصرتي ..

وياريت تفيدينا من ناحية الاجهزة الكهربائية زي ماقالت انونة

ويعطيكِ العافية والله ياقمر


..............

بس عفوا ياعسل ممكن توضحيلي دي النقطة من ناحية المرافق

اتأكدي وتابعي مع الملحقية بخصوص المحرم لانوا البنات اللي كانوا معايا في المرحلة اللي راحت اتأخروا عشان اوراق المحرم خاصة اللي طلعوا مع اخوانهم

شو قصدك بالاوراق الخاصة بيهم ممكن تفسريلي هيا ...؟؟

هلا حبايبي

انا في مدينة اوساكا

بالنسبة للمرافقين لازم في ورقة تروح للقنصلية او السفارة اليابانية (على حسب انت في اي مدينة) من وزارة العدل اليابانية عشان تطلعلهم فيزا

الزوج موضوعوا بسيط لانوا شي طبيعي انو يكون معاكي فهتكون الفيزا حقتو dependent لكن الأخ هما ما يفهموا لين كدا اخوكي يجي معاكي فما موضوعوا يمكن يطول شوية على بال ماتجهز اوراقوا

انتي ماراح تعبي شي ولا تجهزي اي شي بس تابعي مع الملحقية عشان هما يرتبوا الموضوع من بدري وماتضطري تتأخري

بالنسبة للأجهزة، لا تجيبي معاكي اجهزة لانوا زي منتوا عارفين الفولت حقهم هنا 100 فالاجهزة ماراح تشتغل واذا اشتغلت ما راح تشتغل كويس. الاحس انو تشتريها من هنا اسعارها كويسة

بالنسبة للبهارات تقدري تجيبي معاكي حبوب او مطحونة بس يمكن المطحونة احسن عشان يمكن ماراح تشتري مطحنة من البداية بس لو قدرتي تجيبي الاتنين مو مشكلة بس حطي في بالك انوا التلاجة اللي هتكون في السكن اصغر من تلاجة الفنادق شي قد الحق ماتقدري تحطي فيه شي الا اشياء صغيرة وبسيطة

تقدري تجي البهارات و المعلبات واللي تبغية معاكي بس راح ياخد منك وزن كتير، انا بعتها شحن على عنوان وحدة من البنات بس اتمرمطنا في المطار لحد ما استلمنها لمن وصلت اسئلتهم كتير ايش هادا وليش طيب جديد ولا مستخدم وكلام كتير وعشان صاحبتي جزاها خير جات معانا عشان مانعرف الطريق ولسة مانعرف ولا كلمة ياباني قاموا عملوا حكاية انت ليش معاهم طيب وفي الاخير اخدنا اغراضنا ومشينا بس لازم يتعبوك شوية وكان شوية ويروح علينا اخر قطار وكنا هننزنق من جد بس قالتلي انو ممكن تطلبي منهم يوصلولك هيا وماتضطري تروحي بس ياخدوا منك مبلغ عشان التوصيل يفرق حسب مكانك

انا بعت عن طريق الشحن الاماراتي الكيلوا بـ10.5 ريال بس وصلتني الاشياء كانهم كانوا بيلعبوا بيها كورة فاذا جيتي تبعتي شي حطيه في كيس والكيس في علبة و العلبة كمان في كيس واذا فيه قوارير قزاز غلفيها كويس عشان ماتنكسر

انكب عليه العدس والبرغل والشاهي واتلخبطوا مع بعض وفي الاخير اتضريت ارميها لانوا ماقدرت الا انقي العدس بس

في وحدة من البنات هنا لمن تبغى شي اهلها يرسلولها هو عن طريق البريد السعودي غالي صحيح لكن يوصل لحد البيت مايتعبها

الوزن المسموح يخلف من طيران لطيران يمكن اكرم طيران في الشحن الطيران الاماراتي يسمح لـ 30 كيلوا للشخص شحن و 7 كيلوا داخل الطيارة، وباق خطوط الطيران عادة 20 كيلوا والله اعلم

الدفة اللي راحت اخدوهم كلهم مع بعض على طيران كاثي باسفيك، بس انا كنت مقدمة اعتذار وطلب تأجيل 6 شهور وطلعت في اكتوبر وعملت حجزي على الطيران الاماراتي ولمن طلعت للوزارة كنت مجهزة كل شي حتى حجز الطيران و لمن رحلهم زوجي مرة ما اخد وقت بس اتاخر شوية على بال ماجاه الدور لانوا حسنا في الرياض لحد ماوصلنا للوزارة وتلفونهم مشغول على طول ونسينا ناخد توب معانا فوقفنا اخدنا توب و شماغ وحفلة صراحة كانت مغامرة وحوسة بس الحمد لله خلصنا في نفس اليوم ومشينا

انتوا هتكونوا في مدينة باذن الله؟؟ ولا لسة ماتعرفوا؟؟

تعبناك معانا يا قمر...بس مانستغنى عنك
والله الى الان ماعندنا خبر نحن فين بس بعد الحوسه الي حوستها اهم شي اليابااااااااااان فين ؟؟ايه مدينة مايهم؟؟؟
خخخخخخخخخخخخخخ
الله يجزاك الخير واذا ماعندك مانع ممكن ايميلك عشان نتواصل حارسل ايميلي عى الخاص
والله ييسرلنا وييسرلك ياضوى القلوب

تسلمي والله ياعسل ع الافادة

والله ييسرلنا امورنا يارب

الله يسمع منك انونة ياقلبي

وييسرها للجميع يارب

.......

ولاء ياعسل ممكن استفسار بسيط

بخصوص التوصية

لازم يكون فيها ايميلات الدكاترة ولا لا...؟؟