ممكن لانك بنت
بس ما اعطيتني الجانب الحسن من كوريا
هذه ليلتي February 10th, 2010, 05:26 PM
7 " حتى انا كان ودي اكمل في كوريا بس كلامكم مره مايشجع
طيب ماقلتو لنا كيف الدراسه في كوريا وكيف القبولات للجامعات هل سهله ولا صعبه وخصوصا للماجستير ؟
وكمان ودنا تقولون لنا ايش الاشياء الاجابيه في كوريا مو معقوله كلها سيئه ؟
عندي ملحوظه صغيره لطلاب كوريا : ما نلاحظ لكم نشاط ملحوظ في المنتدى تعرفون في ناس نفسهم يعرفون اي معلومه واذا انتم المبتعثين هناك ماعلمتوهم مين يعلمهم يعني خبرتكم مهمه جدا لمن بعدكم
وبالتوفيق لكم
smoah February 11th, 2010, 05:53 AM
7 " لا تعليق ...........................
soso_1 February 23rd, 2010, 09:15 PM
7 " مرحبا للكل
حبايبي بالنسبه لكوريا فهي بلد جميل صحيح ان الشعب منغلق مع بعضه ولكن ترجع هي لشخصيتك اذا قدرت تتدخل معهم فصدقني
راح يفيدونك باللي تبي انا حاليا ادرس في كوريا ولي اخويا كوريين وبالعكس طريقة مدخلي معهم جدا سهله وبالعكس محترمين بغض النظر عن كبار السن
اما بالنسبه للدراسه على حسب الجامعه وعلى حسب التخصص اذا كان بزنسس راح تتدرسه بالإنجليزي طبعا في البدايه عشان تتقدر تاخذ قبول اكاديمي او جامعي لازم تتدرس كوري على الأقل 3 مستويات اي مايعادل 9 شهور او اكثر طبعا على حسب الجامعه في جامعات تتطلب مستويات اعلى ولكن مثل ماقلت ترجع على حسب الجامعه وعلى حسب التخصص
abotalal1 March 21st, 2010, 04:34 PM
7 " داخلة عرض .. بس محتاجة خدمتكم ..
انا احتمال كبير اني ادرس طب بشري في جامعة دانكوك في كوريا ..
واحتاج منكم رقم الملحقية أو المشرف المسؤول او ايميلات ..
وسبق كتبت موضوع وأشكر اللي ساعددني ،، بس للأسف الرقم خطأ ..
بكلامكم .. ناس تقول كوريا حلوة وناس تقول العكس ..
أنا لسى ما رحت كوريا ، لكن اقول هي على نفسية الشخص اذا تقبل الوضع او لا ..
jiji March 21st, 2010, 08:42 PM
7 " انا بكتب لكم المفيد من خبرة بنت تحب الدراسة والتعامل مع الناس بكل انواعهم
أولا كوريا من ناحية البلد هي حلوة ....اقدر اقول انها جنة الدنيا مثل ما قلت في مغامراتي قبل
ثانيا الشعب.....طبعا في كوريا او اي بلد فيه منهم المتعلم والمثقف ومنهم لا ....وطبعا بما ان كوريا شعب محدد فيها النسل بتشوفوا العجايز اكثر من صغار السن ...وطبعا العجايز اخلاقهم يادوب مع اولاد بلدهم فكيف مع اجانب اللي ما يفهموا كوري
نجي للمثقف منهم ...طبعا في منهم الكثير بعد انفتاح العالم ....بس المثقف مصلحجي ...وطبعا الكل راح يقول ان في كل الدول في المصلحجي وفي اللي يساعد من غير مقابل ....ولكن كوريا اذا ما تعطي لا تاخذ واذا اخذت لازم تعطي بالمقابل
وطبعا تعاملك مع المثقف يختلف بين الجامعات فعلا .... في جامعات مستوياتها عاليه مثل جامعتي وهي الجامعة الاولى في كوريا ....وطبعا الكل يعرف في كوريا اللي يدرس بدي الجامعة استحالة انهم يساعدوا اجنبي ويالله يساعدوا بعضهم اذا في صداقة بينهم
وبيدرسوا في دي الجامعة اكثر من 12 ساعة في اليوم يعني يادوب بتشوف اصحاب وصداقات يعني راح تمل وتجيك حالة هوم سيك بكل سهولة ...يعني ابعد النظر عن جامعتي في كئيبة ولا فيها اي كفاءة في التعليم ....صدقوني هي اسم بس من غير اي مصداقية ...حطوها احسن جامعة كون اللي بيشتغلوا فيها واللي بيدرسوا فيها اكثر من 12 ساعة ...وياريت دراسة وعمل بجهد ....لا بس لعب وتضيع وقت
في جامعات مستوياتها متوسطة والطلاب اللي فيها يحبوا التعليم بس يحبوا التسلية وكمان تكوين الصداقات ....واعتقد انها بتكون افضل الجامعات من ناحية التعليم والتعامل ....لأني عندي اصحاب من جامعات اقل مستوى من جامعتي افضل من اصحابي من هذه الجامعة
وفي جامعات فقط تمشي اي كلام لأنك اجنبي بس ....يعني فهمت ما فهمت مو مهم انت جاي تدرس اوك احضر وتنجح ....يعني يا فلان تعال محاضرتك ونام وما يحتاج تذاكر راح تنجح كونك اجنبي ....والطلاب اللي فيها طبعا حقين لعب ومرقص وشراب ...بس من ناحية المرقص والشراب في كل الجامعات موجودة لأنهم يعتبروها عادة يجب القيام بها اسبوعيا او شهريا هههههه
فاللي يقول انه بيغير دولته من نيوزلندا كونه ما اتأقلم مع الشعب هناك ودايما مشاكل ....اذا هو ما عرف يأقلم نفسه بمكان
ماراح يقدر يأقلم نفسه في كوريا ...الا اذا جاي للعب راح يحصل اللعب بكل تسهيلاته
يعني يا حلوين ....كوريا مافيها من المسلمين كثير واغلبية المسلمين اللي جوا هنا اتغيروا خاصة الشباب الصغار الضعاف النفوس
والشرب صار زي الموية في يدهم ...مبررهم ان الشعب طالب منهم كذا
واللي ما يدخن ...صار يدخن بل مدمن دخان ولا يقدر يتركه من يده حتى ما يجي له اي استرس
انا قابلت ناس كثار من كل دول العالم وفي جامعات مختلفة واديان مختلفة ...كلهم اللي جايين غرض دراسة عايشين في استرس مو طبيعي حتى لو انه يبغى يبين للناس العكس ....بس يجي الليل الشعور بالوحدة والاسترس بيزيد عنده مع الوقت
انا ماراح اتكلم عن نفسي لأن حالتي خاصة ...لأني طحت في جامعة نظام دراستها جدا صعب مو مثلنا ...ثانيا طحت في برفسور يعبد الفلوس ويعاملني كاني حيوانه عنده ماعنده اي ذر من الانسانية حتى لو انك تطيح قدامه وتموت يقول لك هو انت ما حصلت مكان تموت فيها الا عندي ..يعني من فين اجيب الفلوس عشان يجي احد يشيلك بس ....والطلاب اللي في الجامعة دايما مشغولين وخوافين يخافوا من غضب البرفسور وكانه ربهم ...استغفر الله ....يعني عالم ما تهتم فيك كطالب وفيك مواهب ...بالعكس يعاملوك ياحيوان ان اجنبي ايش جابك هنا عشان انت عندك فلوس واحنا لا ومن هذا الكلام
وما خفي اعظم ....كوريا سهلة من كل النواحي اذا انت تريد ....بس صدقني الشهادة منها وانا بقولها بكل فخر انها زبالة حتى من جامعتي سيوؤل الوطنية
وعلى فكرة من ناحية الفلوس ....راح تكتشف ان فلوسك مافيه بركة بيضيع كله قبل نهاية الشهر ...وبعدين تجلس اسبوع ما عندك تاكل فيها نفسك ...وعلى هذا الحال مع راتبك ....يعني ياللي جاي بيكون نفسه ويجمع فلوس ...لا يحلم انه يجمع اكثر من 10 ريال سعودي شهريا
انا بقولكم عن خبرة سنتين ....وخبرة ناس عاشوا فيها قبل
راح تشتاق لكوريا كدولة تحس فيها بالامان والجو الحلو ....بس كن مع عائلتك دقيقة خير من انك تعيش مذلول في كوريا وحتى بفلوسك راح تعيش مذلول
هذا اللي اقدر اقوله لكم ولكن راح احاول افتح موضوع عن كل جامعة بكوريا...وكيف تعامل ادارة الجامعة مع طلابها السعوديين حتى الكل يكون عنده خلفية
مبتعثة كوريا 2008 April 6th, 2010, 03:19 PM
7 " 
LinkBack URL
About LinkBacks
تم حذف الإيميل لأن عرضه مخالف لشروط المنتدى) 
بس ما اعطيتني الجانب الحسن من كوريا