استفسار ارجو الافاده في وضع العوائل في الصين

ابغى تفاعل الله يجزاكم خير

اختي الفاضلة
يوم الأربعاء الماضي كان لي جلوس مع احد الطلاب في الصين واعتقد عمره وفكره في مكان الثقة واعطاني من وقته ساعتين تقريبا الوضع هناك فوق الجيد جدا تقترب الى الممتاز.ممارسة الحريات بشكل عالي بعيد عن المنغصات بخصوص الحجاب اتمنى شرح الحجاب الى تلبسية حجاب نقاب قصدك عباية سودة حجاب اخوانا الي في مصر وشام بالطون ملونة حجاب نيو يعني بس على الراس فقط والجسم الباقي ماخذ حريتة على شان الزملا يوضوحو لك فالك التوفيق

مشكور اخوي على المعلومه والله يجعلها في موازيين حسناتك يعني عادي اكون منقبه هناك مافيه مضايقة وهل فيه عوائل سعوديين كثير او عرب ؟

وايضا ارجو الافاده من ناحية تعليم الاطفال كيف لان عندنا ولد في الروضه ابغى اعرف كيف يكمل تعليمه ؟؟(فيه مدارس خاصه او معاهد)

الحريات الدينة في الصين متاحة بشكل كبير تحجبي يا أختي بكامل حجابك فأنتي عظيمة بالاسلام
وبالنسبة لدراسة الاولاد فأبشرك فيه مدرسة سعودية في بكين لجميع المراحل الدراسية ابتدائي ومتوسط وثانوي . وأي استفسار انا جاهز

مشكور اخوي والله يوفقك ويجزاك الف خير طيب والالحاق يتاخر او مضمون بسرعه يعني كم المده؟

من ناحية الحجاب الامور متيسره وانتي ووضعك تبينه شرعي والا غير شرعي ....

الحجاب الشرعي اللي كلنا نعرفه العباءة والنقاب مسموح بها وليس هناك اي مضايقات ...

الحجاب الغير شرعي وهو طرحة على الراس فقط او عباءة بدون نقاب مع كشف الراس ايضا موجود وبدون مضايقات تذكر ....

( ولكن من ارادت العفة لنفسها فلتحرص على الشرعي لان الله متواجد بكل مكان وفي كل زمان .....)

وبالتوفيق


هاوي ابتعاث

الله يجزاك خير ياخوي وجميع الردود كثير ريحتني وابغى الافاده في الاسئله الثانيه؟

وعليكم السلآلآم
الحجاب الكامل ( النقاب ) مثل ماقالوا الاخوان مافيه أي مشاكل لكن لاتستغربين نظرات الصينيين لك لانهم كثيرين التحديق ويشوفونهه غريب عليهم ويمكن يطقون لك كم صورة بما انهم شعب يحب التصوير كثير ^_^
أما الحجاب فيوجد عربيات كثير متحجبات ويوجد صينيات مسلمات متحجبات لكن قليلات
ولكن ماراح أحد يقدر يتعرضك
والعوائل السعودية والعربية أكثرهم في بكين وتقريبا في حي واحد

بس مشكلة المدرسة السعودية في بكين
وعلى حسب كلام الملحق الثقافي بأن الإلحاق في بكين تم إيقافه
لكن أنصحكم قبل بالإتصال على الملحقية الثقافية في بكين وأخذ إستثناء لكم للدراسة في بكين على شان عندكم طفل سيلتحق في المدرسة السعودية في بكين

وتقريبا مدة الإلحاق إذا كان كل الأوراق سليمة تقريبا شهر قابل للزيادة على حسب الوضع ^_^
بالتوفيق لكم