هل صحيح أن الشعب الصيني سيئ في التعامل

اخوي عباس بو محمد

اول شي ربي يحقق لك مرادك وتكمل وبشرنا عن اخر تطوراتك تبي تواصل ولقيت لك جامعه والا شو صار معاك

<< مثلك ناوي يكمل مهما يكلف الامر دام فيه هدف وانت حي راح توصل له بمشيه الله

خاصه انو كلنا نبغى نكمل ماستر بغير التخصص والف علامه استفاهم لاحد المسولين تخصص اجتماعيات والماستر حاسب؟؟؟؟

نرجع للموضوع انا عندي وجهت نظر ان بعض الاشخاص يعكس صورة سيئه جداً عن بلده

واعتقد مع احترامي لنا كـ سعوديين فيه اشخاص ولله الحمد ليسو بالكثره يعكس صوره سئيه مرررره عن بلادنا

خاصه بمكانتنا كـ بلد يوجد فيه الحرمين الشريفين

هل لو انت تعاملت مع سعودي وكان سيئ راح تقول السعوديين سيئين ؟؟؟؟؟؟


اعتقد وضحت الصوره انا لست بالصين ولاتعملت مع صيني الى في ماليزيا واعتقد ماكان فيه احتكاك بيبني وبينه كثير

وما اقدر احكم عليه


واسف على الاطاله واتمنى اضافه من الشباب الى في الصين ولك الشكر

ابد هذا كلام غير صحيح <<<<< نظام مسؤول في الجريدة

بس من جد انا موجود في الصين وبالتحديد في هونان - تشانج شا تقريبا ٦ شهور وشوي ما قد شفت احد تعامل معاي معامله سيئه.
انا ما ادري عن المناطق الثانيه بس هنا يحترمون الاجنبي مرة بس الله يهديهم عندهم سوتش في مخهم يقفلونه لما يشوفونك اجنبي لو تكلمهم صيني ولا انجليزي يقولك 听不懂。 وفي ناس تستوعب وتفهم وانا متاكد كل الي في الصين مرة عليهم ناس مقفله سوتشهم لا انجليزي ولا صيني يمكن في الاشارة كمان ما يفهمون.

بس تعاملهم مرة مرة مرة ممتاز انا ما قد شفت اي ذرة سوء منهم الصراحه.

تقبل مروري

هلا أخوي عموري الله يسلمك ويبارك فيك وشكرا على سؤالك ، عساك بخير وصحة.
بالنسبة لي أنا في انتظار الخطوة الأخيرة
أبشرك حصلت القبول عن طريق أحد الشباب النشامى الله يعطيه العافية وانحلت مسألة الاستفسار عن معادلة الشهادات ، وتقريبا القروش.
أنا ألآن أحزم حقائبي وأزاور أقاربي ، وقبل شوي جاي من الحرم ،بعد ما شفت مباراة الاتحاد والشباب ، أخذت لي شاي مغربي وجنبت السيارة في أجياد، وجلست شويتين في الحرم ، وربك مايضيع من جا بيته ، الله يكتب لنا ولك التوفيق

أما الجماعة الصينيين وغيرهم ، فاقول إحنا بإذن الله صابرين على كل شئ ، طالما مايظلم في حقك أو ما يضيع جهدك،لكن برضو إحنا في غربة والواحد مو ناقص نكد واستفزاز وحركات من قلال حيا ، زي اللي نشوفهم على الطالعة والنازلة في كل مكان.
وصدقني البلد حتى لو كانت قفرة بأخلاق أهلها وتعاملهم ينصبر عليها ، أظنك معي في ها النقطة

أخوي فراس الله يريح بالك هذا اللي ظنيته
بس الجماعة في ماليزيا ممكن عندهم مشكلة أو تعصب ديني خلا الصينيين اللي عندهم يتنمروا عليهم ، أو هي متلازمة الغريب، بصراحة المسلمين العصر هذا فشلوا دينهم بالتعامل الزفت.. لا وكمان شغالين دعوة ..أول شي حسن أخلاقك بعدين اشتغل دعوة وشعارات.
والله عيب.

اخوي عباس عسآك ع القوة ..,

بخصوص استفساراتك عن معادلة الشهادة اتمنى منك التوضيح اكثر من خبرتك بالمعادلة وهل يعادلون دبلوم تخصص صحي

اعطنا نظرة عامة عن المعادلة في الصين بعد ما استفسرت انت اكيد صارت لك خلفية كبيرة عن المعادلة ..,

.... بآلإنتظآر

شعب اشـــــــــــــــــــــــــــطه ينحط على الجرح يبرى
صدقني اذا جيت بتحب الصين وبتدق على خويك لان اللي قالك كذا ماعنده سالفه

انا باعتقدي ان الصينيين شعب في اخلاقه اكثر احتراما من شعب السعودية بكثير ولا ازكي على الله احدا

تعيش آمن جدا

واللي يعجبني في الصينيين طيب نياتهم بخلاف شعبنا اللي الخبث أكله وشربه الا مارحم ربي

وكمان انهم شعب خدوم جدا

واذا كان بعض الناس يقول انه الصيني مايفهم عليك فأقوله اخي الكريم حسن لغتك وبعدين احكم

ويكفي ان الصين دخلتنا وكرامتنا فوق روسنا بخلاف الدول اللي لازم تتطلع على عورتك وتجلس تلمس فيك عشان تدخل

انا ممتن لهذا الشعب العظيم باخلاقه وانسانيته

وكلامي من واقع تجربه

الله يعطيكم العافيه على الردود هذا السؤال كان يرادوني ومشكورين

ملك ياشيخ

ناس بنسب تعبانة وقبلوهم ناس شهادة شرعي وقبلوهم وبرضوا يشتغلوا سب في هذا البلد

تخيل حريمنا لابسين البرقع ولا كلمونا ومحترمين ثقافتنا ونحن نقذفهم بالسباب يمينا ويسارا