دليــل مختصـر لمــن اراد الدراسـه في كـوريا الجنوبيه

ثبتو الموضوع يا مشرف هذا المعلومات قيمة جداً واتمنى ما تنقطع يعني اي شيء جديد يا ليت تضيفة وانشالله نقدر نضيف شيء يساعد الطلاب الي يفكرو يدرسو في كوريا الجنوبية

اهم نقطة ودي اوضحها للي ناوي يجي يدرس سواء تبع الوزارة ولا على حسابة الخاص في القبول الجامعة لو حب جامعة معينة يكلم السفارة الكورية في السعودية ويطلب الملحق الثقافي مسئول عن القبولات تقدر تكلمه وتخليه يساعدك في اختيار الجامعة الي ودك تدرس فيها والملحق يتكلم عربي وتقدر حتى تحدد الجامعة اذا تبي بالانجليزي جامعة كايست انا هالنقطة طافتني من بدري لأني اعرف من الشباب الي طالعين على استراليا يكلمو نفس المكتب الي يجيب قبولات من استراليا ويحدوو الجامعة لان الوزارة ما تحدد وتحط الطلاب على حسب اختيار المعهد لكن لو تكلم المعهد وتقوله عندي اختيار معين لجامعة يساعدك بالنسبة لكوريا مافيه معاهد خارجية تجيب قبولات والي تجيب القبولات هي السفارة نفسها يعني تقدرو تدقو على الملحق الثقافي في السفارة الكورية الي في السعودية وبيساعدكم

مشكور ابو طلال على المعلومات ويا ليت المزيد من جميع مبتعثين كوريا
انا طرحت موضوع قبل لكن ماحد فادني .. الدراسة الجامعية باللغة الكورية كيف وضع المحاضرات والواجبات وفهم الشباب باللغة الكورية يا ليت احد يفيدنا

اولا شكرا للجميع على المرور
اتوقع بالنسبه للدراسة باللغه الكورية في الجامعه طبعا انا اتكام اذا كانت كل المواد والمناهج بالكوري اتوقع انه تحتاج الى جهد جبار من الطالب بسببين من وجهة نظري

اولا صعوبة المصطلحات الكورية في التخصصات العلمية

ثانيا تعبر اللغه الكورية ليست اللغه الثانية او الثالثه ...الخ بالنسبة لنا ليست كالانجليزي لغة ثانيه لنا ولكن هذا مايطيح من عزيمتك
وانا اعرف شباب شخصيا يدرسون المناهج وشرح المحاضرات باللغه الكورية وماشين ماشاءالله
لكن تحتاج منك فقط جهد وحفظ المصطلحات
وبالتوفيق........

ما شاء الله عليك أخوي كفيت ووفيت ..

حابة اسأل أخوي ، عن تخصص الطب في جامعة دانكوك
أنا مبتعثة من المرحلة الخامسة ، وصلني قبول اليوم وتبدأ الدراسة في سبتمبر

هل الجامعة تدرس انجليزي او بالكوري، في القبول مكتوب 3 سمسترات لغة ..
بس مو مكتوب لغة كورية او انجليزية ..

لو تقدر تعطينا معلومات عن مدينة شينون ، وعن الطلاب هناك لو في مطاعم عرب او شي كدا ..
وكم تبعد عن العاصمة ..

اي معلومات تفيدنا فيها بكون شاكرة جدا جدا لك ..

شكرا لك

بالنسبه جامعة دانكوك ماعندي خلفية بالضبط عنها بس اللي اعرفه انها موجودة في وسط سيئول ولكن جددو المبنى وموقعه خارج سيئول يبعد ساعه اتوقع

القبول تأكدي لغة كورية لانه اكيد الشرح باكوري مع بعض المناهج

واذا تبين نصيحتي ادرسي طب تجميلي بدون تردد ترى افضل شي بالنسبه للطب في كوريا لانه كوريا مو محل الطب ابدا واكبر دليل ادخلي مستشفياتهم افضل دكتور يالله يتكلم انجليزي ويعلاج عن طريق اخذ معلومات عن طريق النت ترى اتكلم لك من تجربة احد الاخوان مو مسألة تحطيم بس اعطيك وجهة نظر مع العلم اني اشوف افضل دولتين في الطب المانيا وامريكا بلا منازع
وعلى فكرة في دفعه انشالله راح تجي لكوريا تتدرس تمريض انا ماادري الوزارة مالقت الا كوريا في الطب
كوريا قويه جدا في التخصصات المهنية والتكنولوجيا

بالنسبة للمدينة اللي تتكلمين عنها والله ماعندي خلفيه ابد لانه اسمها ماسبق مر علي ممكن نطقها يختلف ماادري

بالنسبه للمطاعم العربيه قلة جدا جدا ويتواجدون في سيؤول لانه كوريا لايوجد فيها جاليات عربيه كثيره

وبالتوفيق انشالله ........

مشكور أخوي ما قصرت على المعلومات
وشكرا على النصيحة

walid_tawfik

اولا عزيزي المعذره على التأخر في الرد
ثانيا للمنطقة اللي تكلمت عنها للامانه ماعندي اية خلفيه عن المدينة اللي تتكلم عنها لانه ايضا لايوجد طلاب
وبالتوفيق

اتمنى من مبتعثين كوريا لو احد عنده اضافه في الموضوع لا يبخل على الجميع
لاتحقرن معلومه قد تفيد بها الاف

انا اود الدراسة في الصين ان شاء الله واحببت قراءة الموضوع على سبيل الفائدة
شكرا

شكرا مرورك عزيزي

شكرا للاخ abtalal1على المجهود الاكثر من رائع
والاخت jijiانا زيك مبتعثه جديدة مختبرات طبيه وجاني قبول من جامعة دانكوك لاكن رفضته لعدة اسباب
الجامعه تدرس بالكوري وكمان بعيدة مره ولما سالت عنها قالو لي مستواها موباللي يسوا جيد او اقل
وانا للحين لي 3اشهر ادرس لغه ومالقيت جامعه كويسه تدرس التخصص اللي ابيه احس اني توهقة