محتارة افيدووووووني

السلام عليكم ورحمة الله وبركاته
انا تقريباً نفس وضعك احتي لدي طفلين وأدرس في الصين عشان كذا حبيت أساعدك
أنا أول ماجيت الصين ومريت الملحقيه وشافوا عندي اطفال هم بنفسهم الملخقيه قالوا لي
اذا حابه تحولي الى بكين عشان المدرسه السعوديه بس شوفي لك قبول واحنا على طول
نحولك.
لكن انا مالقيت تخصصي اللي ابغاه في بكين عشان كذا اضطريت اكمل في منطقتي
والأمور كلها تمام والحمد لله ,,اولادي اثنينهم في الروضه وحالياً صار عندهم مخزون
حلو من اللغه الصينيه يعني يتعلموا شوي شوي
وبالنسبه لدراسة اولادي أنا سألت الملحقيه اذا عادي ان ولدي الكبير يدرس في مدرسه
اجنبيه فقالوا لي عادي والدوله راح تدفع تكاليف المدرسه بس لازم يكون عمر الطفل
6سنوات ..

[QUOTE=روشيانا;1979805]السلام عليكم ورحمة الله وبركاته
انا تقريباً نفس وضعك احتي لدي طفلين وأدرس في الصين عشان كذا حبيت أساعدك
أنا أول ماجيت الصين ومريت الملحقيه وشافوا عندي اطفال هم بنفسهم الملخقيه قالوا لي
اذا حابه تحولي الى بكين عشان المدرسه السعوديه بس شوفي لك قبول واحنا على طول
نحولك.
لكن انا مالقيت تخصصي اللي ابغاه في بكين عشان كذا اضطريت اكمل في منطقتي
والأمور كلها تمام والحمد لله ,,اولادي اثنينهم في الروضه وحالياً صار عندهم مخزون
حلو من اللغه الصينيه يعني يتعلموا شوي شوي
وبالنسبه لدراسة اولادي أنا سألت الملحقيه اذا عادي ان ولدي الكبير يدرس في مدرسه
اجنبيه فقالوا لي عادي والدوله راح تدفع تكاليف المدرسه بس لازم يكون عمر الطفل
6سنوات ..[/QUOTE
فينك عني من زماااااااان انا ابغى وحده تكون في نفس ظروفي عن جد شكرا على مشاركتك
انا ولدي حيكون سن مدرسه ع السنه الجيه والتاني لسا حتى ماجا يعني يمكن يكون عمرو شهرين او ثلاثه انشاء الله وحابه اقدم قسم تجاره الكترونيه واعتقد انو موجود في بكين لاني ماحبيت فكره انو يدرس في مدرسه اجنبيه ولا انتي ايش رايك ؟ وانتي تدرسي ايش وباي لغه بالصيني ولا الانقلش؟ وبتقدمي ماستر زي ولا بكالريوس؟ وفي ايت ولايه تدرسي لانو لو كانت الولايه مناسبه لي راح اجيكي باذن الله يعني فيها حضانه مناسبه لطفل عمرو اشهر ومدرسه لولد سنه اولى ابتدائي؟وامانه كيف الحياه في الصين حلوه لاني مرره مني متخيلتها وحاسه الحياه حتكون مره صعبه بسبب لغتهم الصعبه دي
اسفه جدا هجمت عليكي بس والله ماني عارفه ايش اسوي والبعثه قربت ولو طلبت الصين حتجيني انشاء الله لانو مافي طلب عليها كتير في انتظار ردك

أهلاُ عروسه باربي
لا شكر على واجب^_^
أنا طالبة بكالريوس أدرس طب بشري باللغه الأنحليزيه لكن درست مستويين لغه صينيه عشان ادبر أموري في البلد
أول ماجينا الصين الصراحه كان الوضع جداً صعب لكن بعد مرور3شهورتقريباً حسينا بالإستقرار وارتحنا نفسياً
وتقريباً الكل بيشعر بنفس الشعور عشان تغيير الجو والعادات والنظافه ..
على فكره دراسة اللغه جداً ممتع والحياه كمان حلوه,,أنا أقول لك هالكلام بعد مرورسنه ونصف لي في الصين,,
وأنا انصحك تدرسي لغه صينيه عشان تمشي أمورك في البلد وبعدها تدرسي كورس انجليزي عشان تخصصك وبعدين تدرسي الماستر باللغه الانجليزيه..
أما بالنسبه لتخصصك ان شاء الله تلقيه موجود في بكين
أما بالنسبه لدراسة ولدي في مدرسه اجنبيه أنا ماكنت حابه لكن مو بيدي بس بعدين فكرت حسيت ان الولد راح يستفيد لما يتعلم لغتين
انجليزي وصيني وفي نفس الوقت يكون انتساب في المدرسه السعوديه
ومن ناحية الحضانه ماعندي علم لأني مابحثت عن حضانه لكن تقدري تجيبي لك مربيه ,انا أول 3 شهور جبت الى أولادي مربيه
..أنا موجوده في منطقة شاندونغ-جينان..
وآسفه على الاختصار
أسأل الله تعالى أن يوفقك أختي ويكتب اللي فيه الخير

اختي بتدرسي على حسابك ولا على حساب الدوله
لانو انا نفس وضعك بس ودي ادخل اطفالي بمدارس اجنبيه بس انا على حسابي راح ادرس
خايفه تكون مره غاليه
شكرا اختي على المعلومات المفيده

تسلمي ياختي ع الرد بس كيف ادرس صيني وبعدين اخد كورس انقليش ومتى اسوي هدا كلوووو الوقت كدا حيضيع علي وانا ابغى اخلص باسرع وقت ممكن يعني لغه سنه بالكتير وماستر سنتين وارجع بلدي عشان كدا انا متخوفه من الصين واذا بتدرسي بالانجليش ليه اخترتي الصين انا اتوقعت كول الي يروح الصين يدرس لغة صينه ولا ليش الصين ؟

الله يسلمك أختي عروسه باربي
أنا أقول لك معلومه بس ان مدة دراسة اللغه لطلاب الصين فيها مرونه قد تصل الى سنتين وانتي بإمكانك تقرري كم المده اللي تبغيها
يعني ممكن تدرسي مستوى صيني ومستوى انجليزي وتكون مدة دراسة اللغه عندك سنه
هذا مجرد رأي وانتي الوحيده اللي تقدري تحددي ايش تبغي
أما ليش أنا ادرس في الصين ؟؟لأن انا من حملة الدبلوم وكانت الدول المتاحه لنا فقط اليابان او الصين او كوريا
الأخت meme 29
انا ادرس على حساب الدوله والدوله هي اللي تدفع رسوم دراسة المرافقين..
اتمنى اني افدتكم

مشكوره اختي على المعلومات
والله يوفقك بدراستك