عااااااااااااااااااااااااااااااجل اليوم بروح حق العطيه بشأن امر الاركاب **التذكره **

اخوي العطية هذا منصبه مرتبت وزير

وهو اللي بيدة كل شئ (البعثات)

وامر الاركاب
هو حصولك على تذكرتين ذهاب وعوووده
على حساب الوزارة
ومن مميازاته انه يعتبر كتوصيه من الوزارة للالتحاق
ومعظم اللي اخذو امر اركاب التحقوو بالبعثه بالكثير بعد شهر

وتقبل مروري
والله اعلم

يالغالي ماجاوبتني


لازم نسبه معينه لامر الاركاب



ولا اروح اجرب حظي ولا وش الشرووط الله يجزاك خير انا مسافر بكره الرياض

مافيه شروط بس فيه واسطة وفي أي دوله دراستك ؟؟

طيب على التعميم الجديد
انه ماعاد فيه التحاق بالصين , الا على حسب نسبة المبتعث !
عندك خبر فيه اكييييد

هل بيفيدني امر الاركاب ب هالشي ؟
والا بس انه تكون على حسابهم الرحله الذهاب والاياب !

وهل يقصدون انه وقت الدراسه امر الاركاب
والا قبلها عشان تكتشف الاوضاع بالديره اللي بتدرس فيها ؟

شآكر لك

الالحاق في الصين باقي بخير والامور سهالات انا اجزم ان الالحاق ماياخذ اكثر من ترم دراسي واحد للطالب اللي نسبته اقل من 50

وامر الاركاب اللي تتكلمون عنه هذا الموضوع يخص امريكا وبريطلنيا وكندا اللي تذكرتها تكلف مبلغ وقدرة ماهو للصين اللي تذكرتها الى

بكين ما تتعدى 3000 ريال على افحل خطوط...

اللي ناوي على الصين لايتردد يطلع قبل لايصير في الامور شي ويترك عنه الامور اللي مالها داعي ولا تهمه .....

واللي ماهو صامل للدراسة في الصين وجالس بالسعودية لا يحط اراء من راسة واستنتاجات مالها معنى ووفائدة ولا يكثر يقرا في ملتقى

طلاب امريكا ويدخل ملتقى طلاب الصين ويقوم يطامر بقولة قبول مشروط والسكن مع عائلة ومادري وشو ...


الصين باقي بخير .....

وبالتوفيق للجميع

ياأخي ليه أنت دئما معصب في ردودك ؟ وبعدين ياحبيبي مافيه أحد نسبته أقل من 50% وبعدين طالع تعميم صريح بخصوص النسب والألحاق من الملحق نفسه والعالم قاعدة تدبر مبلغ الدراسه والسفر من يمين ويسار والصين مومثل أول أول صح مايتعدى الطالب 3 شهور الا وهو ملحق الان الوضع تغير وبعدين انا كلمت الملحقيه يوم كنت ناوي على الصين وقالو لي بالحرف الواحد التعميم مطبق له شهر وانا مكلمهم لي أكثر من شهرين ,,,, الا أذا كنت أنت الملحق وغيرت التعميم هذا موضوع آخر ( رحم الله أمرئ عرف قدر نفسه )

وانا أقول ليه الأعضاء كل يوم والثاني ناقص واحد من المنتدى

اخوي انا لا ملحق ولا غيرة انا طالب مثل اي طالب واتمنى خدمة الطلاب ... وان شاء الله ماني بعاجز عن ذلك...

لكن اللي فهمته من كلامك انك كنت ناوي تروح للصين وغيرت رايك وانا طالب في الصين وومتواصل مع الملحقية ...

لكن اتوقع انا اني على خطأ دام انت متصل على الملحقية بنفسك وقالوا لك هالكلام بالحرف الواحد اذا وش عاد ينفع

اني اتكلم .... لا تعليق

بس بغيت استفسر يوم اتصلت على الملحقية من اللي رد عليك ممكن تعطينا اسم نقدر نستفسر منه اكثر ...


اجابات سريعه ....


هاوي ابتعاث

هلا بالاخوان معليش

يالطيبين ترى كلام هاوووووي صحيح

الصين باقي خير عليها وهي افضل مكان تضمن انك تلتحق فيها بسهوله

وانا اعرف شخص يقول ليالامور طيبه وهو يدرس ماستر هناك

لاتتردد يال f-r-r-d ولاتضيع نفسك تطامر هناك وهنا

وانا كلمت بنفسي الملحق صالح الصقري وقلت لها وضعي كذا وكذا

ورح اجي بالشهر الفلاني وعلى حسابي قال تعال

يبن الحلال لاتعقد الامور وعلى فكره ماراح يصير الا الله كاتبه لك

واتمنى تفيدنا ياهاوي عن الاوضاع بالصين اكثر انت خضت التجربه وعارف الدعوه هناك

والله يسهل على الحميع

طيب السؤال هذا المفروض يطلع من واحد غير ملحق بالبعثة وانت على حسب كلامك أنك ملحق ولا الدعوه تحجير ؟؟؟

وتقدر ياحبيبي تتصل وأي واحد يرد عليك تسأله وتشوف ماله داعي تسوي قوي وتسأل أسألة ذكاء عندك شيء رسمي طالع من الملحقية أكتبة هنا ماعندك لاتفتي وتسوي المتحدث الرسمي للملحقية يابطل ,,,, انا كلامي والكلام الي قلته سابقا بناء على تعميم رسمي طالع من الملحق نفسه وبعد ماتأكدت منه بنفسي

انا يالغالي ماراح اطامر هنا وهناك انا اطامر ورى مصلحتي وانا فعلا كنت ناوي أدرس طب بس غيرت الوجهه الى الهند بالدرجة الأولى او ألمانيا وكان سبب تغيير الوجهه انه الطب في الصين مش ولا بد وهذا كلام اكثر طلاب الطب في الصين انا ماطلعت أبي أدرس عشان ألتحق لالالالالا انا طلعت عشان أدرس يعني الي يبي البعثه تبي تجيه لكن وش فايده الدراسة والتعب وآخر شيء شهادتي مضروبه ؟؟ لابورد امريكي يعترف بها ولا لغة اتفاهم فيها زي الناس وأذا الهند أو ألمانيا بيتأخر ألحاقي فيها شهر ولا شهرين ولا ثلاثة ماعندي مشكله اني أضحي واتعب بس على شيء قوي ومعترف دوليا فيه ولا اتحسف بعدين أتمنى انها وصلت الفكرة