عااااااااااااااااااااااااااااااجل اليوم بروح حق العطيه بشأن امر الاركاب **التذكره **

وعليكم السلام وحمه الله وبركاته


خذ صور من كل شي معك _قبول +معهد+جامعه+جواز+فيزا +بطاقتك ( كل شي عندك في الحياة خذه .

الا عبينا استماااره عندهم

عفوا من السهر ماني قادره اركز

موفق أن شاءالله حبيبي بس أذا كنت برا الرياض لاتتعب نفسك أرسلها لأحد بالبريد الممتاز وخليه يوديها لك وأذا انت في الرياض دبر لك واسطة حليوه معك لأنه تبي تلقى سرااااااااااااااااااااااا قداااااامك تبي تكره أم الدراسة وكل واحد معه أوراقه والي جايب أبوه معه والي جايب عمه يشتغل فراش عند سكرتيرسكرتيرالوزير أنا حاولت معهم يوم كنت ناوي على الصين وكل شوي مصرفيني لدرجة اني طقيتها سواليف مع السكيورتي الي برا والله انه أطيب واحد فيهم صحيح أنه عصبي بس من حقة مكروف ,,, بلغنا حبيبي بالي يصير معك

ماقصروا الاعضاء
اتمنى تحصل على امر الاركاب ان شاءالله ...

تقصد امر اركاب للصين .....

ترى التذكرة يالغلا 2200 ريال سعودي الى اي مدينة تبيها هناك وش امر اركاب وش خرابيطة الوقت اللي بتضيعه ورى هالمواضيع ودراهم الروحة والجية انت اولى بها ....

وبالتوفيق ان شاء الله ...

الله يصلحك بس ياهاوي اذا على التذكره انا حجزتها وخلصت بس قلت بقط حصاتي

وبعدين اغلب العالم يقولون انها تسهل عليك الالحاق اذا كان عندك امر الاركاب ,,,

المهم سمعوا وش صار معي اليوم ,,,,,

رحت اليوم حق العطيه

وقابلته واحس اني متفائل خير

طبعا انا توهقت لاني مااخذت نسخ

عاد اضطريت ادور محل تصوير

ولقيت واحد الله يجزاه الف خير وخير

فرج كربتنا كان تاخرت حيل بس الحمدلله

خلانا نصور بالمكتب عنده

طبعا مااظن يحتاج خطاب ولاخرط

اهم شي نسخه من القبول والفيزا والجواز والثانويه مترجمه

طبعا اول ماتروح الوزاره تروح حق السكرتي ويعطيك نموذج

تعبيه بأسمك ونسبتك بالثانوي و وش حقه جاي انت والتخصص والدوله

وفيه فراغ حق ملاحظات ماتكتب فيها شي هذي حق العطيه

وجوالك وايميلك

المهم تالي ترجع الورقه حق السكرتي

ويدخلونها على العطيه وبعدهاا ينادونك ويعطونك الورقه

عشان تدخل على العطيه

المهم قبل ما ادخل انتبهت حق خانة الملاحظات حصلت مكتوب

فيها إلحاق بالبعثه وكلمه ثانيه مافهمتها الظاهر الفيزا

المهم اخذ اوراقي العطيه وقالي وين قلت الصين تالي

شفته وقع فوق وكتب كلمه والله مدري شنهو

وقالي الاتصالات وتالي رحت الاتصالات

عطوني ورقه صغيره مكتوب فيها الوارد

ومكتوب عليها اسمي وفيه 6 خانات وخانه منهم

محطوط عليها صح اللي هي ( البعثات 154-343 )

يعني راجع المبنى الثاني اللي بحي الغدير عاد قلت لهم متى اروح لهم

واحد يقولي بعد 3 ايام و واحد يقول بعد اسبوع

المهم قلت مالك بالطويله ياولد واروح المبنى الثاني اللي بحي الغدير

المهم اخذت رقم وانتظرت وتالي دخلت الاستفسارات

وقلت له المبنى اللي بالناصريه عطوني هالنموذج متى اقدر اجي

قالي تعال بعد اسبوع ونص او اسبوعين

قلت له يعني يالطيب المعامله ماشيه والا تصريفه

قالي شوف اذا قالوا لك رح مكتب الطيار يعني معاملتك موافق عليها

واذا قالوا لك رح حق مكتب كذا او كذا يعني تصريفه ولاتتعب نفسك

وتالي عطاني ورقه طبعها مكتوب عليها الارقام والمعامله

وانشالله نطلع بنتيجه والله يسهل الامور ...

الله يوفقك ويسهل امورك لكن كان قصد الأخ هاوي أنه مايحتاج تتعب نفسك وهي كلها مثل بعض أنت بأذن الله ملحق ملحق بالبعثه

لاو بعد حاجز ومنتهي يعني بالله أذا اعطوك التذكره وش راح تستفيد وانت كل يوم متصلين عليك ورايح جاي للرياض من مراجعه في مراجعه والواضح انك من اهل الشرقيه وخذ لك تفكير وهم وبالنسبة الي صار معك اليوم هذا صار مع الكثير والنتائج تختلف بس اغلب الطلاب الي راحو للوزارة كانت دراستهم في الدول المطلوبة مثل بريطانيا أمريكا كندا أستراليا وليس للصين ودول آسيا !!! على العموم موفق بأذن الله وعقبال ماتنزل موضوع بعد ماتوصل للصين وترفع اوراقك تبشرنا فيه بألحاقك .

امين يارب وجزاك الله الف خير

ربي يسمع منك ويسهل اموري وامورك

والجميع ,,,

الله يوفقك اخوي

بس بغيت اسآلكم
وش يطلع هالعطيه !!

يعني منو هذا

وامر الاركاب وش معناه ؟

افيدوني لاني على وشك السفر لِ الصين
عشان اكون على بيـّنه

والله يجزاكم خييير

الله يعافيك اذا نسبتي 82 اخذ امر اركاب ولا مالها دخل النسبه اتمنى الرد بسرعه