الـى كـل طـلاب الـصـيـن ... شـكـراُ لـكـم

والله ونعم وأتمنى لك سفراُ سعيداً
ياخوي حنا بخدمتك ان شاء الله وتوصل بالسلامة والله يحييك بين ربعك وناسك
راح ارسل لك رقمي الصيني على الخاص
ونصيحة بالاكل والبنادول لاتاخذ ملابس عبي الشنطة أكل والله يان عندهم اكل يجيب المرض

بالتوفيق يارب

حقيقه انا بالسعودية االان ولا كان يشرفنا انا نضيفك كم يوم عندنا في بكين ورحلتي بتكون عقب رحلتك
فعموما ارسل لي ايميلك على الخاص وان شاء الله نتواصل

حياك الله يالغالي .. واتشرف والله بمعرفتكم

وانشالله بزوركم خلال الاجازه وانا رايح للملحقيه

وجزاك الله كل خير

حياك الله يالذيب

حبيبي من ناحية

رقمي الخاص

انا توني جديد باللغة يعني رايح فيها ^_^

رايتك بيضاء يالغالي ,,

اما من ناحية وش تأخذ معك

نصيحتي خذ معك

بهارات كبسة+جبنة كرفت(كرتون)+تونة(خذ لك حبات)+تمر+مكونات القهوة+اندومي(كرتون)
وانت برمضان خذ لك معك عجينة سمبوسة ضبطها ^_^<<<بسويها
وخذ كل شي معك تحس انك بتآكله

حلوو ممتاز بس هالدنيا وين نحطه هي شنطه وحده ما اعتقد راح تكفي الشنطه عادي اخذ ثنتين ؟
طبعا شي طبيعي بتتعب بالاكل في البداية

بعدها بيصير الوضع عادي عندك

تعلم الطبخ قبل ما تتحرك افضل لك

الله يعين ,, شكلي ابي اقزر بالبدايه على كنتاكي وماك وشلتهم

وخذ معك مصحف+سجاة صلاة

وبس هذا اللي اعرفه بالنسبة لي

بس انتبه للوزن الزائد القطرية


آخر مرة رحت عن طريقها الظاهر المسموح 20كيلو

يعني حاول انها ما تتعدى

طيب كيف من ناحية الوزن كيف اعرفه انا شنطتي وصلت 20 او 30 كيلو او لا ؟

واذا حسيت غراضك كثيرة

خذ معك شي بسيط وخلي اهلك يرسلون لك الباقي شحن

وبالتوفيق لك يالغالي

الله يجزاك الف خير يالغالي وبيض الله وجهك

معلومات قيمه قدمتها لي ولا يسعني سوا قول جزاك الله خير