استفسار الحضانة-الروضة-الأطفال-الحمل-الولادة في اليابان

إحم
يا جماعة..أي معلومة لو سمحتو

حيااك الله اخوي ...

انا طالب باليابان لاكن مااراح افيدك 100% لاني مو متزوج ..
واغلب طلاب اليابان عزابيه ...

لاكن اسمع انت جاي ع البعثه صح ..
بكذا لاتخاف لان الملحقيه راح يسكنونكم بسكن خاص مستأجرته الحكومه ..
للمتزوجين والبنات اللي جايات مع محرم .. وكله سعوديين وقريب من السفاره والملحقيه

بالاضافه بطوكيو وبتلقى ناس يسكنونك وينتبهون على اهلك لاتخاف من هذي الناحيه ..

وكمان هناك رقابه يعني اهتمام لكم في حال احتجتم اي شئ ..
من ناحيه الولاده او المستشفى او شئ خاص بكم فالملحقيه راح تكون موجوده معك للمساعده ..

اما التعليم الملحقيه ملزومه تتكفل بتعليم ابنائك عند السن القانوني للدراسه وهو 6 سنوات اضن ..
اما اذا حضانه .. فهذي راح يفيدك المعهد اللي تدرس فيه انت او زوجتك اسئل المسؤولين بالمعهد ..
لان المعهد ملزوم يساعد الطلاب عند الاحتياج فراح يدلونك ع حظانه ممتازه ومناسبه لك وللاطفال ...

واعتذر اخي ع القصور لاكن صدقني محد راح يفيدك اكثر من كذا
وانشاء الله تيسر امورك ..وراسل الملحقيه للتطمن اكثر ..

تسسسسلم أخي و بارك الله فيك

السلام عليكمأخي الكريم انا ايضا اسألنفس السؤالعن وضع الأطفال وقد قمت بالاتصال بالملحقية واخبروني بان المعهد هو من يستطيع مساعدتنا ومن ثم قمت بالبحث عبر المواقع عن الحضانات ولكن الحضانات الخاصة مكلفة جدا جدا ولايستطيع اي طالب تحمل تكاليفها حيث ان الطفل الواحديمكن ان يكلف حوالي 2500 ريال في الاسبوع !!!ومن خلال بحثي عرفت ان الحضانات الحكومية مجانية وتقبل الاطفال من سن صغيرة ولكن في حالة واحدة فقط اذا كان الوالدين يعملان بدوام كامل ويمكن الوصول لها من خلال مكتب المدينة التي تعيش فيها ولكن لا اعرف اذا كانت تقبل الاجانب وفي حال تقبلهم هل نحتاج الى مدة انتظار ام القبولفوري !!من يمللك معلومات او تجربة يقدر يساعدنا فيها وحبيت اسالك اخوي انت متى طالع اليابان ؟شكرا جزيلا ..

السسلام ع ـليكم ..

اسمعو اخواني انا باكر بالمعهد راح اسئل المدرسات لانهم اخبر بالشئ ذا وراح اجيبلكم المعلومات الكافيه عن الحاضانات ..
مع العلم امكن الحضانات بطوكيو تكلف اكثر من اللي بالمدن الثانيه ..

انا ساكن بمدينه Saitama تبعد 30 دقيقه عن طوكيو .. المدينه كبيره ومشهوره بجامعاتها ..
لاكن اصحابي ساكنين بطوكيو بالسكن الغرفه بـ 6000 ريال تقريبا ,,
انا بـ Saitama الغرفه حقتي اكبر مرتين من غرفتهم وبـ 3100 ريال ..

شفتم الفرق كيف لذا امكن الحضانات نفس النظام لاكن راح اجيبلكم باكر المعلومات كلها ..
ودعواتكم لي بكار عندي اختبار ..

أخي "أنا أنا" شكرا على تجاوبك. أنا مرافق لزوجتي و ننتظر القبول النهائ بالمرحلة السادسة و ما أدري متى نطلع

أخي "قايد الريم" و الله إنك كفو..و الله يوفقك في اختبارك
و ننتظر منك الاخبار

السسلام ع ـليكم ..
اليوم جيت من المعهد كلمت المدرسات عن الحضانات ...

تقول ان //
الحضانات الخاصه اغلى بكثير من الحكوميه ..
الحضانات الحكوميه تستقبل اي كان اجانب او يابانيين ..
و تعتمد التكلفه على حسب دخل الوالدين و اوقات الدوام ..
يعني تقول لو الاب والام مالهم دخل كبير يصير التكلفه ارخص وامكن توصل لـ (مجانيه) ..
لاكن مدري هل ينطبق على الاجانب بشأن الـ (مجانيه) ..
اما اذا لهم دخل فيحسبون نسبه بسيطه لاجل مساعده الحاضانه ..
وتقول بالمتوسط يكلف الطفل الواحد تقريبا 60 الف ين (2675 ريال سعودي) .. بالشهر الواحد فقط
طبعا التكلفه في حدود المتوسط وامكن تكون اقل ..
و يعتمد ع الدخل و وقت فراغ الوالدين ...

وحاب انبهكم اخواني ..
اولا :: الحضانه في مينه طوكيو غاليه اكثر من المدينه اللي انا فيها Saitama مع انها نفس الشئ
لاكن طوكيو مدينه عالميه وايضا مركز تجمع لكل المراكز والشركات العالميه لذاك هي غايه مع ان Saitama تحتوي جامعات
من افضل جامعات اليابان ومنها Saitama University
ثانيا :: الحضانات تعلم الاطفال اللغه اليابانه ولها ايضا نشاطات ..
لذا انتبهو لـ اولادكم من هذه النشاطات يمكن تكون دينيه او شئ يضر بدين الطفل او عاداته ..
وبكذا الطفل مايدري بيتعلم اللي يشوفه وتثبت في ذاكرته ...

ملاحظه // المفروض ان الملحقيه الثقافيه تدفع تكاليف الاهتمام بالاطفال ..
والمكافأه راح يعطون الزوج مكاأه والزوجه مكافأه والاطفال ايضا مكافأه وتصل مكافأه المبتعث الى 230 الف ين (9200 ريال سعودي)
اما المرافق له 50% يعني يعطونه (4600 ريال سعودي) طبعا المبتعث مكافأته لحال والمرافق لحال .. والاطفال اضن لهم نسبه معينه
لاكن انا بتصل فيهم بكره .. لاننا اللحين الساعه 5 ودوامهم خلص .. باكر اتصل فيهم واجيبلكم العلم الاكيد ..
واتمنى التوفيق والنجاح للجميع ..

تسسسسسسسلم يا قايد الريم
جزاك الله ألف خير على المعلومات

بس .... همممم
أنا عندي بنتين وولد
يعني 2675 ضرب 3
8025
يعني ناكل عيش ناشف

الله يسهلها