استفسار إيش الأهم من بين اللغات الثلاثة ؟

أنت وش تتوقع
انا أقولك ولا وحده فيهم ذات أهمية اذا انت تبي تتعلمها عشان التوجه التجاري

بالتوفيق لك ...

اضم صوتي الى صوت محماس غير مجدية تاخذ جهد منك على غير سنع
صحيح تعلم اللغات شي قوي جدا ولكن الواحد يوفر جهد التعلم في لغة اكثر نطق
اولا لممارسة التكرار للغة لتقويتها وعدم فقدانها
ثاني اختلاف الجنسيات والثقافات
الغة اليابانيه في اليابان والكورياة في كوريا والصينية في الصين وانا اشوف الصينية اهم لغة فيهم بحكم عدد الناطقين لها وايضا التجاري

ومن وجهة نظري اللغة اكثر اهمية
الانجليزية وهي لغة الدولية ثانيا اشوف الاسبانية بحكم عدد الدول الناطقة بها وبعدها الفرنسية والالمانية وغيرها سلمني عليها كل سنة وانت طيب خاصة دول شرق اسيا

الأخ محماس.. شكرا جزيلا لك.. كنت متأكد إنك حتكون أول .. أنا عموما غير مبتعث لكن قريبا حأكون إن شاء الله.. المهم.. هذا يعني إنك تنصحني بالولايات المتحدة.. صحيح ؟
الأخ أبو طلال.. يعطيك العافية حبيبي.. أتفق معك إنه اللغة الإنجليزية هي الأهم.. أنا عموما بالفعل أتقنتها ولله الحمد.. عشان كذا قاعد أبحث عن لغة ثالثة.. وبصراحة توقعت إنه اللغة الأهم بعد الإنجليزي حتكون من العالم الشرقي.. بحكم التوجه التجاري أولا.. وثانيا لقلة المتحدثين باللغة الإنجليزية من أهل هذي الدول.. أما فرنسا وأسبانيا وباقي دول العالم الغربي.. أتوقع ولست بأكيد إنه كثير منهم يعرفون إنجليزي ومافي داعي لتعلم لغتهم للتواصل معهم
كان فيه لي زميلة كورية أتذكر إنها قالت لي حاجة مرا حلوة وما أدري عن مدى صحتها.. كانت تقول إنها إذا كانت تعرف عربي كان حصلت أحسن وظيفة في كوريا (صيغة مجازية).. فهذا الشي لفت نظري للموضوع أكثر وأكثر

بالتوفيق لكل المبتعثين

شكرا لك عزيزي
بالنسبة لفرنسا والمانيا صدقني التواصل معهم بلغتهم وايضا بالنسبه انت لاتنظرلها تواصل مع الشعب تاخذ اللغة لاجل التواصل لا المقصد منها كعمل في المجال الوظيفي وتعدد الخيارات بالنسبه للوظائف سواء كانت في سلك عسكري
او شركات اوربيه او في المستشفيات وكاأقل تقدير تستطيع من فتح مكتب للترجمه اقلها ترجمة التقارير الطبيه والشهادات
للطلبه .....
اما بالنسبة لزميلتك الكوريه صدقني الكوري هنا في كوريا عندنا اللي يتكلم عربي وظيفته عادي مع العلم بانه فيه جامعات في كوريا عندها تخصص اللغة العربية واللي ااعرفه كوري ويتكلم عربي وظيفته متابع للطلاب في الجامعات او في السفارات ووظايفهم استقبال وراتبهم من من 2000 الى 3500 دولار هذا اللي اعرفهم

وبالتوفيق انشالله

اممم.. على كلامها كانت تقول إنه مستخدمي اللغة العربية مطلوبين جدا في شركات البترول وما إلى هنالك.. بس عموما البنت كانت غشيمة شوي وييجي منها تخربط أشياء ما تعرفها.. يعني مو بالضرورة كل شي تقوله صحيح ^__^

أجل حأدرس بعد فكرة فرنسا وألمانيا.. ويعطيك العافية أخوي على النصيحة الطيبة.. والله يكتب اللي فيه الخير لنا واياكم أجمعين

السلام عليكم ورحمه الله وبركاته ..

مساكم/صبحكم الله بالخير

حبيت بس اعلق على كلامك اخوي سائل .بنسبة لكلام البنت ..اشوف انه صحيح واللي اكد الكلام اخونا abotalal1
تدري ليش ... لانه يقولك رواتبهم من 2000 إلى 3500 دولار ..تدري كم هذي من 7500 ريال إلى 12000 ريال
هذي بالريال .. تدري كم بالكوري والصيني الدبل يعني واحد توه متوظف يستلم 20000 الف ايوان .قوية


النقطة الثانية : تدري تاجر سعودي يقولي اصرف على المترجم ما يقارب 5000 دولار خلال عشره ايام او خمس عشر يوم .. مادري كم ياخذ عليه بالساعة .مبلغ وقدرة ..


الحاجه الثانية : صديق لي كان يتعامل مع مترجم صيني لكن بالجوال .وكان ياخذ عليه 50 دولار وماكان قدامه حل ثاني .. يعني لوتحسب بالساعه ياخذ عليه 3000 دولار .. شي يخليك بالزبط هههه


دخلت مدرسة صينية لتعليم اللغة العربية سألتهم ليش تتعلمون العربي .احسبهم بيقولون لي اسلمنا او عشان الاسلام او اقل شي ثقافة لكن كلهم يقولن عشان نترجم لشركات العربية والتجارة ..
وواحـد جيد في اللغة العربية يقول : ترجمت عقد صفحة وحده لشركة بـ 5000 دولار ههه ورقة A4 ترجمها بهالمبلغ لانه ماقدامهم خيار ثاني اكيد عطوه ..

معليش طولت عليكم بالكلام لكن ليش العجم يتعلمون عربي عشان يسحبون ويستغلون مانملك .
وحنا نتكاسل نتعلم شي يصون اموالنا وعقلياتنا من الاستغفال والاستخفاف..


اتمنى ما اكون اطلت عليكم وشاكر لكم طرح الموضوع ..

إيش دعوة أخوي الله يهديك بس ؟!! بالعكس حنا اللي تعبناك معنا الله يعطيك العافية.. كفيت ووفيت ونورت الموضوع

أنا عموما هذا الكلام اللي كنت متوقع أسمعه من البداية.. وينك من زمان ؟؟ هههههههه
حتى من غير الكلام اللي قالته الأخت الكورية.. أنا من خلفيتي العامة أعرف إنه التوجه التجاري هاليومين انتقل للشرق الأقصى.. بالذات طبعا العملاق الاقتصادي الصين.. تشوف مافي حاجة نشتريها أو نستخدمها اللي وتكون صناعة صينية أو على الأقل تجميع صيني !! التجار كلهم صاروا يعتمدوا في تجارتهم في أكثر السلع بشكل كبير على الصين.. ما عدا بعض أنواع السلع مثل الأدوية والأجهزة الطبية هذي غالبا تكون من أوروبا وأمريكا.. لكن باقي الأشياء كثير منها حتى أوروبا وأمريكا نفسها تستوردها من الصين !! لدرجة إني سمعت إنه الغربيين نفسهم صاروا حريصين على تعلم اللغة الصينية.. فمن غير المعقول بعد كل هذا تكون اللغة الصينية غير مطلوبة نهائيا !!!! في رأيي هي اللغة المطلوبة بعد اللغة الإنجليزية.. أما طرحي للموضوع كان هدفه الاستفادة من آراء أكثر دقة لمبتعثين يدرسون في هالدول ^__^

عقبال ما نشوفك من كبار تجار الصين إن شاء الله.. بالتوفيق وحياك الله كل يوم

تعلم لغة البلد الذي اكثر شي تروح له وتتعامل معه

هذا الكلام ^__^
لكن هنا النقاش بشكل عام عزيزي طموح اشم وبغض النظر عن ما إذا كان عندك تجارة في بلد معين
ويعطيك العافية