مساعدة صراحه ترددت كثير بس ابي احد يد بيد معاي :(

ان شاء الله يجي احد طلاب اليابان ويساعدك :/

حنا حقين الصين نتبع العلاقات الدولية , والصين علاقتها مع اليابان مضروبه :/

بالتوفيق لك ان شاء الله

هههههههههههه

حلووه محماس العلاقات الدوليه اجل مثل الكوريتين

تمنياتي للاخت الى كاتبه الموضوع التوفيق ويردون عليها الاخوان في اليابان

اللهم امين


يلا ان شاء الله احد يرد علي ولا يكسر بخاطري

اولا/ حاجه انتي تحبي تدرسي على حسابك الخاص؟ اذا نعم اول حاجة ابحثي على معهد لغة ثم سجلي فيه كما في المواضيع المثبته للعضو قايد الريم
اما اذا كنتي تحبي تدرسي على بعثة خادم الحرمين فهم يتكفلو بكل شي وراح يوقفو معاك ان شاء الله (اضن معروف اوقات التسجيل والطريقة)

ثانيا/ فيه طريقتين لتحصلي على المعلومات الي تحتاجنها:

1-الاتصال على الملحقية الثقافية باليابان ومنا قشة كل ما تريدين وما راح يقصرو معك (حسب تجربتي)
2-ملتقى الطلاب السعوديين في اليابان (موقع يهتم بكل ما يخص الطلاب السعوديين في اليابان)
http://saujap-abroad.com/vbs/

اتمنى اخدمك من عيوني بس هذا جهدي ولو اقدر اقدم لك اكثر قدمت بدون تردد

*نصيحة لا تتسرعي ولا تثقي في اي احد توكلي على الله واخلصي النية واهم شي رضا الله ثم رضى الوالدين

(باختصار الملحقية راح يبردون قلبك )

اسف ليس لدي وقت لتنسيق المشاركة

الله يعطيك العافيه ما قصرت معاي

وان شاء الله بكلم الملحقيه

قايد الريم خنقتني العبره يوم شفت ردك

بجد فرحت فيه شكرا اقوى شي على الرد اللي يبرد القلب الله يوفقك وين ما تروح

وبسوي كل اللي قلته وبرجع ارد عليك وافصل اكثر بتخصصي وش ابي بالضبط

ماشاءالله ماقصروا الاعضاء ..

بس حبيت اقول انه جامعة توهوكو
في شمال اليابان
في محافظة توهوكو
مدينة سنداي (اكبر ميدنة في تلك المحافظة)
مدينة خضراء , شعب طيب
ربما تحسين بالغربة بقوة في تلك المنطقة لقلة العرب بشكل خاص والاجانب بشكل عام.

الجامعة بها اجانب كثير لكن مب مثل طوكيو واوساكا .

الجامعة تعتبر من ضمن أقوى 5 جامعات في اليابان
توجد بها بعض التخصصات بالانجليزي وبعضها بالياباني

يوجد بالجامعة طلاب من المغرب - مصر - ايران - تركيا - 2 سعوديين - بحريني - وغيرهم من الاجانب من دول اخرى

ويوجد معهدين لغة , احدهم تتعامل معه الملحقية الثقافية (يعني عندهم علاقة مع الملحقية)

هذا مالدي عن الجامعه والمنطقة

ابو قاسم وانت بعد ما قصرت خدمتني جدا بالمعلومات ذي

الله يعطيكم العافيه وان شاء الله بقرر وش القسم وربي يكتب لي اللي فيه الخير

BrB