مساعدة النجداااه ايها المبتعثون ..

السلام عليكم أنا شخصيا انصحك بالصين لاني مجرب الدراسة فيها وتوكل على الله رخيصه وجميلة والدراسة فيها جدا رائعة ومن ناحية الابتعاث ترم واحد وتبتعث

شوف حبيبي أولًا إنت كاتب طب في تخصصك فإذا كنت تريد طب في اليابان مستحيل الوزارة موقفة التخصصات الطبية في اليابان

الإلحاق ما ياخذ 4 شهور في اليابان بالكثير شهرين لكن عمومًا بشكل مبسط

رسوم المعهد سنويًا 800 ألف ين = 40 ألف ريال تقريبًا وهو المبلغ الوحيد الذي يتم تعويضك بدلًا عنه في حال تم إلحاقك إن شاء الله
وبعض المعاهد تقبل برسوم 6 أشهر يعني نصف المبلغ اللي فوق

السكن شهريًا 80 ألف ين = 4000 ريال تقريبًا لكل شهر ( سكني غرفة واحدة مفروشة فيها حمام ومطبخ ومكيف وثلاجة ودولاب وسرير بـ 75 ألف ين شهريًا )

المعيشة شهريًا 50 ألف ين = 2500 ريال تقريبًا لكل شهر ( هذا في حال كنت قعيطي زي ما تقول )

بالتوفيق

مشكور أخوي ريكلمي 10

جزاك الله الف خير وجعلها الله في ميزان حسناتك يوم القيامه
سؤال أخير كم يطلبون ضمان بنكي
ووش ارخص مدينه علشان ادرس فيها اللغه

هلا طموح ثابته انت تبغى تدرس طب ولا ايش ..

تبغى اليابان ولا كوريا ..

وانا شفت في ردودك جاك قبول من جامعه من كوريا .. الملحقية اللي جابته لك .. حدد وجهتك ولاتضيع وقتك عزيزي..

ياطويل العمر انا ابي عرف كل شي عن الدولتين
علشان لما اروح ما ندم
ايه نعم انا معي قبول طب في كوريا
لكن محتار بين طب كوريا وهندسه اليابان

بالنسبة للغه انا مابديت لأني يوم الأثنين ان شاءالله راح ابتدي اللغة ... لك سنتين تدرس فيها لغة لكن فيه ناس تخلص خلال سنه وناس تاخذ اكثر
بس البعثه يعطوك فرصة سنتين .. بس للي يجد ويجتهد كافيه له السنه ان شاءالله ..

بالنسبة للمعيشة في سيؤول غالية جداً بس المكافئة تكفي للي يرتب اموره وصرفيته ولايقصر عن نفسه بس بترتيب
وفيه شباب اعرفهم ماشاءالله عليهم يوفرو مبالغ ولاهم مقصرين عن نفسهم ..

عموماً الملحقية تحاول تبعد الطلاب عن سيؤول عن ضجة المدينه وغلاء المعيشة فيها ولأن الطلاب السعوديين كثروا في سيؤول ..

الشعب خلوق ومنعزل وخجول .. مابعد يتعودو على الأجانب .. بالنسبة للأمان الحمدلله أمان ..


بالنسبة لي انا ماشرطت على الملحقية اي مدينه وجابوني في كوانجو تبعد بالقطار السريع 3 ساعات تقريباً عن سيؤول..

عموماً اسأل الله ان يوفقك ويختار لك الخير..

والله الضمان البنكي الصراحة ناسي كم طلبوا تعرف قبل سنة وزيادة تقريبًا لكن ما بين 80 إلى 100 ألف ريال سعودي وكلما زدت يكون أحسن طبعًا تكون في حساب كفيلك أو ضامنك أو داعمك أو اللي هو أو حسابك انت أحسن طبعًا وتستخرج شهادة من البنك مصدقة تؤكد أن هذا المبلغ متوفر فعلًا في حسابك أو حساب كفيلك ناسي اسمها الظاهر شهادة بنكية أو شي زي كذا المهم بعد ما تطلع الشهادة وتخلص من الخطوة نهائيًا رد الفلوس لأهلها إذا كان متسلفها هم بس يبون يتأكدون إنك ما راح تكون عالة عليهم أو تتوظف في بلدهم أو شي من هالقبيل لأنك راح تجي بفيزا طالب

أمّا أرخص مدينة والله الصراحة ما أدري اللي أعرفه إن اليابان كلها غالية بشكل عام وأغلى مدينة طبعًا طوكيو العاصمة عمومًا أنا ساكن بسايتاما والوضع حلو جدًا وأقدر أوفر من مكافأتي ولله الحمد شهريًا مبلغ طيب

فيه نصيحة إذا سمحت لي أخي

انت محتار بين الطب والهندسة ؟؟

لو قلت لي بين تخصصين في الطب أو قلت بين هندسة ميكاترونيكس وهندسة إلكترونيك معقول لكن بين طب وهندسة لا مو معقول هذا خطأ كبير ويشكل عليك مجهود نفسي كبير لازم تحسم الأمر وأنا أخوك وتحدد جهتك قبل كل الكلام الفايت هذي أهم نقطة الله يسلمك وطبعًا الطب لا يقارن بشيء والأمر لك بعد الله استشر واستخر واحسم أمرك وخلاص لا عاد تلتفت بعد أن تحسم امرك إلى أي رأي آخر مهما كان واستمر إلى أن تحقق نجاحك بإذن الله

وفقك الله

الله يجزاك خير على المعلومات والنصايح
الطب وانا اخوك هي الرغبه الاولى والطموح
لكن اللي يخليني افكر بالهندسه قله السنوات مقارنه بالطب
وانا مع الاسف عمري 21 سنه والى الان متشتت
ولا ابي ادرس شي بعدين اندم اذا راح عمري
والهندسه ما تقل اهميه وهي اللي تملى عيني وترضي نفسي بعد الطب
{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}.