~~المقهى السعودي في كوريا ~~

بعدين اش فيهم الحكوووووووهه على الزياده 5%

ايه نسيت وانا افرفر بكلامكم شفت رد للاخت مبتعثه

احب اقول لها نصيحة مجررب ض4

لا تاخذين كلام عن طريق الاتصالات لان انا اخر واحد جاء كوريا والسبب الاتصالات

كل واحد يصرف عشان يحط رجل على رجل ويشرب شاي وبتقعدي على الاتصالات حتى ينتهي قرار الابتعاث حقك وتقعدين شهرين عشان يضبطون لك وضعك انا قعدت شهرين يقولون لي الاسبوع الجاي وعاد انا كل اسبوع رايح للرياض وبالاخير النتيجه وش هي ض4

قرار ابتعاثي ضايع ومو مسجل بالكمبيوتر + جواز سفري في الخزنه والخزنه عطلانه < خدمات هأي هأي

وكان الكلام هذا من فتره ولا حبو يقولون لي هالكلام وكان يعتذرون لي بأن الدكتور السعود مسافر واوراقي معه

بالاخير لقيت واحد قال لي لو تقعد كذا ما فكرو فيك روح كلم دكتور اسمه ماجد < ناسي اسمه الكامل

هذا يكون بمقر خدمات واستلام وتسليم اوراق المبتعثين

رحت سالت عنه اسمه الدكتور ماجد < هو ماجد بخدمات المبتعثين يعني ما يضيع

حكيت له القصه والاتصالات وكم مرره جيت المهم قال لي انتظر شوي
انتظرت يمكن نص ساعه رجع لي بعدها علمني السالفه وقال لي غلطتك تسمع كلمة الموظفين وتمشي وقال لي لا ترجع جده تعال لي بكره اول ما اتصل عليك ويصير خير

طبعا هذا الكلام الساعه 11 الصباح

الساعه 3 الظهر اتصل علي قال تعال خلص اوراقك ولازم تسافر خلال ثلاث ايام باقي ع قرارك خمسه ايام وينتهي وباقي ع فيزا الدخول 8 ايام يعني الحق نفسك وسافر

عشان كذا افضل ترسلي ولي امرك يسال عن الدكتور ماجد او اي دكتور مسؤول لان اكثر الموظفين ملخبطين بالاوراق حق الطلاب ويصرفون وافضل انه يسال عن الدكتور ماجد لانه انسان واقعي وما يرد ويصرف اللي يساله يروح يسال ويرد عليك خبر اكيد واذا فيه تاخير بسبب من موظفي الوزارة راح يمشي لك امورك ان شاء الله

تحياتي