مبتعثين المرحلة الثامنه إلى اليـــابــان

أهلا بك اخوي....انا قيد الانتظار ولم ابتعث الى الان ... فما اقدر افيدك بخصوص الجامعات اما المدن فالاغلى تكمن في طوكيو و اوساكا اما البقية فتعتبر ارخص منها

السلام عليكم ورحمة الله وبركاته
الاخ الفاضل سلمان... جزاك الله خير على ماتقوم به.
انا عندي كم استفسار وان شاء الله القى الاجابه هنا
انا قدمت على لبعثة المرحلة الثامنة للدكتوراه وان شاء الله اليابان كانت اول دولة اخترتها. انا متخرجة من استراليا ماجستير صحة عامه وحابه اكمل في اليابان الدكتوراه. الان عمال ادور على جامعات لديها نفس التخصص وراسلت جامعة طوكيو وردو بانه لايوجد لديهم دكتوراه وفقط ماجستير. صديقتي اخبرتني انه مو لازم انا ابحث عن جامعه حاليا لانه المعهد راح يساعدني في دا الموضوع. فاحبيت اعرف هل اوقف البحث عن جامعه وابدا البحث عن معهد؟؟؟ هل لازم يكون المعهد تابع لجامعه موجود فيها التخصص؟؟؟ قرات انه لازم في المرحله الثامنه دحين نبحث عن معهد وجامعه لانه الوزارة ماراح توفر لنا قبولات....
اخيرا ايش المطلوب مني عمله الان؟؟؟
واسفه جدا على الاطالة والازعاج . جزاكم الله خير وربي يوفقنا لما يحبه ويرضاه يارب العالمين.

بالنسبة للدكتوراه راجعي الملحقية مباشرةً وخذي العلم من روسهم
والملحقية متعاونة جدًا وراح يعطونك كامل المعلومات اللي تريدينها إن شاء الله
انتبهي لا تقولين صديقة ولا قريبة الملحقية راح تريحك تمامًا وتعطيك الصورة كاملة

بالنسبه للمكافأه للمبتعث كم ؟ وكم تساوي بالريال ؟

المكافأة 259 ألف ين وتساوي تقريبًا بالريال 12400 ريال وبالدولار 3300 دولار تقريبًا + بدل سكن شهري 70 ألف ين تقريبًا بالريال 3300 ريال

الرحله من الرياض للعاصمه اليابانيه كم تستغرق من ساعه ؟؟

على حسب مسار الرحلة فعلى خطوط الاتحاد مثلًا من الرياض إلى أبو ظبي تقريبًا ساعتين إلا ربع يمكن ومن أبو ظبي إلى ناريتا 11 ساعة تقريبًا

بالنسبه للسكن هناك غالي او معقول ؟

أنا ساكن بغرفة 4 في 4 تقريبًا مفروشة وفيها دورة مياه ومطبخ عبارة عن عين وحدة ومجلى هذي خاصة وغرفة غسالات الملابس مشتركة وبمدينة سايتاما الإيجار الشهري 75 ألف ين تقريبًا بالريال 3600 ريال

انا مرافقي اخوي هل يعطونه مكافأه مع العلم انه يشتغل هنا بالرياض وهو راح يكون مرافق فقط ماراح يدرس ؟

طبعًا له مكافأة مرافق لكنها أقل من مكافأة الطالب تقريبًا 180 ألف ين ـ لكن غير متأكد من المبلغ بالضبط ـ وله أحقية الدراسة في البلد أيضًا ولو كان يبي يدرس تتحول مكافأته إلى مكافأة طالب

امم اخر شيء هل يكفي انه معي انجليزي والا لازم اتعلم ياباني يعني لازم ادخل معهد لغه يابانيه عشان ادرس ؟ أنا معي ايلتس وبدرس ماستر ان شاء الله ؟

لازم تدرسين لغة يابانية ومعنا طلاب يبون يدرسون ماستر بالإنجليزي ومع ذلك ألزموا يأخذون لغة يابانية

راح اكمل ان شاء الله تخصص علوم حاسب هل اليابان حلوه وقويه من ناحية هذا التخصص ؟؟

واحد من الشباب يبي يدرس بكالوريوس فبحث عن تخصص علوم الحاسب فحصله موجود في 26 جامعة من أصل 300 جامعة بحث عنها لكن هذا بكالوريوس طبعًا
عمومًا بالإمكان تبحثين في مواقع الجامعات أمّا عن قوة التخصص في اليابان فمثلي ما يقدر يفيدك إطلاقًا في هالسؤال

وبس الله يجزاكم الجنه شكرا

آمين والشكر موصول لصاحب الموضوع

السلام عليكم,

وعليكم السلام ورحمة الله وبركاته

اخوي سلمان,

معليش تطفلًا مني راح أساعد الأخ سلمان وأجوابك

1- حابة اسألة عن المكافئة كم بالدولار واذا ماتعرف مو مشكلة المهم كم المكافئة حتى لو بالين ..

راجعي المشاركة السابقة

2- غير كدا كوني بدرس بكالوريس لازم اتعلم ياباني من هنا ؟؟

لا مو لازم أنا وكل الشباب اللي جينا اليابان كنا صفر في اللغة اليابانية حتى حروف ما فيه وتعلمنا في اليابان من الزيرو والحمد لله أمورنا تمام والشباب كلهم كذا قليل إلي يكون متعلم في السعودية

3- مايدوني سنة لغة زي الانقلش ؟؟

الأصل إن مدة دراسة اللغة سنة واحدة فقط لكن في اليابان يعطونك سنة إضافية كفرصة في حال كان مستواكِ ما يأهلك لدخول الجامعة . لكن لو أنجزتي خلال سنة فما يحتاج تاخذين سنة إضافية
والمعيار هو اختبارين تطرحه الحكومة اليابانية كل 6 أشهر واحد لمعرفة مستوى اللغة اليابانية عند الطلاب الأجانب ( JLPT ) والثاني اختبار في المواد العلمية ( EJU )لو حصلتي درجات تأهلك لاجتياز الامتحان بنجاح فمبروك عليك على الجامعة على طول إن شاء الله

4- كيف معاملة الشعب ؟ كيف المجتمع الدراسي ؟ الطلاب الدكاترة ؟ الملحقية كيف ؟

هذي يبي لها ترويقة وكلام كبير وسبق كتبت في هالملتقى عن هالموضوع فلعلي إذا وجدت المشاركة نسختها هنا

5- هل يوجد جامعات باللغة الانجليزية ولا لا كلو ياباني اجبار ( بكالوريس ) ..؟؟

لا فيه إنجلش بس نادر ويشترطون توفل مثل جامعة واسيدا وعمومًا دراسة اللغة اليابانية فيك فيك ما فيه مهرب

وجزاك الله خير ..

وإياكِ

اخوي انا محول ممن امريكا لعندكم وش جامعه او مدينه تنصحني؟؟؟؟؟؟؟

والله ودي أساعدك لكن ما أعطيتني من المعلومات شي ممكن أفيدك به .

مثلًا تخصصك ؟ الدرجة العلمية ؟ لغة الدراسة ؟

وحرام عليك تحول من أمريكا لليابان إلا إذا كان فيه ظروف أجبرتك على كذا .

لأن دول شرق آسيا ( اليابان ـ كوريا الجنوبية ـ الصين ) أول ما تطبها انسى تحول لأي بلد ثاني ولا في الأحلام .

اخي (توني في الديرة )... مشكورا على ماكتبته و كفيت و وفيت على مساعدتك للاخوة و الاخوات ... من زمان منقطع عن مشاركاتك القيمة ... فاتمنى ان يدوم وجودك ل اننا لا نستغنى عن تواجدك القيم و المفيد .. وشكرا لك

اخي ( توني في الديرة ) ... اتمنى ان تفيدني عن الجامعات الهندسية باليابان (للماجستير )اذا امكن ... ماهي اغلى و ارخص المدن اليابانبة من ناحية السكن و المعيشة .. والاخير هل المكافأة بنظرك تكفي مع ايجار الشقة ؟
لك سلامي وبارك الله بك

جزاك الله الف خير اخويا (توني في الديرة) ربي يوفقكم ويسعدكم ان شاء الله

في البداية أنا ما سويت شي حبيبنا والشكر لك أنت صاحب الموضوع

اخي ( توني في الديرة ) ... اتمنى ان تفيدني عن الجامعات الهندسية باليابان (للماجستير )اذا امكن ...

والله حبيبي سؤالك كبـــــــــــــــــــــير يعني يبيلك ترويقة وتبحث إنت في مواقع الجامعات وتسأل وتشوف الشباب .

عمومًا أهم شي تعرفه إن أفضل تخصص تبرع فيه اليابان الهندسة بكل أنواعها هذي قبل كل التخصصات لا حاسب ولا طب ولا غيرها الهندسة هي التوب هنا وإذا قسمت دول العالم بحسب قوة التخصصات فاليابان راح تاخذ الهندسة على طول ما فيه كلام .

فاختيار دراسة الهندسة في اليابان اختيار موفق إن شاء الله والباقي بعد كذا يهون .

ماهي اغلى و ارخص المدن اليابانية من ناحية السكن و المعيشة ..

الأغلى طوكيو طبعًا أمّا الأرخص ما أدري لكن كلما اقتربت من المدن الكبرى ارتفع السعر والعكس صحيح .

سايتاما تعتبر مدينة معقولة في أسعارها طبعًا مقارنةً بالمدن اليابانية وميزتها قريبة من طوكيو .

وطبعًا كلما اتجهت شمال تبرد الأجواء حتى تصل الثلوج في هوكايدو وكلما اتجهت جنوب ترتفع درجة الحرارة .

والشعب في طوكيو مشغول بنفسه لكن في أوساكا مثلًا تشوف الناس فرفشة وضحك واستهبال يعني بشر طبيعيين مو مثل طوكيو تقول ريبوتات .

فكل منطقة وكل مدينة لها خصائصها وميزاتها وعيوبها ومن الصعب أعطيك نبذة عن كل المدن لأني ما أعرف غير طوكيو وسايتاما لأني عشت فيها أما أوساكا ففترة بقائي فيها كانت قصيرة جدًا .

والاخير هل المكافأة بنظرك تكفي مع ايجار الشقة ؟

نعم تكفي ولله الحمد وعساهم يزيدونها بعد

عقبال ما نشوفك إن شاء الله بالسلامة

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ

جزاك الله الف خير اخويا (توني في الديرة) ربي يوفقكم ويسعدكم ان شاء الله

آمين وإياكم وعقبال الدكتوراة إن شاء الله