مبتعثين المرحلة الثامنه إلى اليـــابــان

السلام عليكم
لو سمحت "توني في الديرة" بحكم انك الان في اليابان وتعرف شغلات كثيرة عنها بغيت أسألك :
انا الان بثالث ثانوي وصراحة لي فترة افكر في الابتعاث للخارج "بعثة الملك" لدراسة الصيدله، واكثر دوله جاذبتني اكون صريح
اليابان.. سؤالي :
1-انا الان شايل هم التحصيلي هنا في السعودية وصعوبته ...وسمعت ان في اليابان بعد المعهد تختبر تحصيلي ياباني في المواد العلمية !!!
واختبار لغه !! هل الاختبار هذا نص كم مثل التحصيلي والا بسيط ورؤوس أقلام ؟ هل عانيت بصعوبة فيه؟

2-هل اليابانية بصعوبة العربية واللغات النص كم ؟ قيملي هيا من 1 الى 5 ..

3-هل الدراسة في الجامعة صعبه "يعني اللغة في التعاريف والشرح" ؟ يعني مثلا مبتعثين امريكا يقولون الجامعة مضمونه وان دخلتها سهله ودراستها موية بالانجليزي ..

4-جاوبني بكل أمانه ، هل تنصحني في اليابان ؟ وهل ندمت لأنك اخترت اليابان ؟

السلام عليكم ورحمة الله وبركاته

كيفكم مينا ؟ ^ ^

عموما أنا حاليا مبتعث ادرس في أمريكا لي سنتين وحاليا ادرس في الجامعة

لكني بحول لليابان لظروف خاصة

اللي يهمني هو بما اني خلصت سنة اللغة هل لو رحت اليابان حكون مجبور ادخل الجامعة بدون دراسة اللغة ؟!

ملاحطة ماعندي لا توفل ولا ايلتس دخلت الجامعة بعد ما اختبرت اختبارها + عندي شهادتين لغة من معهدين مخنلفين TLC + ELS بالنسبة للـELS الى ليفيل 9 فقط فهل راح تنفعني هذي الشهادتين ؟

طلب : أبغى اسم مدينة تكون متوسطة الأسعار والحجم ويكون الشعب فيها ودود لأنه بصراحة قرفت هنا من الشعب الامريكي ..

سؤال أخر هل التوفل أو الايتلس مطلوب للدراسة في اليابان أم الوضع مثل أمريكا ما تحتاج أي لغة انجليزية ؟

السلام عليكم

وعليكم السلام ورحمة الله وبركاته

لو سمحت "توني في الديرة" بحكم انك الان في اليابان وتعرف شغلات كثيرة عنها بغيت أسألك :
انا الان بثالث ثانوي وصراحة لي فترة افكر في الابتعاث للخارج "بعثة الملك" لدراسة الصيدله، واكثر دوله جاذبتني اكون صريح
اليابان..

قبل كل شيء لازم تعرف إن جميع التخصصات الطبية والصحية من ( طب وجراحة ـ طب أسنان ـ علوم طبية ـ تمريض ـ صيدلة... ) كل هذي متوقفة لدرجة البكالوريوس بقرار من وزارة التعليم العالي فقط دراسات عليا هي المتاحة
أمّا التخصصات المتاحة في اليابان لدرجة البكالوريوس ( الهندسة بكل أنواعها ـ الحاسب بتخصصاته ـ الإدارة والاقتصاد... ) وهذا الكلام من د.م. عصام أمان الله بخاري الملحق الثافي قاله لي في مكتبه .

سؤالي :
1-انا الان شايل هم التحصيلي هنا في السعودية وصعوبته ...وسمعت ان في اليابان بعد المعهد تختبر تحصيلي ياباني في المواد العلمية !!!
واختبار لغه !! هل الاختبار هذا نص كم مثل التحصيلي والا بسيط ورؤوس أقلام ؟ هل عانيت بصعوبة فيه؟

ما فيه حبيبي نص كم هنا كله كم طويل هههه
عمومًا طالما إنك سعودي فالأمور تهون الجامعات تقبلك عادي أهم شي تكون داخل الامتحان وما عليها من درجاتك فلا تخاف .

2-هل اليابانية بصعوبة العربية واللغات النص كم ؟ قيملي هيا من 1 الى 5 ..

والله ما أدري وشفيك ماسك على نص كم
عمومًا اللغة الصراحة صعبة ولازم تبذل فيها مجهود كبير جدًا ولا تقارن بالإنجليزي إطلاقًا يالبيه يالإنجليزي بالنسبة للياباني لكن ما فيه شي مستحيل طبعًا وربي يوفق .

3-هل الدراسة في الجامعة صعبه "يعني اللغة في التعاريف والشرح" ؟ يعني مثلا مبتعثين امريكا يقولون الجامعة مضمونه وان دخلتها سهله ودراستها موية بالانجليزي ..

لا حبيبي اليابان تختلف تبي تتعلم صح ولا ما راح تمشي

4-جاوبني بكل أمانه ، هل تنصحني في اليابان ؟ وهل ندمت لأنك اخترت اليابان ؟

لن أنصحك بأي بلد فكل شخص أعرف بقدراته واليابان تتطلب منك بذل جهد ذهني ونفسي مضاعف جدًا في الدراسة وفي المعيشة وفي كل شي

السلام عليكم ورحمة الله وبركاته

وعليكم السلام ورحمة الله وبركاته

كيفكم مينا ؟ ^ ^

دايجوبو

عموما أنا حاليا مبتعث ادرس في أمريكا لي سنتين وحاليا ادرس في الجامعة

لكني بحول لليابان لظروف خاصة

الله يسهل أمرك لكن تذكر ترى ما فيه تحويل من اليابان لأي بلد ثاني انسى حبيبي

اللي يهمني هو بما اني خلصت سنة اللغة هل لو رحت اليابان حكون مجبور ادخل الجامعة بدون دراسة اللغة ؟!

ما أدري الصراحة لكن على كلام الشباب اللي سألتهم يقولون لا طبعًا بل العكس راح تكون مجبور تاخذ فترة اللغة من جديد لاختلاف اللغة المستخدمة في بلد الدراسة

ملاحطة ماعندي لا توفل ولا ايلتس دخلت الجامعة بعد ما اختبرت اختبارها + عندي شهادتين لغة من معهدين مخنلفين TLC + ELS بالنسبة للـELS الى ليفيل 9 فقط فهل راح تنفعني هذي الشهادتين ؟

في الغالب ما راح تنفعك شهادات الإنجليزي إطلاقًا إلا في حال إنك دخلت جامعة تدرس بالإنجليزي وفي هالحالة فإن أغلب الجامعات اللي تدرس بالإنجليزي تشترط التوفل أو الايلتس وهي قليلة أصلًا
فبالعربي ما راح تستفيد في كل الأحوال والله أعلم

طلب : أبغى اسم مدينة تكون متوسطة الأسعار والحجم ويكون الشعب فيها ودود لأنه بصراحة قرفت هنا من الشعب الامريكي ..

والله حبيبي سايتاما حلوة وفيه ناغويا برضه يمدحوها الشباب لكن وش تعريف ودود عندك لأن الشعب في سايتاما كافي خيره وشره وهذا اللي معجبني فيهم وهي صفة تعم كل اليابانيين لكنها بعض الأحيان تكون بزيادة يعني ما فيه أحد يكلمك أبد ولا يعطيك وجه فمثلًا من ناحية الأكثر اجتماعية تجد مدن الجنوب أفضل من هالناحية مثل أوساكا وما حولها

سؤال أخر هل التوفل أو الايتلس مطلوب للدراسة في اليابان أم الوضع مثل أمريكا ما تحتاج أي لغة انجليزية ؟

أجبت على هذا السؤال بالتوفيق

يعطيك العافية اخوي على الرد وافادتي

بخصوص نقطة المعاهد هل المعاهد في اليابان تدرسك ياباني بالانجليزي ولا تدرسك ياباني بالياباني ؟

اللي أقصده يوم رحت اليابان هل الوزارة طلبت منك اختبار ايلتس - توفل - أو غيره ؟

نقطة اخيرة معليه على الازعاج

انت قلت انه الشعب الياباني في حاله وما يعطيك وجه هل انت قارنته بالمجتمع السعودي يعني ولا مقارنة بمجتمعات العالم ؟

لأنه انا هنا نفس وضعك الشعب الأمريكي ما يعطوا وجه الا لمصلحة وللأسف

الله يعطيك العافية
يعني انحدينا على الهندسة ... الله يعين
ههههههه اهم شي النص كم
شسمه انا قصدت في السؤال قبل الاخير حق صعوبة الجامعة يعني ما يمشي في اليابان الا الدافور "يعني الي يجيب 99،99999 ويبكي :/ " والا عادي ؟ يلا ما عليه بسال اخر 3 أسئلة :

يعطيك العافية اخوي على الرد وافادتي

الله يعافيك ما سويت شي

بخصوص نقطة المعاهد هل المعاهد في اليابان تدرسك ياباني بالانجليزي ولا تدرسك ياباني بالياباني ؟

ياباني ياباني يعني ممكن تحصل كم مدرس أو مدرسة يعرفون إنجليزي لكن برضه ما راح يستخدمونه إلا في حال انحدوا عليه مرة

اللي أقصده يوم رحت اليابان هل الوزارة طلبت منك اختبار ايلتس - توفل - أو غيره ؟

لا إطلاقًا

نقطة اخيرة معليه على الازعاج

انت قلت انه الشعب الياباني في حاله وما يعطيك وجه هل انت قارنته بالمجتمع السعودي يعني ولا مقارنة بمجتمعات العالم ؟

والله حبيبي أنا ما درت العالم عشان أعرف طباعهم
لكن طبيعة الشعب الياباني معجبتني الصراحة لأني من النوع اللي ما يبي أحد يشغله خلك في حالك وخلني في حالي والله يسترنا علينا وعليك ويمكن طبيعتي هذي تؤثر في حكمي عليهم لأني شخص غير اجتماعي بصراحة ولذلك أنظر لهم من خلال طبعي .

لأنه انا هنا نفس وضعك الشعب الأمريكي ما يعطوا وجه الا لمصلحة وللأسف

وش تبي باللي يشغلك يا حبيب . عمومًا ما أعتقد إن اليابانيين مصلحجيه مثل الأمريكان لا بالعكس أهون بكثير ويخدمونك بنفس طيبة وتعامل راقي الصراحة حتى لو ما راح يحصل من وراك فايده

الله يعطيك العافية
يعني انحدينا على الهندسة ... الله يعين
ههههههه اهم شي النص كم
شسمه انا قصدت في السؤال قبل الاخير حق صعوبة الجامعة يعني ما يمشي في اليابان الا الدافور "يعني الي يجيب 99،99999 ويبكي :/ " والا عادي ؟

لا عادي تمشي أمورك حتى لو منت دافور فأنت سعودي يعني الجامعة ضامنه فلوسك أهم شي عندهم أخلاقك وحضورك يعني لا تغيب ولا تسوي مشاكل في الجامعة وغير كذا ما عليك الأمور هينة بس مهما كان شد حيلك طبعًا

يلا ما عليه بسال اخر 3 أسئلة :

أبدًا حبيبنا وشد حيلك في التحصيلي تكفى لأن درجتك فيه راح تعطيك بإذن الله خيارات متعددة حتى لو ما كانت اليابان أو الابتعاث من ضمنها لا تتهاون وأنا أخوك الله يسهل أمرك

الله يوفقك أخوي (توني) ما قصرت لا معاي ولا مع باقي الأعضاء

عارف والله اني أزعجتك لكن تحملنا ما نعرف شيء في اليابان ^ ^

ايش أفضل 5 مدن في اليابان في رأيك أو حسب ما سمعت ؟

المدينة اللي انت عايش فيها كيف الشعب هناك - وكيف الأسعار والغلا المعيشي ؟

والله يوفقك يارب