دليل كوريا الجنوبية

السلام عليكم ورحمة الله وبركاته

الموضوع مبني على موضوع الأخ
http://www.mbt3th.us/vb/forum83/thre...l#.VKW5GNyMnRc
بس حبيت اني اجدد فيه لأن المعلومات اللي هناك من عام 2010

كل ما يخص مراحل الابتعاث قبل الوصول الى كوريا الجنوبية راح تلاقوه في الروابط
http://www.mbt3th.us/vb/forum203/thread452467.html
http://www.mbt3th.us/vb/forum203/thr...l#.VKW5ZNyMnRc
http://www.mbt3th.us/vb/forum203/thr...l#.VKW5atyMnRc
http://www.mbt3th.us/vb/forum203/thread454030.html
http://www.mbt3th.us/vb/forum203/thread461148.html
http://www.mbt3th.us/vb/forum203/thr...l#.VKW50tyMnRc

نبدأ بسم الله


الفيزا ..
بالنسبة للفيزا D4 لطلاب اللغة و D2 لطلاب الجامعة
F3 للمرافق


- قبول اللغة

بالنسبة للناس اللي جاية ابتعاث الملحقية راح تتكفل بموضوع القبولات من الى
وراح يرسلولكم نسخة من القبول ع الايميل ما عليكم الا انك تاخذوها للقنصلية او السفارة الكورية
وتطلعوا الفيزا اللي راح يكون مدتها 6 شهور

اما الناس اللي جاية ع حسابها الخاص ف برضو تقدرو تتواصلو مع الملحقية وهم راح يجيبولكم القبول


الأوراق اللي ممكن تحتاجوها في السفارة :
قبول اللغه الكوريه الاصل من احد الجامعات الكورية
تعبئة الابليكيشن
صورتين مكشوفة الراس
كشف حساب لاخر 6 شهور
جواز سفر ساري لايقل عن سنه
الضمان المالي ان وجد
سعر التأشيرة لعدة زيارات 354 ريال
ط§ظ„ظ‚ظ†طµظ„ظٹظ‡ ط§ظ„ط¹ط§ظ…ط© ظ„ط¬ظ…ظ‡ظˆط±ظٹط© ظƒظˆط±ظٹط§ ط¨ط¬ط¯ط© – ط§ظ„ظ…ظ…ظ„ظƒط© ط§ظ„ط¹ط±ط¨ظٹط© ط§ظ„ط³ط¹ظˆط¯ظٹط©


الفيزا ما تغني عن بطاقة الاقامه اللي ممكن تطلعها من مكاتب الهجرة بعد ما توصل الى كوريا بالسلامة


- نظام الدراسة

النظام الكوري يعطيك سنتين لدراسة اللغة الكورية اللي عبارة عن 6 مستويات

اغلب المعاهد تعتمد نظام 10 اسابيع للسمستر الواحد وبعدين اجازة لمدة من اسبوع واحد الى 3 اسابيع ع حسب نظام الجامعة نفسها

في كل سمستر لازم نسبة الحضور ما تقل عن 90% او 95% على حسب المعهد

الدراسة من يوم الاثنين الى يوم الجمعة من الساعة 9 الصباح الى الساعة 1 الظهر
( بعض المعاهد تخيرك ما بين الدوام الصباحي والدوام المسائي اللي يكون من الساعة 1 ونص الظهر الى الساعة 5 ونص )

4 سمسترات في السنة وتتقسم ( ربيع – صيف – خريف – شتاء )



من المستوى الأول الى الثالث يعتبر اساسيات اللغة من الحروف الى تكوين الجمل الى كتابة قطع وتقدر تخرج تتكلم في الشارع مع الناس
المستوى الرابع نص اساسيات ونص تهيئ للجامعة
المستوى الخامس والسادس تهيئ للجامعة وتعمق في اللغة
ومع ذلك في طلبة خلصوا المستوى السادس ولاقوا صعوبات في الجامعة ..
انا من رأيي دا شيء أكيد حتى الناس اللي بتدخل الجامعة في السعودية
بتلاقي صعوبات في الفهم والاستيعاب في البداية وكل شي راح يتسهل مع الوقت ان شاء الله




-قبول الجامعة

قليل من الجامعات اللي يعطو قبولات مشروطة وأغلبهم يكون في الجامعة نفسها برنامج خاص بالسعوديين ف يرضو انهم يعطو قبول مشروط


القبولات العادية تنقسم لقسمين :
الناس اللي تبا تدرس باللغة الكورية (طبعا في بعض المواد تكون بالإنجليزي على حسب الجامعة والتخصص نفسو)

من أهم الشروط هو انو يكون عندك الدرجة الثالثة في اختبار قدرات اللغة الكورية أو باختصار اختبار التوبيك ( TOPIK )

طبعا لازم تجيب الدرجة خلال سنتين اللغة قبل التقديمات للجامعة

ولازم يكون عندك الدرجة الرابعة في التوبيك قبل التخرج من الجامعة

بعض الجامعات اللي عندهم معهد لغة كورية في نفس الجامعة يكتفو بشهادة المستوى الثالث او الرابع من نفس المعهد




اما الناس اللي يدرسوا باللغة الإنجليزية فقط
( ف أحب أنوه انو تخصصات البكالوريوس قليلة ومحدودة اما تخصصات الماستر متنوعة أكتر )
طبعا ما يحتاجوا للتوبيك مجرد شهادة الايلتس او التوفل


طبعا تختلف الجامعات في المتطلبات بس اللي اقول عليه هو الشي العام اللي في اغلب الجامعات
وباقي المتطلبات عادية زي الشهادات والضمان المالي وما الى ذلك



- نظام الدراسة

نظام الجامعة يختلف عن نظام معهد اللغة وهو عبارة عن
سمسترين في السنة ( ربيع – خريف )

السمستر الواحد 15 اسبوع .. وطبعا الصيف والشتاء اجازة
سمستر الربيع يبدأ من شهر 3 ميلادي الى شهر 6
سمستر الخريف من شهر 9 الى شهر 12

مدة الدراسة للبكالوريوس الاساس 4 سنوات بس تزيد اذا كان في سنة تطبيق على حسب التخصص



- الطيران

أغلب انواع الطيران المستخدمة من السعودية الى كوريا والعكس

الطيران الكوري - دايركت من جدة للرياض لسيؤول
طيران الاماراتيه - ترانزيت في دبي -
طيران الاتحاد - ترانزيت في ابوظبي -
طيران قطر - ترانزيت في قطر -

اسعارهم من 1700 دولار الى 2000 دولار (مسار واحد)



- المعيشة في كوريا

الحياة هنا سهلة وبسية بس المشكلة انها غالية وخصوصا بعد ارتفاع سعر الوون ( عملة كوريا )

اولا.. السكن

بشكل اساسي اذا جاي كوريا وما تبغا تسكن في سكن الجامعة
او مع عائلة ف حط في بالك انو لازم تحط ع جنب مبلغ 3000 دولار ع الاقل حق تأمين الشقة


نظام السكن هنا سواء شقة أو حتى نظام الاستديو او نظام الغرفة الوحدة يعتمد ع التأمين
اللي هو مبلغ تعطيه لمالك البيت ويجلس معاه المبلغ طول المدة اللي انت ساكن فيها الين ما تخرج من البيت يرجعها لك

طبعا المبلغ دا غير عن الايجار الشهري

مبلغ التأمين معدل 3000~10000 على حسب موقع الشقة وحجمها
مبلغ الايجار من 600دولار ~ 1000 دولار برضوا على حسب الموقع والحجم وكمان على حسب التأمين كل ما ارتفع التأمين قل الايجار


طبعا دا اذا اتكلمنا عن الاسعار في مدينة سيؤل بس ممكن انكم تلاقوا ارخص من كذا في
1- شوارع الجامعة او الشوارع القديمة نوعا ما
2- المدن الصغيرة
3- او ان الغرفة اللي بتاخذها تكون صغيييييييرة


هدا بالنسبة اذا بتسكن لحالك ..

سكن الجامعة .. ما يحتاج لمبلغ تأمين بس في الأغلب راح يحطو معاك طالب تاني او اكتر ع حسب امكانيات الجامعة
سكن مع عائلة .. نادر في كوريا بس دي الأيام صارو يرحبو بدي الفكرة
في نوع سكن تاني هنا في كوريا اللي هو انك تعيش في بيت لك فيه غرفة وحدة وصاحبة البيت تكن مسؤولة عن نظافة البيت ووجبة الفطور والعشا

الأنواع الاخيرة توفر سعر التأمين وكذا بس تاخذ وقت عبال تلاقي مكان مناسب وغير كذا غير مريحة للأغلب


حاجة كمان ينصرف للمبتعثين في كوريا بدل سكن كل ستة شهور ..
600 دولار لكل شهر للمبتعث الواحد و 1200 دولار للمبتعث\ة اللي معاه مرافق\ة




ثانيا .. المواصلات

السيارة ..
اسعار السيارات المستعملة من 5000 دولار تقريبا واكيد السيارات الكورية أرخص ..
بس المشكلة في سعر البنزين ما اعرف كتير عن الاسعار وكدا بس انو مررة غالي والمواقف صعبة جدا

المترو والباص ..
ب حوالي دولار وشي ..وتقدر نستخدمهم ببطاقة تشحنها من أي بقالة وبس
في ابلكيشن تنزلو ع الجوال خاص بالمترو فيه امكانيه باللغة الانجليزية سهل الاستخدام

التاكسي ..
يفتح العداد في سيؤول ب 3 دولار ولما تعدي الساعة 12 في الليل يصير ب 3 دولار و200 سنت





ثالثا .. الأكل

الشعب الكوري يعشق لحم الخنزير بشكل مو طبيعي في كل مكان يحطوه ومع أي حاجة
وعادي جدا ان يكون في اكلات معينة ما تتسوى الا بلحم الخنزير ..

عشان كذا اسألو مزبووط قبل ما تأكلوا من أي محل

بالنسبة للحم البقر والدجاج
50% من مواطنين كوريا بوذيين وتبعا لكذا فان طريقة ذبحهم غير اسلامية
بس الشي الحلو انهم يستخدمو اللحوم الاسترالية اللي تعتبر ارخص من اللحوم الكورية وبما انو استراليا 90% منهم مسحيين فيحل لنا ان ناكل من لحمهم


المطاعم في كل محل وزاوية وعندهم خدمة التوصيل المنزلي مو بس الوجبات السريعة حتى للأكلات الشعبية




رابعا.. الاتصالات

نظام الشرايح في كوريا صعب .. لازم يكون عمرك فوق ال 20 عشان يطلعولك شريحة باسمك هذي الطريقة النظامية ..

في طريقة غير نظامية اللي هي تروح ايتوان (شارع الاجانب في كوريا )
وتطلع من عندهم شريحة او جوال خدمة بحوالي 30 دولار وتصير خدمة مسبقة الدفع ..
بس الشي السلبي انها مو شريحة رسمية ممكن في أي وقت وبدون أي سابق انذار الرقم ينسحب منك وانت ما تدري


تقدر تشتري جوال باسمك بس او تطلع شريحة مفوترة ..

الخدمات هنا رخيصة يعني مثلا
180 دقيقة مجانية و 100 رسالة و6 جيجا LTE وجي ثري مفتوح بحوال 150 ريال بس يعني ي بلاش


غير كذا الواي فاي متوفر في كل مكان خصوصا الكافيهات




اخيرا .. الأمان

كوريا الجنوبية ماخذة المركز التاني عالميا في نسبة الأمان بعد الله
ف الموضوع هنا الحمدلله راحة نفسيه

هذا غير عن موضوع الأمانة اللي توصل لدرجة انو عادي نحط اغراضنا في كوفي ونروح البيت نصلي ونرجع محد يلمس اغراضنا



دي أجوبة وتفاصيل لمواضيع كنت انسأل عنها كتير
ان شاء الله اكون اتوفقت في الشرح وان شاء الله اكون افدتكم بشيء
صححولي أو زيدوني من عندكم

دمتم