ماذا بعد استلام التذاكر (الصين)

معلومات استفدنا منها

بس اخواني كيف راح نفتح حساب؟؟؟

هل فيه احد راح يجي معانا من الملحقيه السعودية ويترجم لنا ؟؟؟
ولا نكلم مكتب ترجمة يستقبلنا ؟؟؟

وهل راح يكون استقبال تعريفي من الجامعة للطلبة الاجانب؟؟؟

وسؤال اخر كيف راح يكون الجووو في بكين ؟؟؟ في بداية شهر مارس؟؟

اسألتي كثييرة ... لكن سؤال اخير

إذا رحت وماتحملت العيشة هناك ... يقولون مافيه اكل وعيشة صعبة

هل أقدر اكنسل البعثة وتصرف لي تذاكر للعودة على الفور ؟؟؟

وشكرااا

اخوي معليش على الدخله المتأخره بس بصراحه

انتوا يالطلاب الجدد خايفين مرررره وماأحد يلومكم

بس على فكره انتوا مو اول دفعه ولا اخر دفعه ان شاء الله

يعني لاتشيلون هم

اخوانكم قبلكم ماراح يقصرون معكم وبكل جامعه راح تلقون من الشباب اللي يبيضون الوجه

واما من ناحيه البنك

البنوك بكل فروعها يتكلمون انجليزي خصوصا انكم جايين بعد الاولمبياد

واما الجانب التعريفي فهو يعتمد على برنامج الجامعه واغلب الظن ان فيه للطلاب الجدد برنامج تعريفي بمواقع الجامعه والمنشات الموجوده ...


اما من ناحيه مافيه اكل لوووووووووووووووول

اجل 500 طالب وشلون عايشين

الاكل موجود والمطاعم موجوده

واتكلم انا عن بكين وشمال الصين اما جينان مااعرف عنها شي لاني مارحتها

عموما تحياااتي لكم والله يحييكم بين اخوانكم

واللي يفكر يرجع باكسر راسه

والواحد الى متى يجلس عن امه ولا كل واحد يبي الحياه على كيفه هههههههههههههههههههههه

المهم الي اشوووفه لا يقول بارجع ولا اشتغل العقال خخخخخخخخخخخخخخ

اهم شي دخلت ورديت خخخخ

اكيد بنخاف اجل دولة ماتتكلم انجلش كيف راح نتعامل معاهم ههههههه

ومن ناحية الأكل والله من كثر ما اسمع انها مافيها الا الحشرات المشويه

يعني مانحمل معنا قائمة الأكل ه

ومن ناحية الشباب الله يبيض وجيهم مايقصرون اكيد ماعندي شك

والله انك ضحكتني انت وعقالك هههههههههههههههههههههههههههه


اجل بيشتغل العقال هااااااااااا


وتشكرات مره ثانيه

يارجال الشباب هنا ما يقصرون أنا كنت خايف أكثر منك وقلقان

لكن شوفني لي يومين هنا الامور كلها تمام ومتسهلة والحمد لله

وبالنسبة للاكل لا تسمع الكلام المبالغ فيه برا ترا الصين هنا فيها كل شي لا تجيب اي شي معاك

إلا سلامتك ورضا والديك ومصحفك وسجادة

وتوصل بالسلامة إن شاء الله

وإذا تبي أي خدمة في بكين أنا موجود وإذا جينان في خويي موجود

تحياتي

ههههههههههههههههههههه

ولا يهمك العقال مشتريه مخصوص من الصوف اللي مايتقطع هههههههههههههههه

ههههههههه

المهم زي ماقال الباش مهندس ولا يهمك والاخوان موجودين وانت راح توصل وراح ترتاح نفسيا وتستقر امورك في اقل من اسبوع او اسبوعين اذا انت راعي حركه او اذا تحب النوم عزالله اللي يبي لك خمس اشهر الين امورك تستقر ((اتوقع انك فاهمني )) <--- اقصد خل دمك حار اول يوم افتح حساب وعلى الملحقيه على طووول والحساب يفتحونه لك في خمس دقايق وانت واقف ولازم يكون جوازك معاك وتستلم البطاقه والدفتر ((مو دفتر شيكات يالكاش لا يرووووح فكرك بعيد )) ههههههههههههه هذا دفتر تعاملاتك البنكيه يعني اللي يصير بحسابك تلقاه مسجل بالدفتر ولو ينزل لك مبلغ بالدولار او باليوان او ان شاء الله بالتاكا البنغلاديشي تلقاه موجود وبعدين خذ اوراقك وعلى الملحقيه يسجلون دخولك ويفتحون ملف ويصورون اوراقك وياخذون منك 384 صوره اربعه في سته و133 صوره تسعه في اثناعش ههههههههههههههههههههه هذي من عندي امزح معاااااااك هههههههههههههههه المهم تطلع من الملحقيه ابدا دور الشقه او السكن الجامعي وانا انصحك اول ست اشهر خلك بسكن الجامعه افضل شي الى ان تعرف اللغه وحتى تعرف وين تدور سكن ووين تسكن واقرب مكان للجامعه ولكن اول ست اشهر محتاج للاختلاط بطلاب الجامعه علشان اللغه وينطلق لسانك وهذاك الوقت بتقول بخاطرك يالله وش كثر كنت خايف واثاري الامور سهالات هههههههههههه وراح تضحك بس لاتنسى اخوانك من دعواتك الطيبه ............

تحيااتي لك وتوصل بالسلااامه ياقلبي

يعطيك ألف ألف الف عافية اخوي (Sha6er) ، و الصراحة من جد شاااطر ... الصراحة استفدت كتييير منك ... جعله الله في ميزان حسناتك ، و اكيد ان شاء الله ما راح ننساك من الدعاء ابدا ...

و السلام عليكم و رحمة الله و بركاته ...